Aktualitet

U vra nga efektivi, përcillet për në banesën e fundit Klodian Rasha. Shokët e panë të fundit të gjallë: S’kishte armë me vete! Lleshaj s’mban përgjegjësi: Të zbardhet e vërteta

  • Policia e Shtetit vrau 25-vjeçarin, ministri Lleshaj thyen heshtjen, mban ‘0 përgjegjësi’: Ngushëllimet e mia!
  • “O djali ndalo pak”/ Ndjekja këmba-këmbës nëpër Laprakë, gjithë shpresat tek një kamera
  • Përcillet për në banesën e fundit Klodian Rasha, i riu që u qëllua për vdekje dje nga efektivi i forcave "Shqiponja". Ata që e takuan për herë të fundit, shokët e tij kanë bërë me dije se i riu nuk kishte armë me vete. Ndërkohë që sot për të janë organizuar dy protesta, një nga të rinjtë e FRPD-së dhe një nga qytetarët. Ende asnjë reagim as nga maxhoranca dhe as nga presidenti Ilir Meta.
    Featured image of article: U vra nga efektivi, përcillet për në banesën e fundit Klodian Rasha. Shokët e panë të fundit të gjallë: S’kishte armë me vete! Lleshaj s’mban përgjegjësi: Të zbardhet e vërteta Klodian Rasha

    TIRANË– Klodian Rasha, vetëm 25 vjeç është përcjellë sot për në banesën e fundit pasi u vra nga Policia e Shtetit ditën e djeshme. Familja e tij ka hapur dyert e mortit duke pritur personat e fundit që i kanë bërë nderimet të riut të vrarë mesnatën e djeshme nga efektivi Nevaldo Hadëraj. Në shtëpi kanë shkuar shokët e Klodjan Rashës, të cilët kanë hedhur poshtë versionin e Policisë së Shtetit se i riu kishte armë me vete. Njëzëri ata janë shprehur se i riu i urrente ato dhe se kishte dalë nga shtëpia vetëm për të blerë cigare dhe për të takuar miqtë e tij. Në banesën e familjes ka shkuar edhe deputeti Halti Valteri që ka kërkuar dorëheqjen e ministrit të Brendshëm, Sandër Lleshaj dhe kryepolicit Ardi Veliu.

    Ndërkohë që sipas burimeve të Dosja.al, në momentin kur Rasha është qëlluar nga efektivi i forcave “Shqiponja” nuk ka pasur armë me vete. Të njëjtat burime bëjnë me dije gjithashtu se i riu nuk ka shkuar kurrë me shenja jetë në spital, pasi plumbi i marrë në kokë e kishte lënë të vdekur në vend. Ndërsa arma u gjet 100 metër larg vendit ku u qëllua Rasha. Ajo është dërguar në laboratorin e kriminalistikës ku do i bëhet ekspertiza nëse ka gjurme gishtërinjsh apo jo të 25-vjeçarit Klodian Rasha.Efektivi Hadëraj është marrë sërish në pyetje për të parë nëse ka çedim në historinë e tij, por ka përsëritur të njëjtën dëshmi, duke theksuar se e kishte bërë gjithçka për vetëmbrojtje. 

    Opinioni publik është “ngritur në këmbë” pas vrasjes së tij dhe ditën e sotme janë organizuar dy protesta. Njëra po zhvillohet tani nga të rinjtë e Partisë Demokratike, ndrësa tjetra do të zhvillohet në orën 16:00 të pasdites. Ndërkohë që ngjarja ka tronditur të gjithë, ende nuk ka një reagim nga qeveria dhe as nga presidenti i vendit, Ilir Meta.

    Për më shumë bëhu pjesë e grupit më viral në Facebook, Dosja.al

    Ngjarja e rëndë ndodhi ditën e djeshme në kryeqytet ku 25-vjeçari u vra gjatë natës nga një efektiv policie. Gjithçka ka ndodhur në zonën e Laprakës, në rrugën “Dritan Hoxha” rreth orës 1:45 të mëngjesit, ndërsa efektivi Nevaldo Hadëraj është prangosur 12 orë më pas. Pas pas mesnatë, patrulla e Policisë ka pikasur një të ri, i identifikuar si Klodian Rasha, që po kryente veprime të dyshimta. Efektivët i kanë bërë thirrje për të ndaluar që në zonën e Don Boskos, por ai është frikësuar dhe ka vendosur që të largohet me vrap. Në një moment, në ndjekje e sipër dhe vetëm 100 metra larg banesës së tij, i riu është kthyer nga efektivët që po e ndiqnin dhe u ka drejtuar një objekt që në dukje ngjante me një armë zjarri.

    (A.B)/Dosja.al

    • 12:38

      Pamjet që të ‘këpusin shpirtin’! I ati i Klodian Rashës nuk ndahet dot nga arkivoli, prej krahësh e largojnë

      Familjarët, miq, të afërm dhe prindërit i kanë dhënë sot lamtumirën e fundit Klodian Rashës, 25-vjeçarit që u vra nga një efektiv policie pak metra larg banesës së tij. Mes lotësh, arkmorti me trupin e pajetë të 25-vjeçarir u nxor nga banesa për t’u përcjellë në banesën e tij të fundit. Babai i të riut ka prekur të gjithë të pranishmit, pasi nuk ndahej dot nga arkivoli i të riut teksa po futej në makinë.

       

    • 10:53

      Deputeti Halit Valteri shkon të bëjë homazhe pranë familjes Rasha: Ministri dhe drejtori i Policisë të japin dorëheqjen!

      Familja Rasha ka hapur ditën e sotme dyert e morgut pasi djali i tyre u vra nga një efektiv i policisë. Ditën e sotme i pranishëm pranë familjes për ti shprehur ngushëllimet ishte deputeti Halit Valteri. Valteri tha se ai do të protestojë për këtë akt të rëndë të ndërmarrë nga punonjësit e Policisë në datën 17 Dhjetor në Kuvend, dhe shtoi se shpreson që pas kësaj ministri Sandër Lleshaj të japë dorëheqjen.

      Zoti i forcoftë familjarët, shpresojmë që drejtësia të bëjë punën e vetë, dhe shpirti i tij të prehet në paqe. Protestën time do ta keni në Kuvend në datën 17 Dhjetor, dhe shpresoj që ministri dhe drejtori i Policisë së Shtetit të japin dorëheqjen pas këtij akti. Patjetër që e mbështes revoltën e qytetarëve’, u shpreh Valteri.

    • 10:28

      U vra dje nga Policia/ Shokët e Klodjan Rashës: Doli për cigare! Ishte me ne deri në orën 23:00, nuk kishte armë

      Shokët e 25-vjeçarit Klodian Rasha, i cili u vra dje nga Policia e Shtetit kanë folur për mediat. Ata janë shprehur se kanë qënë me të deri në orën 23:00 dhe se ai nuk ishte i armatosur, duke hedhur poshtë deklaratën e Policisë së Shtetit.

      “Aq sa jam unë i armatosur , aq ka pasur Klodiani armë natën kur u vra. Klodiani ka qenë djalë shumë i mirë dhe fare problematik. Arma që është gjetur nuk i përket Klodianit. Nuk ka qenë kurrë njeri problematik. Ai ka dalë për të blerë cigare, pastaj u takua me ne,”- u shprehën për mediat shokët e tij.

    • 10:30

      Dy marshime për vrasjen e Klodian Rashës, nga Ministria e Brendshme te Kryeministria, çfarë pritet të ndodhë

      Ditën e sotme pritet që të marshohet në orën 11:00 tek Minisitria e Brendshme për vrasjen e të riut Klodian Rasha nga efektivi i policisë. Të rinjtë e FRPD-së bëjnë me dije se në orën 11:00 do të jenë tek Ministria për të vazhduar marshimin e tyre.

      “Miremengjes! Ne oren 11.00 te rinje demokrate nisin tek Ministria e Brendshme nje marshim proteste per ekzekutimin nga policia te te riut Klodian Rasha. Itinerari i marshimit do te jete Ministria e Brendshme- Bulevard- Kryeministri, ku do te flasin kryetari i FRPD Belind Kelliçi dhe te rinj te tjere. Ftojme median te raportoje live.”

    • 10:25

      Merret në pyetje për herë të dytë efektivi që vrau Klodian Rashën, i qëndron të njëjtave deklaratave

      Ditën e sotme është marrë në pyetje për herë të dytë efektivi që vrau 25 vjeçarin Klodian Rasha. Efektivi i policisë i ka qëndruar të njëjtave deklarata që ka dhënë dhe herën e parë. Si në dëshminë e dhënë përballë oficerëve të policisë gjyqësore të SHÇBA-së ashtu edhe prokurorit, efektivi i policisë që qëlloi ndaj 25-vjeçarit ka thënë se ndaj viktimës ka qëlluar pasi ka pasur dyshime se ai ka pasur një send në dorë që dyshohet të ketë qenë armë zjarri. Dëshmia e tij bie në kundërshtim me deklaratat e policisë që thonë se Rasha ka qenë i armatosur dhe 100 metra larg vendit të ngjarjes është gjetur arma e zjarrit.

    • 9:55

      Babai i Klodian Rashës mes lotësh: Ma vrau policia në derë të shtëpisë, prisja ta martoja jo ta varrosja

      Mes lotëve babai i Klodian Rashës ka thënë për mediat ditën e sotme se priste që djalin ta martonte dhe jo ta dërgonte me arkivol në varreza. Në një prononcim për ‘News24’ babai i viktimës, Qazim Rasha tha se policia është për të mbrojtur dhe jo për të vrarë. Ndër të tjera ai u shpreh se drejtësia duhet të vihet dhe nuk duhet që policia të vrasë çdo minutë.

      Dhimbja ime është edhe e juaja. Dhimbja ime është e të gjithëve, e çdo race, e çdo babe, e çdo nëne. Lind dhe rritet dhe të jep dhe të merr Zoti. Drejtësia të bëjë drejtësi. Mos të na vrasi çdo minutë. Mos të na vrasi. Jo të më vijë djali mua në rrugicë, dhe të më vritet tek rrugica e shtëpisë. Kush mund ta bëjë këtë?! Kush është ai polic?! Çfarë policie është ajo që të vret në derë të shtëpisë. Policia është për të mbrojtur, jo për të vrarë. Djali ishte duke punuar në llaç gjithë ditën në shtëpi dhe doli të marrë cigare. Për maskën iku dhe e vranë. Prisja ta martoja, jo ta çoja në arkivol.”, tha babai i viktimës mes lotëve dhe zerit që i dridhej nga dhimbja e madhe.

    • 8:53

      Me qirinj në duar, qytetarët e Shkodrës protestojnë për vrasjen e të riut nga efektivi i policisë

      Qytetarët e Shkodrës shkelën mbrëmjen e djeshme orën policore dhe vendosën që të mbanin një protestë të heshtur në qendër të qytetit, pas vrasjes së 25 vjeçarit nga një punonjës i Policisë në Tiranë. Protestuesit mbanin qirinj të ndezur në duar dhe marshuan në këmbë deri tek prefektura e qarkut në Shkodër.

    • 8:14

      PROTESTË! Sot në orën 16:00 shqiptarët mblidhen para Ministrisë së Brendshme, kërkojnë dorëheqjen e Sandër Lleshajt pas vrasjes së 25-vjeçarit

      Ditën e sotme është planifikuar një protestë pas vrasjes së 25-vjeçarit Klodian Rasha nga efektivi i policisë mbrëmjen e djeshme. Në një njoftim të publikuar dhe që më pas është shpërndarë në masë në rrjetet sociale është kërkuar pjesëmarrje e madhe, duke kërkuar edhe lirimin e ministrit të Brendshëm, Sandër Lleshaj nga detyra.

      “#BASHKOHU 🇦🇱 #SHPERNDAJE. Ne radhe ta pare ngushellime familjes per djalin e humbur. Ajo qe ka ndodhur mund ti kishte ndodhur çdo kujt prej nesh. Une, ti, apo familiari i kujt e ka radhen? Ai qe supozohet qe duhet te na mbroj jeten, na e mer pa te drejte. Duke u nisur nga kjo vrasje makabre qe nje punonjes policie shkaktoi ndaj nje qytetari, kerkojme nje reagim popullor. Neser ora 11:00 te gjithe perpara ministrise se rendit! Te gjithe te bashkuar, prinder, femije, kushdo qe e ndjen veten sado pak Shqiptar, te kerkojme qe drejtesia te vendoset ne vend, dhe pergjegjesit te dalin para drejtesise, gjithashtu kerkesen per doreheqje te pergjegjesit kryesor ministrit Sander Lleshaj. NESER MUND TE JETE RADHA JOTE, NESER MUND TE JETE TEPER VONE. Mos harroni maskat dhe distacen minimalisht 1.5 meter. Shihemi neser!”- shkruhej në postim.

    Një Koment në “U vra nga efektivi, përcillet për në banesën e fundit Klodian Rasha. Shokët e panë të fundit të gjallë: S’kishte armë me vete! Lleshaj s’mban përgjegjësi: Të zbardhet e vërteta

    1. Po Ku Jeni o Popull Shqiptar Plehrash.U vra nje vk ne Amerike e zezuat Facebook me Black Live Meters…O Rrac Sklleverish..Vrasin Shqiltarin ju rrini si bq e Pazarit Ri…O Popull pa Eshter…O vemje

    Shto Koment