Tronditet Elbasani/ Një person qëllon drejt një lokali, plagosen tre persona. Autori largohet menjëherë nga vendngjarja (EMRAT)
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
SERBI- Deputeti shqiptar në Parlamentin e Serbisë Shaip Kamberi ka sjell në vëmendje ngjarjen “Panda”, në të cilin janë vrarë 6 persona dhe janë plagosur 16 të rinj.
Me anë të një postimi në Facebook, ai ka treguar se këtë çështje e ka ngritur dhe në Parlament. Kamberi është shprehur se kapitulli 35, i bisedimeve midis Serbisë dhe BE-së, është specifik dhe përmban pika të arritura në bazë të dialogut mes Beogradit dhe Prishtinës.
Por, sipas tij, për të arritur një marrëveshje sa më të mirë midis Kosovës dhe Serbisë, duhet të përfshihet dhe një sqarim për çështjet e mëparshme, si në ngjarjen ” Panda”, ku ende nuk janë gjetur fajtorët.
Sipas tij zbardhja e kësaj çështje dhe të tjera si ajo e të pagjeturve do të ndihmonte në normalizimin më të shpejt të marrëdhënieve midis dy vendeve.
“Një rast si ky është edhe ai që ka ndodhur në kafiterinë ‘Panda’ në Pejë në vitin 1998. Me 14 dhjetor 1998, pesë nxënës të Gjimnazit (Ivani 14, Zorani 18, Svetislavi, Dragani e Vukosavi 17 vjeçar) dhe studenti 25 vjeçar me emrin Ivan ishin duke qëndruar në kafiterinë ‘Panda’ i cili ndodhej përballë shkollës. Në kafiteri kanë hyrë dy njerëz të armatosur e maskuar dhe me breshëri automatikësh kanë vrarë 6 të rinj dhe janë larguar. Ishte kjo koha në të cilën Slobodan Millosheviqi dëshironte që me armë të zgjidhë ‘çështjen’ e shqiptarëve në Kosovë. Krimi i kryer në kafiterinë ‘Panda’ në Pejë i cili menjëherë iu ishte mveshur, siç thonin ‘terroristëve shqiptarë’, kishte sjellë arrestime masive”, ka shkruar ai.
Ai ka treguar po ashtu se presidenti serb Aleksandër Vuçiç, ka deklaruar se ka informacione në lidhje me personat përgjegjës, por ende nuk ka një deklaratë prej tij. Gjithashtu ka sjell në vëmendje se ishte koha në të cilën Slobodan Millosheviqi dëshironte që me armë të zgjidhë “çështjen” e shqiptarëve në Kosovë.
“Kam informata dhe indicie, por organet tona kompetente janë në kërkim të provave të plota që ky krim i rëndë të zbardhet. Sa i përket Serbisë dhe mua personalisht, prindërit e të vrarëve duhet të besojnë se të vërtetën nuk do ta fshehim pavarësisht se kush ka marrë pjesë në këtë krim të tmerrshëm, qofshin ata shqiptarë apo serb, që, besoj shumëkend do ta befasonte”, kishte thënë Vuçiq sipas Kamberit, duke shtuar se ai poashtu ka shtuar se është ‘i pari që ka marrë guximin për të folur për këtë krim’ dhe se nuk e brengos “rreziku të cilin e ka marrë përsipër,”-ka thënë ai.
Postimi i plotë;
“Pse fshihet e vërteta për rastin Panda në Pejë? Kapitulli 35, në bisedimet e Serbisë me BE-në, është specifik dhe përmban mekanizma për përcjelljen e marrëveshjeve të arritura në kuadër të dialogut në mes të Beogradit dhe Prishtinës. Ky standard është rregulluar në kuadër të Kornizës për bisedime me BE-në në rrugëtimin e Serbisë drejt integrimit në Bashkimin evropian, ku mes të tjerash thuhet që “çështja e normalizimit të mardhënieve në mes të Kosovës dhe Serbisë do të shqyrtohet në kuadër të Kapitullit 35, të cilësuar si “çështje të tjera” ndërsa në çështje të veçanta dhe të arsyeshme, ky raport e kjo marrëdhënie në mes të dy vendeve të shqyrtohet edhe në kapitujt e tjerë relevant. Normalizimi i mardhënieve me Kosovën do të duhej të nënkuptonte edhe nisjen e procesit të pajtimit e në mes të tjerash edhe ballafaqimin me të kaluarën si dhe kërkimin e faljes për atë çfar është bërë. Gjithsesi, në procesin e normalizimit dhe pajtimit, një kontribut të veçant do të mund t’a kishte dhënë edhe zbardhja e tërësishme e çështjes së të pagjeturve, por edhe zbardhja e të gjithë atyre çështjeve që kanë pasojë viktima civile. Një rast si ky është edhe ai që ka ndodhur në kafiterinë “Panda” në Pejë në vitin 1998. Me 14 dhjetor 1998, pesë nxënës të Gjimnazit (Ivani 14, Zorani 18, Svetislavi, Dragani e Vukosavi 17 vjeçar) dhe studenti 25 vjeçar me emrin Ivan ishin duke qëndruar në kafiterinë “Panda” i cili ndodhej përballë shkollës. Në kafiteri kanë hyrë dy njerëz të armatosur e maskuar dhe me breshëri automatikësh kanë vrarë 6 të rinjë dhe janë larguar. Ishte kjo koha në të cilën Slobodan Millosheviqi dëshironte që me armë të zgjidhë “çështjen” e shqiptarëve në Kosovë. Krimi i kryer në kafiterinë “Panda” në Pejë i cili menjëherë iu ishte mveshur, siç thonin “terroristëve shqiptarë”, kishte sjellur arrestime masive. Me datë 17 dhjetor, së paku 150 shqiptarë të lagjes “Kapishnica” ishin arrestuar dhe intervistuar në Stacionin policor të Pejës. Në bastisjen e shtëpive shqiptare dhe dhunës së ushtruar ndaj tyre kishin marr pjesë mbi 200 pjestarë të policisë dhe ushtrisë serbe, kishin njoftuar mediat më vonë. Katër ose pesë shqiptarë ishin arrestuar dhe pas disa muajve të mbajtur në paraburgim në burgun e Leskocit ishin liruar në mungëse të çfarëdo fakti inkriminues. Një murg i Patriarkanës së Pejës ( Ranko Jokiq) kishte deklaruar për të përditshmën Kurir se “ekzekutuesit dihen, emrat e tyre fshihen , posaçërisht nacionaliteti i tyre”. Deri në vitin 2013 familjet e të vrarëve kishin jetuar duke besuar se këtë krim e kanë kryer shqiptarët. Por atëkohë, në cilësinë e koordinatorit të Zyrës së shërbimeve sekrete, presidenti Aleksandar Vuqiq në emisionin “Teška reč”, me 28.12.2013, kishte deklaruar “Krimin në Panda nuk e kanë kryer shqiptarët sikur që kemi besuar deri tani” dhe që “publiku do të shokohet kur të zbardhet e vërteta”. Presidenti serb Aleksandar Vuqiq ka deklaruar se ka informacione për vrasjen e gjashtë të rinjve serb më 1998 në Pejë, për çka askush nuk është përgjegjur. “Kam informata dhe indicie, por organet tona kompetente janë në kërkim të provave të plota që ky krim i rëndë të zbardhet. Sa i përket Serbisë dhe mua personalisht, prindërit e të vrarëve duhet të besojnë se të vërtetën nuk do ta fshehim pavarësisht se kush ka marrë pjesë në këtë krim të tmerrshëm, qofshin ata shqiptarë apo serb, që, besoj shumëkend do ta befasonte. Ai poashtu ka shtuar se është i “pari që ka marrë guximin për të folur për këtë krim” dhe se nuk e brengos “rreziku të cilin e ka marrë përsipër” (burim: Mondo, 01.11.2018.) Edhe ish prokurori për krime të luftës Vlladimir Vukçeviq, për të përditshmen Danas kishte deklaruar se “informatat me të cilat disponon Prokuroria flasin se në afërsinë e kafiçit Panda, e as për rreth tij “nuk ka pasur shqiptarë, përveç forcave policore dhe ushtareke serbe”. Tash, 23 vite nga krimi në kafiterinë “Panda” në Pejë edhe shumë vite pas deklaratës së presidentit Aleksandar Vuqiq që “ai është gati se i sigurt” kush është përgjegjës për këtë krim të tmerrshëm, qytetarët ende presin të ndëgjojnë të vërtetën rreth asaj se kush dhe për çka me 14 dhjetor 1998 ka vrarë gjashtë dhe ka plagosur 15 të rinjë. Besoj se shteti e ka borxh që opinionit të gjerë e sidomos familjarëve të viktimave t’i tregojë të vërtetën për këtë krim. Prandaj pyetja ime për ministrin e policisë dhe ministrin e drejtësisë është: • A janë identifikuar kryerësit e këtij krimi dhe kur do të ngriten aktakuzat për ta? • Cila është arsyeja që edhe për presidentin e shtetit të paraqesë rrezik përmendja e këtij rasti?,”-ka shkruar ai.
Ngjarja “Panda” ka ndodhur në Pejë në vitin 1998, në një kafe të quajtur “Panda2″. Me 14 dhjetor 1998, pesë nxënës të gjimnazit (Ivani 14, Zorani 18, Svetislavi, Dragani e Vukosavi 17 vjeçar) dhe studenti 25 vjeçar me emrin Ivan ishin duke qëndruar në kafen “Panda” e cila ndodhej përballë shkollës. Në vend kanë hyrë dy persona të armatosur dhe kanë vrarë 6 të rinjtë dhe kanë plagosur 15 të tjerë. Fajtorët për këtë masakër ende nuk janë bërë të ditur.
(k.a/dosja.al)
1 vit nga zgjedhjet e 25 prillit si e shikoni gjendjen e vendit:
MOZAMBIK-Ngjarje të rëndë raportohen të ndodhin në Mozambik. Sipas TheGuardian, grupet islamike ISIS-së, ka vrarë mijëra njerëz, kanë prerë kokën e fëmijëve 11 ...
EVROPË-Kryetarja e Agjencisë së Barnave në Evropë (EMA), Emer Cooke, ka thënë se vendimi i autorizimi të vaksinës AstraZeneca është marrë pasi janë kryer ...
BRUKSEL- Konferenca e Agjencisë Evropiane e Barnave mbi vaksinën e AstraZenecës ka nisur në orën 14:00. The Guardian shkruan se gjatë konferencës ka folur kryet...
EVROPË-Kryetarja e Agjencisë së Barnave në Evropë (EMA), Emer Cooke, gjatë konferencës që EMA po mban për vaksinën e AstraZenecës, ka thënë se fillimisht ë...
BRUKSEL- Kryetarja e Agjencisë së Barnave në Evropë (EMA), Emer Cooke gjatë konferencës që EMA po mban për vaksinën e AstraZenecës, tha se në varësi të rezultat...
BRUSKEL- Kryetarja e Agjencisë së Barnave në Evropë (EMA), Emer Cooke gjatë konferencës që EMA po mban për vaksinën e AstraZenecës, është pyetur nëse ka raporti...
BRUKSEL- Kryetarja e Agjencisë së Barnave në Evropë (EMA), Emer Cooke gjatë konferencës që EMA po mban për vaksinën e AstraZenecës, ka thënë se duhet që të anal...
BRUKSEL- Kryetarja e Agjencisë së Barnave në Evropë (EMA), Emer Cooke gjatë konferencës që EMA po mban për vaksinën e AstraZenecës, ka thënë se rreziku i përfit...
KINË- Kina ka aprovuar ditën e sotme një tjetër vaksinë Covid-i. The Guardian shkruan se kjo është vaksina e pestë e krijuar nga Kina për përdorim emergjen...
