Seancë plenare në Kuvend/ PD anulon bojkotin! Peleshi i heq fjalën Berishës: Mu drejto me etikë
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
Incident para Kuvendit! Policia largon me forcë ish-luftëtarët e UÇK-së, Dritan Goxhaj dhe Meçan Zotaj(VIDEO) ...
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
TIRANË- Deputeti i Partisë Socialiste, Besnik Baraj, largohet nga politika.
Lajmin e ka bërë vetë të ditur, Baraj, në një postim në rrjetet sociale, ku dhe njoftoi se ka vendosur që të mos e plotësojë formularin për të rikandiduar në zgjedhjet e 25 prillit.
Ai ka thënë se një nga arsyet ka qenë për shkak se PS-ja ditët e fundit po krijon hapësira për kandidatë të rinjë për deputetë. Ndër të tjera ai ka thënë, se do të kishte dashur të bënte më shumë për qytetarët, por mundësitë që ka patur kanë qenë të vogla.
POSTIMI I PLOTË:
Fundi i një kapitulli…
Fillimi i viteve 90 e gjeti Shqipërinë të varfër e të revoltuar, por nuk mungonte idealizmi, ndershmëria dhe profesionalizmi. Këto tipare i gjeta të spikatura në mjaft kolegë të PS, bile nuk mungonin edhe te grupimi i PD, ku kisha mjaft miq nga universiteti. Si shumë të tjerë, edhe mua më ftuan të bëhem pjesë e politikës. Profesioni im nuk kishte të bënte me shkencat politike. Megjithatë pranova, sepse klima politike po ndërhynte në të gjithë jetën shqiptare, deri në familje. Për fat të keq edhe sot, politika fut hundët në familje dhe jetën personale. Shpesh u thoja kolegëve në Universitet, të mos rrinin mënjanë, sepse vendin e tyre do e zenë të tjerë, ndoshta me shumë më pak vlera. Të njejtën thirrje do bëja edhe sot, pasi kudo ka profesionistë të mirë e të ndershëm, për të cilët parlamenti, pushteti qendror e vendor kanë nevojë.
Tek i hedh një sy tranzicionit të tejzgjatur shqiptar, gjej të mishëruar Legjendën e Rozafës. Njera palë pësoi një metamorfozë e pati rol në shkatërrimin ekonomik, degradimin kulturor e arsimor, zhvillimin e anarkisë dhe tragjedive. Mosrespektimi i ligjit për motive politike ishte logoja e saj. Pala tjetër mori përsipër të ndërtojë, të ribëjë shtet, të vendosë rend dhe ligje e të paguajë borxhet e mëdha të trashëguara. Reformimi i drejtësisë është fokusi i saj. Dallim thelbësor kanë dhe në mbrojtjen e interesave dhe integritetit të Shqipërisë.
PS është një forcë progresiste, ajo ka ulur në karrigen e kryeministrit edhe 28 vjeҫarë, por njëkohëshit fton për deputete edhe një grua brilante, 78 vjeҫare, si Luljeta Bozo.
Sot ka mjaft të rinj të përfshirë apo që aspirojnë të përfshihen në politikë. Do uroja që tek ta të kultivohen tre elementët që përmenda, ndershmëria, idealizmi dhe profesionalizmi. Rendja pas fitimit, pasurimit abuziv është tipar kompromentues i shoqërisë tonë. Shoqëria jonë, partitë politike duhet të ngrenë mekanizma si të kultivojnë profesionalizmin, idealizmin dhe ndershmërinë tek të rinjtë në përgjithësi dhe ata të përfshirë në politikë, në veҫanti. Sigurisht, rol në këtë drejtim luan edhe një drejtësi e konsoliduar.
Nisur nga afrimet e reja në PS, e për t’u krijuar hapësira atyre, kam vendosur të mos plotësoj formularin për kandidimin si deputet. Shpresoj ta kem justifikuar besimin që më është dhënë në kryerjen e kësaj detyre e mos të kem zhgënjyer njeri. Jam përpjekur, me mundësitë e mija modeste, të jem pjesë e zërit të shqetësimeve dhe zgjidhjes së problemeve të komunitetit të zonave që kam mbuluar. Falenderoj antarësinë e PS në Tiranë, që dy herë më votëbesoi e u bë shkak që unë të kem angazhim maksimal në politikë. Ishte një privilegj dhe nder! Falenderoj kolegët deputetë për bashkëjetesën në këto vite. Këtu përfshij edhe një pjesë të deputetëve të opozitës, ku nuk kanë munguar zërat seriozë dhe profesionalë. Falenderoj Edi Ramën si kryetar i PS, i cili më ka bërë pjesë të ekipit të tij. Mirënjohje të veҫantë banorëve të njësive 2 dhe 7, të cilët me mbështetjen e tyre ma kanë lehtësuar punën dhe komunikimin. Janë të panumërt emrat e kolegëve në strukturat e PS së Tiranës që do doja t’i falenderoja, por është e pamundur se pa dashje mund të harroj dikë. Do të doja të kisha bërë shumë më tepër për ta, por edhe mundësitë dhe hapësirat e deputetit nuk kanë qenë më të mëdha Në prag të zgjedhjeve i uroj suksese PS, duke qenë i bindur në intuitën e menҫurinë e elektoratit shqiptar, për të dalluar atë që premton e gënjen, nga ai që premton, punon e realizon. Kush ka sy dhe veshë e bën dallimin.
(A.k.dosja.al)
1 vit nga zgjedhjet e 25 prillit si e shikoni gjendjen e vendit:
TIRANË- Kryetarja e Partisë Socialiste, Monika Kryemadhi i është përgjigjur, Kryeministrit Rama, pasi ky i fundit ka postuar një video të politikanes teksa...
ITALI– Kryeministri Edi Rama ka mbërritur në tokën italiane, në kudër të vizitës dy ditore për 30-vjetorin e eksodit të shqiptarëve të marsit 1991. Kryeministri...
FIER- oordinatori politik i PD-së për Qarkun Fier, Enkelejd Alibeaj ka takuar banorë të Zharrëzës, Bashkia Patos, fshatit që jeton mbi arin e zi, por që ka mbet...
ELBASAN– Ilirian Leka është me aftësi të kufizuar dhe është i pamundur prej vitit 1988 pwr shkak tw dëmtimit të shtyllës kurrizore. Jeton në lagjen 28 Nëntori n...
KOSOVË- Presidenti Ilir Meta, ka qenë në Kosovë, ku dhe ka kryer homazhe te tek varri i kreut të UÇK-së, Adem Jashari, pasi dita e sotme shënon 23-v...
TIRANË– Parlamenti Europian ka korigjuar deklaratën e parë, pas thirrjes së bërë nga Eurodeputeti dhe Raporteri për Shqipërinë në PE, David Lega. Pak...
TIRANË– Kryeministri Edi Rama ishte i pranishëm ditën e sotme në ‘Air Albania’, aty ku sot do të trajnohen 400 infermierë për t’iu ...
TIRANË– Kryeministri Edi Rama ishte i pranishëm ditën e sotme në ‘Air Albania’, aty ku sot do të trajnohen 400 infermierë për t’iu bashkuar skuadrës së vak...
TIRANË– Kryeministri Edi Rama ka kthyer në video-komike momentin kur Monika Kryemadhi hedh fletët në tokë në emisionin ‘Opinion’. Në vide...
TIRANË– Ministrja Ogerta Manastirliu, pasi mbaroi fjalën e saj para infermierëve në stadiumin ‘Air Albania’ e pasi ia kaloi fjalën Ramës, u pengua dhe desh...
