Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
Pas disa ndeshjeve të dobëta të Real Madridit në Ligën e Spanjës, “mbretërorët” në pranverën e vitit të kaluar u rikthyen fuqishëm në gjysmëfinale të Ligës së Kampionëve duke e mposhtur Bayernin e Mynihut me rezultat 4 me 3 për të shkuar në finale në Kiev të Ukrainës. Se çfarë ndodhi në atë finale e dimë të gjithë. Si ishte e mundur që një ekip që po luftonte për vendin e tretë në Spanjë të tregonte karakter aq të fortë në garën më të fortë botërore, siç është Liga e Kampionëve? Pse ishte më e vështirë të fitohet ndaj, le të themi, Las Palmas sesa ndaj një gjiganti si Bayern.
“Kur ne e dëgjojmë himnin e Ligës së Kampionëve para ndeshjes, ne e dimë që është ndeshje e madhe, posaçërisht këtu në Bernabeu”, kishte deklaruar Toni Kroos.
Në vitin e fundit, Lëvizja Vetëvendosje dukej sikur ishte lodhur. Ndarja me krahun e Dardan Molliqajt, në të cilin krah ndodhet edhe Shpend Ahmeti, e kishte demoralizuar partinë. Çdo gjë po shkonte avash. Dukej sikur një qerre e drurit, rrotat e të cilës nuk janë të lyera me vaj. Sikur ndarja me 12 deputetë të saj nuk mjaftonte, për fatin e keq të LVV’së, zhvillimet politike në vend gjithashtu nuk po i shkonin shumë për shtati. Si pikë e parë, ajo mbeti si partia e dytë më e fuqishme opozitare, pas LDK’së, në Kuvendin e Kosovës. Ishte LDK-ja që i tërhiqte penjtë, derisa LVV-ja po shkonte, siç thotë një fjalë, “sikur Muça mas daive”. Çdo kërkesë për të rrëzuar qeverinë, për të imponuar dinamikë opozitare, duhej të kalonte përmes Avduallah Hotit, i cili është çdo gjë tjetër, përveç dinamik. Kjo gjë e penalizonte tej mase një lëvizje hiperaktive. Dukej si një pitbull i demoralizuar. I zënë në një ambient të mbyllur, duke mos mundur assesi ta shpenzojë energjinë brenda vetes. Në këto rrethana, kur opozita ishte tej mase e moderuar për standardet e tyre, filloi të fitonte terren kryeministri Haradinaj, duke i imponuar rregullat e tij të lojës. Rezistenca e Haradinajt në tema të mëdha nacionale, si ndarja e Kosovës ose mos-heqja e taksës, e lansoi atë dhe partinë e tij në Ligën e Parë të Kosovës, prej Ligës Rajonale ku kishte qëndruar me dekada. Haradinaj po i mbronte në mënyrë edhe më radikale të gjitha ato tema që supozoheshin t’i takonin sipas detyrës zyrtare Lëvizjes Vetëvendosje. Pra, si tërësi, asgjë nuk dukej e favorshme për lëvizjen. Mbi të gjitha, ishte e pafavorshme mënyra se si vendi do të shkonte në zgjedhje. Mënyra se si Haradinaj ia tërhoqi këmbën tavolinës ishte mjeshtërore. Askush nuk e kishte pritur që ai do ta bënte një akt të tillë, duke e vënë PDK’në në një siklet të paparamendueshëm.
Të gjitha këto rrethana flitnin kundër Vetëvendosjes dhe Kurtit, i cili si kurrë më parë kishte filluar t’i ngjante Sizifit. Ajo, që tash njihet si PSD ose si fraksioni që doli nga LVV-ja, ndoshta në elektorat nuk e dëmtoi shumë LVV’në, e cila megjithatë e kishte ruajtur substancën, mirëpo LVV’në e kishte lënë pa figura interesante mediale. Përveç Albin Kurtit, ishte vetëm Glauk Konjufca, e deri diku Liburn Aliu, ata të cilët po i kompensonin dy Dardanët, Shpendin, Fisin, Dugin etj.
Mirëpo, pra mirëpo, këto rrethana të pafavorshme duket që u zhdukën sikur bryma nën rrezet e para të diellit, në momentin që LVV-ja dhe militantët e saj e dëgjuan Ramush Haradinajn duke thënë: Jap dorëheqje. Ky si duket është kodi për mobilizim për Vetëvendosjen dhe militantët e saj. Kjo e ndryshon algoritmin e sjelljeve të tyre. Befasisht, të gjithë shndërrohen në agjentë të ndryshimeve. Ekziston njëfarë koordinimi i pathënë. Çdokush e di se çfarë duhet të shkruhet dhe si duhet të sfidohen partitë rivale.
“Krejt i kemi provu, përveç Albinit”.
Madje, sikur të mos ishte drama që e prodhoi LDK-ja, duke e futur Vjosa Osmanin në garë, gara e 6 tetorit do të mund të konsiderohej e mbyllur disa javë më herët, gjë që do të dukej iluzore në muajin korrik. Duke e parë rrezikun që do të mund t’i vinte nga efekti Vjosa Osmani, Kurti gjatë gjithë kohës bëri përpjekje për ta relativizuar atë. Takimet e shpeshta me Profën, sulmet e koordinuara ndaj Lutës, fjalët e mira për Vjosën, të gjitha këto ishin të menduara. Herë ujë i ftohtë e herë ujë i ngrohtë. Pastaj, oferta finale për LDK’në e dridhi internetin. Sado që ishte e kalkuluar dhe e menduar në mënyrë precize, letra nuk kishte behane. Ishte në fakt një ofertë e guximshme. I binte sikur në vrapim prej 100 metrash, Usain Bolt-i t’i thoshte rivalit kryesor që të fillonte vrapimin prej metrit të 10’të. Ky ishte edhe një infuzion për militantët e partisë. E dëshmonte sigurinë e Kurtit, se ja, ky i yni është në gjendje të garojë i dyti, i sigurt që e fiton garën.
Gjithashtu, në merkaton e aderimeve, ky subjekt arriti që t’i realizonte disa transferime interesante, duke i përfshirë këtu Haki Abazin dhe Hekuran Muratin, si ekspertë, pastaj edhe prurje taktike, siç është, bie fjala, kryetari i Mitrovicës, Agim Bahtiri.
Në këtë mënyrë, LVV-ja, nga një subjekt inferior që ishte vetëm para disa ditëve, u rikuperua dhe u fut në garë si kandidate serioze për t’i fituar zgjedhjet. Sapo të përmenden zgjedhjet, ky subjekt dhe njerëzit e tyre mobilizohen sikur madrilenët kur e dëgjojnë himnin e Ligës së Kampionëve.
(Marrë nga Ekspress)
Tirana është boshatisur për ditët e pushimit. Cilën nga ritet e shenjta po ndiqni:
FRANCË- Në muajin qershor, Parlamenti francez ka miratuar një ligj tjetër, duke nënshkruar ashpër këdo që thotë apo shkruan diçka që mund të përmbaj...
TIRANË- Ditmir Bushati ka nisur një betejë të pabarabartë me Edi Ramën. Është i vetëm përballë një organizmi sektar, është parimor përballë një grupi ...
Kur lexova jusitifikimin e Etilda Gjonit pasi ishte denoncuar për pagesat marramendëse të dhomave të hoteleve gjatë shërbimeve jashtë shtetit, automatikisht mu ...
Ministrja e Drejtësisë, Etilda Gjonaj, është gjendur përballë një sulmi në dukje të faktuar, lidhur me udhëtimet e saj të shtrenjta dhe faturat e hoteleve, që n...
Një video ku shfaqet ministrja rilindëse, Milva Ikonomi, duke përuruar hotelin “Privilege” të kryetarit të Bashkisë dhe Koordinatorit të PS për qarkun e Shkodrë...
Nga Kosova është dashur të mendohej më mirë kur ka hyrë në dialog me Serbinë nën “lehtësimin” e Bashkimit Evropian. Është dashur që Kosova të kërkojë nga B...
BRITANI- Nëse kufiri i ardhshëm i BE-së do të kalojë përmes ishullit irlandez (gjë që Brukseli e refuzon në mënyrë strikte në interes të anëtares së BE, Irlandë...
Shqipëria, një nga shtetet me bukuri të pafund natyrore e ujore në raport me sipërfaqen e saj të vogël, pasuri të shumta në naftë, minerale etj., është sot zyrt...
Si bashkohen Shqipëria e Kosova karshi Turqisë?1-Antropologu dhe shkencëtari politik amerikan James C. Scott ka një fjali që mund ta përdorin këtë javë shqiptar...
TIRANË– Edi Rama është përgjegjësi që Shkodra, ose më saktë socialistët dhe ata pak votues të 30 qershorit, të përfaqësohen nga një person me të shku...
