Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Përfaqësues të agjencive amerikane të zbulimit kanë thënë më parë se presidenti rus besonte, se në mënyrë që të përmbushte fatin e tij, do të ishte e nevojshme që ai të pushtonte Ukrainën.
Vladimir Putini mund të heqë dorë nga planet e tij për të nënshtruar së shpejti Kievin dhe për të pushtuar Ukrainën, sipas një vlerësimi më të fundit të bërë nga zyrtarë të lartë amerikanë. Përfaqësues të agjencive amerikane të zbulimit kanë thënë më parë se presidenti rus besonte, se në mënyrë që të përmbushte fatin e tij, do të ishte e nevojshme që ai të pushtonte Ukrainën.
Por ndërsa lufta po zvarritet në vitin e saj të dytë, zbulimi amerikan beson se udhëheqësi rus ka pranuar disi, realitetin në terren.
“Ne vlerësojmë se Putini ka të ngjarë të zvogëlojë ambiciet e tij afatshkurtra, për të konsoliduar kontrollin e territorit të pushtuar në Ukrainën lindore dhe jugore, si dhe për të siguruar që Ukraina nuk do të bëhet kurrë anetare e NATO-s”, tha të enjten drejtoresha e Agjencisë së Zbulimit Kombëtar Avril Haines, përpara anëtarëve të komisionit të Forcave të Armatosura në Senat. “Forcat ruse fituan më pak territor në muajin prill sesa gjatë tre muajve të mëparshëm, pasi dukej se ato po kalonin nga operacionet sulmuese, në ato mbrojtëse përgjatë vijës së frontit”, tha Haines.
“Forcat ruse po përballen me mungesa të konsiderueshme në municione dhe janë nën kufizime të konsiderueshme të personelit”, shtoi ajo.
“Nëse Rusia nuk nis një mobilizim i detyrueshëm dhe nuk siguron furnizime të konsiderueshme me municione, përtej dërgesave ekzistuese që vijnë nga Irani e nga vende të tjera, do të jetë gjithnjë e më sfiduese për ta, që të kryejnë operacione sulmuese, qofshin këto edhe modeste”, shtoi ajo.
Haines, duke i bërë jehonë një paralajmërimi nga dëshmia e saj para Kongresit në muajin mars, tha se Rusia dhe Ukraina janë ngërthyer në një “luftë brutale, në të cilën asnjë ushtri nuk ka një avantazh absolut”.
Ukraina, tha ajo, mbetet e varur nga ndihma ushtarake perëndimore për të zbehur avantazhin që ka Rusia, ndërkohë që Kremlini po detyrohet të mbështetet më shumë tek kërcënimet dhe taktikat asimetrike, për shkak të degradimit të forcave tokësore të tij. Forcat tokësore të Rusisë “po mbështeten në rezerva dhe pajisje rezervë”, tha gjeneral lejtnant Scott Berrier, drejtor i Agjencisë së Zbulimit Ushtarak.
“Atyre do t’u duhet kohë për të rimarrë veten, u tha ai ligjvënësve ndërsa dëshmonte përkrah zonjës Haines. Vlerësimet shkojnë nga 5 deri në 10 vjet, duke parë mënyrën se si po ndikojnë sanksionet tek ata dhe tek aftësia e tyre për të rikthyer teknologjinë sërish në funksionim."
Opsioni bërthamor
Berrier, paralajmëroi se megjithatë degradimin e forcave tokësore ruse, kjo nuk duhet të shihet si një tregues dobësie i përgjithshëm.
“Edhe pse forcat e tyre tokësore janë tashmë të degraduara, ata do t’i rindërtojnë shpejt”, tha ai, duke e cilësuar Moskën ende një kërcënim madhor, për shkak të kapaciteteve të saj bërthamore, që nuk janë provuar ende.
Të pyetur nëse zoti Putin mund të jetë i prirur të përdorë armë bërthamore për të ndryshuar rrjedhën e luftës në Ukrainë, zyrtarët e zbulimit amerikan thanë se deri tani, nuk ka gjasa.
“Kemi menduar një sërë skenarësh”, u tha Berrier ligjvënësve.
"Për momentin, ne mendojmë se nuk ka gjasa”.
“Nga perspektiva e komunitetit të zbulimit është shumë e pamundur,”- tha Haines.
Sulmi me dronë ndaj Kremlinit
Ashtu sikurse edhe zyrtarë të tjerë të lartë amerikanë, zonja Haines dhe zoti Berrier kërkuan të tregohet kujdes në lidhje me akuzën e Rusisë se pas sulmit me dronë këtë javë ndaj Kremlinit, si pjesë e një përpjekjeje për të vrarë Presidentin Putin, qëndron Ukraina.
“Qeveria ukrainase e ka hedhur poshtë një gjë të tillë dhe në këtë fazë, ne nuk kemi informacion që do të na jepte mundësinë të ofronim një vlerësim të pavarur mbi këtë çështje“, tha ajo. Zonja Haines tha se është një fakt i ditur se Vladimir Putini zakonisht nuk e kalon natën në Kremlin, gjë që hedh disa dyshime mbi pretendimin rus. Zoti Berrier tha gjithashtu se disa fotografi sugjeronin se sulmi ishte organizuar me dronë, të cilët kontrolloheshin nga dikush në tokë, e në fushëpamjen e Kremlinit./VOA
MBRETËRIA E BASHKUAR- TikTok-u ka gjurmuar një gazetare në Mbretërinë e Bashkuar, përmes llogarisë së maces së sa...
Tedros Ghebreyesus SHBA- Drejtori i përgjithshëm i Organizatës Botërore të Shëndetësisë, Tedros Ghebreyes...
Recep Tayip Erdogan TURQI- Mediat turke po zbardhin detaje nga mitingu që do të zhvillojë Presidenti Recep Tayip Erdogan për zgjedhjet ...
foto ilustruese BELGJIKË- Policia belge ka arrestuar shtatë terroristë të dyshuar si xhihadistë gjatë një bast...
Silvio Berlusconi ITALI- “Ai është në formë të mirë, po rikuperohet: Unë fola me të një orë më...
Uros B SERBI- Uros B. 21-vjeç, i cili u arrestua sot në mëngjes për vrasjen e 8 personave dhe plagosjen e 13 të tjerëv...
Rexhep Tajip Erdogan GJERMANI- Udhëheqja e të Gjelbërve është në kundër presidentit Rexhep Tajip Erdogan në zgjedh...
Mbledhje qeverie ne Serbi SERBI- Gjatë dy ditëve të fundit, në Serbi kanë ndodhur tre ngjarje të rënda, duke kthyer vem...
Foto ilustruese BRITANI E MADHE- Më shumë se 1 miliard paund ose 1.25 miliardë dollarë do të rrjedhin në ekonominë brita...
Julian Assange AUSTRALI- Nuk ka asnjë përfitim që themeluesi i WikiLeaks, Julian Assange të qëndrojë në burg. Kësht...
