Protesta për Zvërnecin/ Protestuesit çajnë kordonin metalik, policia i sulmon me ujë. Tubimi shpërndahet në gjithë Tiranën
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
“Ka forca në Shqipëri dhe jashtë që janë kundër”/ Rama: Të rreshtohesh me PS, do të thot&eum...
"Shqipëria është e shqiptarëve"/ Qytetarët mbushin rrugët e Tiranës, kërkojnë anulimin e pr...
Në kuadër të kërcënimit të vazhdueshëm që kanoset mbi Ukrainën, mosmarrëveshjet midis liderëve të lartë të vendit nuk janë aspak befasuese.
Nga Roman Romaniuk & Roman Kravets “Worldcrunch”
Më 20 nëntor, shefi i Pentagonit Lloyd Austin zhvilloi një vizitë të paparalajmëruar në Ukrainë. Ardhja e Austin fillimisht ishte menduar si një shfaqje respekti për heronjtë ukrainas të luftës dhe një ri-pohim i mbështetjes së palëkundur të Uashingtonit për Kievin.
Megjithatë, ajo vizitë thelloi pa dashje tensionet midis udhëheqësit më të lartë ushtarak të Ukrainës, Valerii Zaluzhny, dhe presidentit Volodymyr Zelensky. “Pas mbërritjes së Austin, Zelensky ishte gati ta zëvendësonte Zaluzhny. Por në fund, përplasjet midis tyre u zbutën dhe u zëvendësuan nga batutat me tonet sarkastike”- zbuloi një burim i brendshëm i qeverisë ukrainase.
Javët e fundit, mediat globale kanë raportuar mbi detajet e “konfliktit” midis presidentit ukrainas dhe kreut të Forcave të Armatosura të Ukrainës. Zyra e Presidentit Zelensky reagoi menjëherë duke i cilësuar pretendime të tilla si produkt i propagandë ruse. Në kuadër të kërcënimit të vazhdueshëm që kanoset mbi Ukrainën, mosmarrëveshjet midis liderëve të lartë të vendit nuk janë aspak befasuese.
Mosmarrëveshje të tilla, mund të shihen edhe si pjesë e zhvillimit të luftës. Rrënja e tensioneve midis presidentit të vendit dhe kreut të lartë të Forcave të Armatosura, mund të gjurmohet në një përzierje të ndërlikuar të luftës dhe politikës. Përfshirja e Zelensky në planifikimin dhe komandën ushtarake gjatë luftës ka shkaktuar fërkime, pasi ai ka integruar elementët politikë në sferën tradicionalisht apolitike të ushtrisë, duke e bërë pa dashje Zaluzhny-n një figurë të dukshme në arenën politike.
Kanalet e drejtpërdrejta të komunikimit të Zelensky-t me komandantët ushtarakë të tjerë përveç Zaluzhny-t, e kanë përçarë zinxhirin e komandës, duke çuar tek perceptimi i një ushtrie ukrainase të ndarë në komandantët “e mirë” të mbështetur nga Zelensky dhe “të këqijtë” nën mbikëqyrjen e Zaluzhny.
Kjo ndarje jo vetëm që e ka demotivuar komandantin kryesor, por ka penguar aftësinë e tij për të udhëhequr me efektivitet të gjithë ushtrinë. Për më tepër, veprimet politike nga Zelensky, si për shembull shkarkimet e profilit të lartë brenda komiteteve ushtarake dhe riorganizimet e personelit, kanë krijuar paqëndrueshmëri brenda strukturës komanduese.
Shkarkimet nga puna të individëve të lidhur me Zaluzhny e kanë tensionuar jo pak komandën vertikale. Përshkallëzimi më i madh i tensioneve, ndodhi pas ngecjes së kundërofensivës ukrainase në jug të vendit verën që shkoi. Plani i ushtrisë nuk përputhej me kompleksitetin aktual të luftimeve dhe hasi në vështirësi të papritura.
Retorika politike që u ndërtua rreth atij operacioni, e promovuar nga ekipi i Zelensky-t, i rriti pritshmëritë e publikut në nivele jorealiste, duke e bërë më të vështirë trajtimin e problemeve reale të ushtrisë. Ndërsa Zaluzhny nuk angazhohet në aktivitete politike dhe nuk ka një parti politike të tijën, popullariteti i tij në rritje në sondazhe, përbën një sfidë të madhe për pozicionin e Zelensky.
Skenari i mundshëm i humbjes së Zelensky në balotazhin presidencial kundër Zaluzhny, i treguar në të dhënat e sondazheve të papublikuara, ka të bëjë me administratën aktuale. Pavarësisht paralajmërimit të Zelensky kundër përfshirjes së ushtarakëve në politikë, Zaluzhny mbetet apolitik.
Popullariteti i tij i perceptuar, është një dëshmi e dëshirës së shoqërisë ukrainase për një peizazh politik të balancuar, edhe në mesin e një konflikti të ashpër, dhe që shfaq qëndrueshmërinë e demokracisë ukrainase. Ukraina po përballet me një nevojë jetike për furnizime të reja me armë dhe municione, dhe për një koordinim paraprak me partnerët ndërkombëtarë dhe planifikim strategjik brenda Shtabit të Përgjithshëm.
Mungesa e një plani të qartë strategjik që mban parasysh nevojat më akute të Forcave të Armatosura, ka ngjallur pakënaqësi tek liderët politikë, duke shkaktuar kritika dhe thirrje për dorëheqjen e udhëheqjes ushtarake. Anëtari i parlamentit ukrainas, Davyd Arahamia, shprehu zhgënjimin për mungesën e një plani lufte që të përshkruajë burimet që nevojiten dhe strategjinë e nevojshme që duhet ndjekur hap pas hapi: “Ne kemi pritur prej kohësh një plan lufte. Shtabi i Përgjithshëm duhet të hartojë një plan: Unë dua të luftoj në këtë mënyrë vitin e ardhshëm, kam nevojë për kaq njerëz, kam nevojë për më shumë para. Por askush nuk e ka hartuar këtë plan”.
Megjithatë, problemi nuk qëndron vetëm tek mungesa e një plani, por tek pakënaqësia me strategjinë aktuale që synon rikthimin e kufijve të Ukrainës të vitit 1991. Vlerësimet e Shtabit të Përgjithshëm, tregojnë një nevojë marramendëse për forca dhe burime me vlerë 350-400 miliardë dollarë për të përmbushur qëllimin e presidentit për të çliruar të gjithë territorin.
Gjatë vizitës së Austin në Kiev, Shtabi i Përgjithshëm i Ukrainës diskutoi mbi nevojat strategjike të vendit, duke kërkuar një furnizim të ri prej 17 milionë predhash artilerie. “Austin…u befasua, sepse nuk është e mundur të grumbullohen kaq shumë municione”- tregon në kushte anonimiteti një zyrtar i lartë i ushtrisë ukrainase.
Për më tepër, zyrtarët e Pentagonit u befasuan nga sinqeriteti i kolegëve ukrainas në lidhje me tensionet e brendshme. Ata u treguan mbi ankesat e Zaluzhny-t për “pengesat”, duke nënkuptuar fërkime të brendshme brenda hierarkisë ushtarake. Prekja e kësaj teme me aleatët mund të ketë një ndikim të madh, përfshirë dorëheqjen e mundshme të Zaluzhny, duke pasur parasysh reagimet e njohura emocionale të Zelensky për çështje të tilla.
Ky zhvillim ngre shqetësime për zëvendësimin e Zaluzhny. Aktualisht duket se Zelensky ka vetëm një opsion të dukshëm në dispozicion: gjeneral-kolonelin Oleksandr Syrskyi, komandant i forcave tokësore, që ka udhëhequr operacione të suksesshme si mbrojtja e Kievit, betejën për Kharkiv dhe një kundërofensivë të jashtëzakonshme në këtë rajon.
Megjithatë, edhe Syrskyi përballet me pengesat e tij, midis tyre edhe mungesën e njohurive në komunikimin publik dhe reputacionin si një komandant që nuk dëshiron të pranojë humbje brenda ushtrisë. Për më tepër, promovimi i Syrskyit mund të mos e parandalojë shfaqjen e Zaluzhny si një figurë e re me ndikim në politikën ukrainase pas dorëheqjes së tij.
Në fakt, burime pranë Zelenskyt tregojnë se ka një ngurrim për të kërkuar dorëheqjen e Zaluzhny-t në këtë moment. Pavarësisht nga mundësitë e zëvendësimit të Zaluzhny, autoriteti për të marrë një vendim kaq kritik i takon Presidentit Zelensky, i cili e emëroi atë në këtë pozicion. Dhe përpara se të bëjë një zgjedhje kaq të rëndësishme, kreu i shtetit duhet të mendojë nëse ndryshimi i personelit do të trajtonte shkakun themelor që qëndron pas tensioneve të fundit me kreun e Forcave të Armatosura.
Tek e fundit thelbi sillet rreth strategjisë themelore për vazhdimin e luftës. Në një prononcim për “The Economist”, Zaluzhny tha se duke pasur parasysh rrethanat aktuale, Ukrainës i mungojnë burimet për të arritur një fitore të plotë të luftës.
Kërkesa kryesore e tij është ngritja e sistemeve të rekrutimit, trajnimit dhe pajisjeve të ushtrisë në një standard më të lartë dhe kërkimi i mbështetjes së avancuar teknologjike nga partnerët ndërkombëtarë. Në mënyra të ndryshme, këto kërkesa imponojnë një ndërprerje strategjike të luftimeve për të arritur një avancim cilësor.
Zelensky është kundër idesë se lufta është aktualisht në një “udhëkryq pa krye” apo mbi perspektivën e ndalimit të luftës. Arsyetimi i tij mbështetet tek ideja se një ndërprerje e luftimeve mund të çojë në një stanjacion, rënie të interesit të partnerëve dhe pakësim të ndihmave.
Sipas kësaj linje mendimi, fillimi i një ndërprerje të luftimeve tani, mund të rrezikojë ta futë vendin në një qorrsokak pa një rrugëdalje të lehtë. A do ta zgjidhte dorëheqja e Zaluzhny-t këtë mosmarrëveshje strategjike? Nuk ka gjasa të ndodhë. Përkundrazi, ajo mund ta ndihmojë armikun të shkatërrojë të gjithë ndjenjën e unitetit midis dy liderëve kryesorë të vendit, një mosmarrëveshje që mund të përhapet në mënyrë kapilare në të gjithë shoqërinë ukrainase.
foto ilustruese Nga Dimitar Bechev “Carnegie Europe” Zgjerimi i Bashkimit Evropian është kthyer sërish në modë. Disa ...
Babai dhe Vanja MAQEDONI E VERIUT- Ministria e Punëve të Brendshme të Maqedonisë së Veriut dhe prokuroria zbuluan më shu...
yahya sinwar IZRAEL- Ushtria izraelit pretendon se udhëheqësi i Hamasit është fshehur nën tokë dhe trupat izraelite janë...
foto ilustruese GAZË- Sistemi shëndetësor i Gazës është i gjunjëzuar dhe pranë kolapsit total, tha në një...
george papandreu Nga George Papandreu “Kathimerini” Teksa skena ndërkombëtare po zien nga tensionet e shkaktuara nga lufta në U...
pamje nga vendngjarja SHBA- Tre persona u vranë nga të shtënat në kampusin e Universitetit të Nevadas në Las Vegas, ditë...
Mariam Mosiri BRITANI E MADHE- Gjesti i turpshëm i bërë në transmetim nga një prezantuese e BBC-së, në fillimin e r...
miguel lazaro castillo KALIFORNI- Një burrë është dënuar me katër vjet burg, pasi u zbulua një video 6 m...
Finlande FINLANDË- Finlanda kryesoi Raportin e Lumturisë Botërore për të gjashtën vit radhazi këtë vit dhe das...
Kevin McCarthy SHBA- Dy muaj pas shkarkimit historik si udhëheqës i Dhomës së Përfaqësuesve, ligjvënësi republ...
