Protesta për Zvërnecin/ Protestuesit çajnë kordonin metalik, policia i sulmon me ujë. Tubimi shpërndahet në gjithë Tiranën
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
“Ka forca në Shqipëri dhe jashtë që janë kundër”/ Rama: Të rreshtohesh me PS, do të thot&eum...
"Shqipëria është e shqiptarëve"/ Qytetarët mbushin rrugët e Tiranës, kërkojnë anulimin e pr...
Megjithatë nuk është ende e qartë nëse sulmi i befasishëm ukrainas, i filluar pas disa muajsh, mund të sinjalizojë pikën e kthesës në luftën shtatë mujore. Zyrtarët ukrainas folën me entuziazëm dhe shfaqën pamje të forcave të tyre që digjnin flamuj rusë dhe inspektonin tanke të shkatërruar. Në një video, njësitë kufitare ukrainase shfaqen duke hequr një banderolë ku shkruhej “Jemi një popull me Rusinë”.
UKRAINË- Forcat ukrainase rritën trysninë të martën ndaj forcave ruse që po tërhiqen, duke e vazhduar kështu kundërofensivën që ka arritur një avantazh domethënës për Ukrainën dhe i ka dhënë një goditje tronditëse prestigjit të ushtrisë ruse.
Megjithatë nuk është ende e qartë nëse sulmi i befasishëm ukrainas, i filluar pas disa muajsh, mund të sinjalizojë pikën e kthesës në luftën shtatë mujore. Zyrtarët ukrainas folën me entuziazëm dhe shfaqën pamje të forcave të tyre që digjnin flamuj rusë dhe inspektonin tanke të shkatërruar. Në një video, njësitë kufitare ukrainase shfaqen duke hequr një banderolë ku shkruhej “Jemi një popull me Rusinë”.
Kahu i luftës është luhatur herë pas here, dhe aleatët e Ukrainës, si p.sh. zyrtarët amerikanë, kanë qenë të kujdesshëm të mos deklarojnë fitore të parakohshme, pasi Presidenti rus Vladimir Putin ka ende rezerva në ushtarë dhe pajisje që mund t’i vërë në përdorim.
Ishte megjithatë e dukshme se Kremlini hasi në vështirësi për të reaguar ndaj kësaj humbjeje, e cila është më e madhja që kur forcat ruse braktisën planet për të marrë Kievin, në fillimet e luftës.
Në orën e vona të së hënës, Presidenti Volodymyr Zelenskyy tha se forcat ukrainase kanë rimarrë në vetëm pak javë mbi 6 mijë kilometra katrorë, një sipërfaqe sa dyfishi i sipërfaqes së Luksemburgut.
“Lëvizja e trupave tona vazhdon”, tha ai.
Së fundmi, shërbimi i rojes kufitare të Ukrainës tha se ushtria mori nën kontroll Vovchanskun, një qytet vetëm 3 kilometra larg territorit të Rusisë, i cili ishte pushtuar nga forcat ruse që në ditën e parë të luftës.
Megjithëse nuk mund të vërtetohen të gjitha pretendimet për sukseset ushtarake ukrainase, Rusia pranoi se kishte tërhequr forcat nga zonat e rajonit verilindor Kharhiv gjatë ditëve të fundit.
Pati njoftime të shumta për krijimin e një situate kaosi ndërsa tërhiqeshin forcat ruse, si dhe pretendime se pati dorëzime në masë. Zyrtarët ukrainas kanë thënë se kanë kapur rob aq shumë ushtarë rusë, sa që po vështirësohen për t’i strehuar. Ky pretendim nuk u vërtetua dot menjëherë.
Zëvendësministrja ukrainase e Mbrojtjes, Hanan Maliar, tha se Kievi po mundohet të bindë sa më shumë ushtarë rusë që të dorëzohen, duke u hedhur fletushka informative përpara se të mbërrijnë forcat ukrainase.
“Rusët ju përdorin si mish për top. Jeta juaj nuk ka ndonjë domethënie për ta. Juve nuk ju duhet kjo luftë. Dorëzojuni Forcave të Armatosura të Ukrainës”, shkruhet në fletushka.Si një tregues i dëmeve që ka pësuar Moska, shërbimet britanike të zbulimit thanë se një prej njësive primare ruse, Ushtria e Parë e Tankeve Roje, ishte “degraduar rëndë” gjatë luftës dhe se “forcat konvencionale të Rusisë që janë projektuar për t’iu kundërvënë NATO-s janë dobësuar shumë. Do t’i duhen ndoshta vite Rusisë për të ringritur këto kapacitete”.
Sidoqoftë, tërheqja nuk ndali bombardimin rus drejt pozicioneve ukrainase. Në orët e para të së martës, u godit me artileri qyteti Lozova në rajonin Kharkiv, duke vrarë tre persona dhe plagosur nëntë të tjerë, tha guvernatori rajonal Oleh Syniehubov.
Dhe zyrtarët ukrainas thanë se Rusia vazhdoi bombardimin përreth centralit më të madh bërthamor të Evropës, ku luftimet kanë shtuar frikën për një katastrofë bërthamore. Zona e Nikopolit, që gjendet përball Lumit Dnieper nga centrali bërthamor në Zaporizhia, u bombardua gjashtë herë gjatë natës, por nuk u njoftua menjëherë nëse pati të plagosur, tha guvernatori rajonal Valentyn Reznichenko.
Sulmet kanë vazhduar pa u ndalur në qytetin e dytë më të madh të Ukrainës, Kharkiv, i cili është goditur vazhdimisht me artileri prej disa muajsh.
Presidenti Zelenskyy kritikoi në veçanti Rusinë për sulmet ndaj infrastrukturës energjitike të ndërmarra së fundmi. “Qindra dhe mijëra ukrainas u gjendën në errësirë, pa elektricitet. Shtëpitë, spitalet, shkollat, infrastruktura komunale... objekte që nuk kanë absolutisht të bëjnë me infrastrukturën e forcave të armatosura të vendit tonë”.
Ai tha se kjo tregon vetëm një gjë. “Kjo është një shenjë dëshpërimi e atyre që e sajuan këtë luftë. Kështu reagojnë ndaj mundjes së forcave ruse në rajonin Kharkiv. Nuk kanë çfarë t’u bëjnë heronjve tanë në fushëbetejë”.
Kundërofensiva ka provokuar kritika publike të pazakonta ndaj luftës së Presidentit rus Putin. Ndërkohë, disa prej atyre që dalin në mbrojtje të tij në Rusi e shmangën idenë se suksesi i takon Ukrainës, dhe fajësuan për humbjet armët dhe luftëtarët e ardhur nga Perëndimi.
“Nuk është Ukraina që sulmoi Iziumin, por NATO”, shkruhet në titullin e gazetës së mbështetur nga shteti, Komsomolskaya Pravda, duke iu referuar njërës prej zonave nga ku Rusia tha se ka tërhequr forcat.
Në zona të tjera, banorët e një fshati rus pranë kufirit me Ukrainën u evakuuan pasi artileria ukrainase vrau një person, njoftoi agjencia ruse e lajmeve Tass. Në këtë artikull citohet drejtuesi lokal në Logachevka, i cili thotë se forcat ukrainase hapën zjarr ndaj një pike kufitare ruse./VOA/
Monedha IZRAEL- U deshën gati 20 vjet punë e detajuar dhe një shteg që përshkoi kontinente përpara se çështja e r...
Vuçiç dhe Kamberi SERBI- Deputeti i vetëm shqiptar në Kuvendin e Serbisë, Shaip Kamberi, tha se Kosova është shtet i...
Dmytro Kuleba UKRAINË- Ministri i Jashtëm i Ukrainës, Dmytro Kuleba, akuzoi Gjermaninë, më 13 shtator, se ka injoruar lutjet e Kie...
foto ilustruese HUNGARI- Qeveria hungareze e krahut të djathtë ka lëshuar një dekret përmes së cilit kërkohet që mj...
Joseph Borrell BRUKSEL- Kreu i politikës së jashtme të Bashkimit Europian ka bërë thirrje për një “ndërp...
Charles BRITANI- Mbreti Charles nuk do të paguajë taksë për pasurinë që ka trashëguar nga mbretëresha e ndjerë...
Lavrov RUSI- Ministri i Jashtëm rus Sergei Lavrov dhe anëtarëve të një delegacioni rus janë pajisur me viza për të ...
Chikago SHBA- Shiu i dendur goditi të dielën Çikago të SHBA-së, duke përmbytur shtëpi dhe rrugë në të g...
Vucic SERBI- Presidenti serb Aleksandët Vuçiç gjatë fjalës së tij në seancën parlamentare të sotme, ku n&e...
Kovacevski dhe Mitsotakis GREQI- Kryeministri i Maqedonisë së Veriut Dimitar Kovaçevski, së bashku me ministrin e Ekonomisë Kres...
