Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
Kirillov është oficeri ushtarak rus i nivelit më të lartë që është vrarë në atë që duket të jetë një atentat që nga fillimi i pushtimit të plotë të Rusisë në Ukrainë në shkurt 2022.
KIEV- Një oficer i rangut të lartë i ngarkuar me Trupat e Mbrojtjes Bërthamore, Biologjike dhe Kimike të Rusisë (RKhBZ) është vrarë në një shpërthim në Moskë, tha Komiteti Hetues i Rusisë. Gjenerallejtënant Igor Kirillov dhe ndihmësi i tij u vranë nga një bombë e fshehur në një skuter jashtë hyrjes së një ndërtese në Moskë herët më 17 dhjetor, tha komiteti në një deklaratë, duke shtuar se kanë nisur hetimet lidhur me rastin.
Shpërthimi ishte rezultat i një operacioni special të shërbimit të sigurisë SBU të Ukrainës, tha një burim në SBU për Radion Evropa e Lirë. Kirillov është oficeri ushtarak rus i nivelit më të lartë që është vrarë në atë që duket të jetë një atentat që nga fillimi i pushtimit të plotë të Rusisë në Ukrainë në shkurt 2022.
SBU-ja tha se forcat ruse përdorën armë kimike pothuajse 5.000 herë gjatë luftës në Ukrainë nën udhëheqjen e Kirillovit. Pretendimi nuk mund të verifikohej në mënyrë të pavarur, por Kievi thuhet se ka qenë pas një fushate të vrasjeve që patën shënjestër zyrtarë dhe oficerë rusë ushtarakë, të përfshirë në pushtimin e Ukrainës.
Incidenti ndodhi një ditë pasi shërbimi i sigurisë SBU i Ukrainës raportoi se prokurorët ukrainas ngritën një akuzë kundër Kirillov, duke e akuzuar atë si përgjegjës për përdorimin e armëve kimike kundër trupave ukrainase gjatë luftës së nisur nga pushtimi i paprovokuar i Ukrainës nga Rusia.
Kirillov është njëri nga një sërë oficerësh rusë dhe figura pro luftës që u vranë në Rusi dhe në pjesët e pushtuara nga Rusia të Ukrainës. Vdekja e tij erdhi një javë pasi një zyrtar i lartë i një kompanie ruse që prodhon raketa lundrimi të përdorura nga Moska në luftë thuhet se u qëllua për vdekje pak jashtë kryeqytetit.
Kirillov u shfaq në pamjet që ishin thelbësore për një hulumtim të Shërbimit Rus të Radios Evropa e Lirë, i cili zbuloi detaje në lidhje me një objekt jashtë Moskës, që sipas pohimit të SHBA-së tregon se Rusia mban një program sulmues me armë biologjike në kundërshtim me Konventën e OKB-së për Armët Biologjike.
Hulumtimi u fokusua në pamjet e medias shtetërore ruse që tregonin Ministrin e atëhershëm të Mbrojtjes, Sergei Shoigu duke inspektuar objektin, i cili ishte i njohur për rolin e tij në programin e armëve biologjike të Bashkimit Sovjetik që ka pësuar një zgjerim të madh.
Kirillov udhëhoqi Shoigun në turneun e tij në inspektimin e objektit të quajtur Instituti i 48-të Qendror i Kërkimeve Shkencore. Komiteti hetimor tha se shpërthimi që vrau Kirillovin ndodhi jashtë një pallati në Ryazansky Prospekt, një rrugë në kryeqytetin rus që fillon rreth 7 kilometra në juglindje të Kremlinit.
Fotot e postuara në kanalin rus Telegram Astra treguan atë që dukej se ishin dy trupa të shtrirë në dëborë jashtë derës së dëmtuar të një ndërtese apartamentesh. Pas analizimit të imazheve të një makine të parkuar pranë ndërtesës së banesës, Astra raportoi se automjeti ishte i Kirillovit.
RKhBZ janë forca speciale që veprojnë në kushte të kontaminimit radioaktiv, kimik dhe biologjik. Sipas biografisë së tij zyrtare, Kirillov mori pjesë në krijimin dhe miratimin e sistemit të flakëhedhësve të rëndë TOS-2 "Tosochka" nga Ushtria Ruse, si dhe në luftën kundër pandemisë COVID-19.
Kirillov dhe RKhBZ u vendosën në listën e sanksioneve të Britanisë në tetor për përdorimin e agjentëve të kontrollit të trazirave dhe raporteve të shumta për përdorimin e agjentit toksik vdekjeprurës, kloropicrin, në fushën e betejës. Kirillov dhe forcat e tij ishin "përgjegjëse për ndihmën në vendosjen e këtyre armëve barbare", tha Britania në atë kohë. Kremlini i ka quajtur akuzat "të pabaza".
Kirillov, i cili sipas agjencisë shtetërore ruse të lajmeve TASS ishte i diplomuar në Shkollën e Komandës së Lartë Ushtarake të Mbrojtjes Kimike në Kostroma, ishte emëruar në krye të RKhBZ në prill të vitit 2017. Më parë ka shërbyer në Drejtorinë e Shefit të Trupave të Mbrojtjes Kimike, Biologjike dhe nga Rrezatimi./REL
Yoon Suk-yeol KORE- Presidenti i Koresë së Jugut, Yoon Suk-yeol, i cili është pezulluar nga ushtrimi i kompetencave pasi Parlamenti vot...
Rrënojat VANUATU- Një tërmet shumë i fortë me magnitudë 7.3 ballë goditi ishujt Vanuatu duke shkaktuar dëme t&...
Emigrantë në Gjermani GJERMANI- Sipas Organizatës Ndërkombëtare të Punës (ILO) migrantët luajnë nj&e...
Foto ilustruese SHBA- Një studim ka zbuluar saktësisht sa kohë na heqin nga jeta ushqimet e shpejta dhe pijet freskuese. Studimi u...
pamje nga brenda bunkereve SERBI- Dyert e rënda prej hekuri të çojnë në korridore të mëdha nën tokë, në...
Foto ilustruese EVROPË- Njëra nga llogaritë me më ndikim në X që shtyn përpara dezinformata për imigracionin në...
foto ilustruese RUSI- Një gjeneral i lartë i forcave të armatosura ruse është vrarë në një shpërthim n&eu...
foto ilustruese UKRAINË- Sipas një vlerësimi të fundit të Pentagonit, trupat e Koresë së Veriut po luftojnë dhe po ...
Trump SHBA- Presidenti i zgjedhur i Shteteve të Bashkuara, Donald Trump, pretendoi të hënën se ushtria e vendit "nuk dihet përse" ...
foto ilustruese SHBA- Dhjetë vende dhe Bashkimi Evropian e quajtën përfshirjen në rritje të Koresë së Veriut në luf...
