Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
NEW YORK- Ish-Presidentit Donald Trump vijon ditën e dytë bëtejës gjyqësore ditën e sotme në Nju Jork, nën akuzat për mashtrime me pronat dhe bizneset e tij. Gjyqi po zhvillohet pa juri dhe do të jetë gjykatësi që do të vendosë për fajësinë, ose jo të presidentit, por procesi mund t’i japë një goditje të rëndë perandorisë së tij të pasurive të paluajtshme.
Trump, kryesuesi në garën e partisë republikane për president akuzohet se ka fryrë vlerën e pasurive të tij me miliarda dollarë, për të siguruar kushte më të favorshme për kreditë nga bankat dhe për të përfituar nga sigurimet. Një vit para zgjedhjeve presidenciale ish-presidenti po i shfrytëzon paraqitjet në gjykatë si fushatë elektorale. Ish-Presidenti Trump nuk ishte i detyruar dhe nuk kishte ndonjë rol në procedurat zyrtare të gjyqit.
Ai e shfrytëzoi rastin për të krijuar një spektakël mediatik që e ktheu atë në qendër të vëmendjes, duke u portretizuar para mbështetësve të tij si viktimë e një sistemi të politizuar të drejtësisë – një qëndrim ky që po i ndihmon përpjekjet e tij për të marrë kandidaturën e Partisë Republikane për zgjedhjet presidenciale të vitit të ardhshëm. Githçka ishte e ngjashme me paraqitjet e mëhershme të zotit Trump në gjykata të ndryshme dhe në një burg lokal, në katër aktpadi të tjera të ngritura kundër tij nga katër juridiksione të ndryshme. Gazetarët pritën në radhë një natë më herët për të siguruar një vend në sallën e gjyqit; helikopterët e mediave ndoqën makinën e tij në një autokolonë nga kulla Trump e deri në gjykatën në Manhatan. Rrjetet kabllore e mbuluan drejtpëdrejt këtë spektakël. Megjithatë, ai u ankua për paraqitjen e tij vullnetare në gjykatë.
“Është politike. Ka qenë shumë e suksesshme për ta, sepse më hoqën nga fushata. Më duhet të jem ulur në një gjykatë gjatë gjithë ditës, në vend që të jem në Ajova, Nju Hempshër, Karolinën e Jugut apo vende të tjera. Është ndërhyrje në zgjedhje. Ata po ndërhyjnë në zgjedhjet presidenciale të vitit 2024. Do të doja të merresha me fushatë në vend të kësaj”, tha zoti Trump.
Pjesën tjetër të ditës, zoti Trump e kaloi i ulur në tryezën e mbrojtjes duke vëzhguar procedurat.
Me kalimin e ditës, ish presidenti u duk më i zemëruar. Ai ka sulmuar ashpër prokuroren e përgjithshme të Nju Jorkut dhe gjykatësin e çështjes civile ndaj tij, ndërsa kundërshtoi akuzat se ka mashtruar lidhur me vlerën e pasurive të paluajtshme të tij Por në fund të ditës, gjendja e tij duket se ndryshoi. Ai doli nga salla e gjyqit duke pretenduar se shënoi një fitore, sepse, sipas tij, gjyqtari po i afrohej mendimit të mbrojtjes, se shumica e pretendimeve të padisë ishin përtej afatit ligjor.
Por, Bennett Gershman, profesor në Fakulteti Juridik të Universitetit “Pace” në White Plains të Nju Jorkut, e sheh ndryshe.
“Prokurorja e Përgjithshme ka bërë një denoncim duke kërkuar ndalimin e veprimtarive të bizneseve të tij dhe vendosjen e një gjobe të lartë, të paktën 250 milionë dollarë, duke pretenduar se ai ka mashtruar për shumë vite dhe se një pjesë e mashtrimit ka të bëj me falsifikim të dokumenteve dhe fryrje masive të vlerës së pronave për të marrë kredi dhe para sigurimesh. Me fjalë të tjera, prania e tij në Nju Jork si një manjat i pasurive të patundshme, si një element në skenën sociale dhe politike të Nju Jorkut, me siguri po vjen drejt fundit”, thotë zoti Gershman.
Gjykatësi Arthur Engoron e shpalli fajtor javën e kaluar ish presidentin për një prej akuzave, atë për mashtrim lidhur me praktikat e tij të biznesit. Nëse vendimi nuk rrëzohet nga apeli, ish presidenti mund të humbasë kontrollin e pronave të tij në Nju Jork, duke përfshirë kullën Trump, një godinë me zyra në Wall Street, fusha golfi dhe një pronë në periferi.
Milan Radoiçiç SERBI-Milan Radoiçiç ish nën kryetari i Listës Serbe në Kosovë, mohoi sot akuzat e ngritura ...
Elisabeth Polanco SHBA-Një studente 21-vjeçare e kolegjit të Nju Jorkut u dënua me një vit burg për "sulmimin dhe ofendimi...
PE BRUKSEL- Parlamenti Evropian miratoi sot qëndrimin e tij negociues për ligjin për lirinë e medias. Nisur nga kjo...
Suella Braverman ANGLI-Suella Braverman paralajmëroi se migrimi global është "një uragan" që kërcënon të goda...
foto ilustruese ARMENI- Pothuajse e gjithë popullata armene e Nagorno Karabakut është zhvendosur në Armeni dhe banorët e dikursh&e...
Hunter Biden SHBA- Hunter Biden, djali i presidentit amerikan Joe Biden, u deklarua i pafajshëm të martën për posedim të jasht&eum...
elissa slotkin SHBA- Kongresmenia republikane, Elissa Slotkin tha se provokimet e Serbisë janë një shqetësim për qytetar&eum...
Milan Radoiçiç SERBI- Mediat serbe kanë publikuar një fotografi të Millan Radoiçiçit brenda Prokurorisë s&e...
Çedomir Stojkoviç SERBI- Avokati Çedomir Stojkoviç ka lajmëruar se ditën e nesërme do të ngrejë kall&e...
BE GRANADA- Bashkimi Evropian (BE) pritet ta rrisë përkushtimin për zgjerimin e bllokut gjatë samitit të kësaj jave në G...
