Dita e 51-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdhi fundi!
Dita e 51-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 51-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
Incident para Kuvendit! Policia largon me forcë ish-luftëtarët e UÇK-së, Dritan Goxhaj dhe Meçan Zotaj(VIDEO) ...
Autori i artikullit, gazetari Matthew Campbell, rikujton se bombardimet ishin të definuara si përgjigje kundrejt krimeve serbe të luftës dhe mizorive të Serbisë ndaj popullit shqiptar të Kosovës, që ridefinoi ndërhyrjen ushtarake të Perëndimit si ndërhyrje në baza humanitare.
“Në një shtet të vogël ku Blair dhe Clinton ideolizohen, një histori suksesi i NATO-s po kërcënon të bëhet shumë i thartë”. Kështu e nis artikullin e saj, gazeta britanike, “The Sunday Time”, kushtuar procesit gjyqësor në Dhomat e Specializuara të Kosovës në Hagë ndaj Hashim Thaçit e të tjerëve.
E përjavëshmja britanike “The Sunday Times“, i ka kushtuar një artikull të gjatë, fillimit të procesit ndaj ish drejtuesve të UÇK-së, të akuzuar për krime të luftës dhe krime kundër njerëzimit, nga Zyra e Prokurorit të Specializuar të Kosovës në Hagë.
Artikulli i cili i dedikohet ish-drejtuesit politik të UÇK-së, e më vonë pas çlirimit, President e Kryeministër i Kosovës, Hashim Thaçit, i cili mbahet në paraburgim që nga nëntori i vitit 2020, së bashku edhe me Kadri Veselin, Jakup Krasniqin e Rexhep Selimin, rikujton gjithë këtë situatë, e cila paradoksalisht fillon me intervenimin e NATO-s në Kosovë në mars të vitit 1999.
Autori i artikullit, gazetari Matthew Campbell, rikujton se bombardimet ishin të definuara si përgjigje kundrejt krimeve serbe të luftës dhe mizorive të Serbisë ndaj popullit shqiptar të Kosovës, që ridefinoi ndërhyrjen ushtarake të Perëndimit si ndërhyrje në baza humanitare.
Mes të tjerave, në artikullin e titulluar- “Ata janë heronj kombëtar të Kosovës-tani të akuzuar për krime lufte”, gazeta përmend se si udhëheqësit britanikë dhe amerikanë – ish kryeministri Tony Blair dhe ish presidenti Bill Clinton – nderohen si heronjë në Prishtinë.
Në këtë rast, përmendet statuja e Clintonit në “Bulevardin Bill Clinton” dhe me pagëzimi i fëmijëve kosovarë me emrin “Tonibler”.
“Në një shtet të vogël ku Blair dhe Clinton janë idhuj, historia e suksesit të NATO-s po kërcënon të bëhet shumë e thartë”, shkruan “The Sunday Times”.
Mes atyre që citohen, është edhe Kryeministri i Kosovës, Albin Kurti. Në një intervistë për “The Sunday Times”, ai ka thënë se populli i Kosovës nuk do ta harrojë kurrë rolin e Mbretërisë së Bashkuar në çlirimin e Kosovës dhe intervenimin e NATO-s.
“Ne kurrë nuk do ta harrojmë rolin e veçantë që kishte Mbretëria e Bashkuar në ndërhyrjen e NATO-s për të ndaluar gjenocidin serb”, citohet Kurti, duke shtuar se –“shpresoja që ish-kryeministri britanik (Tony Blari v.j) të vinte në Kosovë për të festur ‘Ditën e Çlirimit”.
Pas publikimit të këtij artikulli, të njëjtin e ka ndarë në llogarinë e tij në Twitter edhe Kryeministri Kurti, duke njoftuar se ka pasur bisedë me autorin e tij, gazetarin Matthew Campbell.
“Është kënaqësi të flas me Matthew Campbell për artikullin e sotëm. Diskutuam për mirënjohjen e Kosovës ndaj Britanisë së Madh, për rrezikun që Serbia të shfrytëzojë Dhomat e Specializuara për të rishkruar historinë dhe Rusia ta shohë Ballkanin si një front kundër NATO-s”, deklaron kryeministri Kurti
Gjithashtu, në artikullin e publikuar, kryeministri Kurti citohet të ketë shprehur shqetësimin se procesi gjyqësor mund ta ndihmojë Serbinë të “rishkruajë historinë”.
“Unë mbështes llogaridhënien për luftën. Megjithatë, më duket e padrejtë që në qendër të vëmendjes po vihet Kosova, ndërkohë që Serbia jo vetëm që ka refuzuar të marrë përgjegjësinë për krimet e saj, por edhe i mohon ato”, citohet të ketë thënë kryeministri Kurti.
Ai më tej ka shprehur bindjen se Kremlini ka parë në Kosovë dhe në Ballkanin Perëndimor një “front të dytë” të mundshëm kundër NATO-s pas pushtimit të Ukrainës.
“Kosova është një histori suksesi i NATO-s, rusët duan që ajo të dështojë”, ka thënë Kryeministri Kurti.
A pleasure to talk to Matthew Campbell @Mcinparis for today's article in @thetimes. We discussed ????????'s gratitude toward ????????, the danger of Serbia exploiting the Specialist Chambers to rewrite history, and Russia viewing the Balkans as a front against NATO.https://t.co/0yP1a9V2pG
— Albin Kurti (@albinkurti) April 16, 2023
Gazeta rikujton se forcat serbe ishin përgjegjëse për shumicën dërrmuese të mizorive në Kosovë dhe ndërsa disa u gjykuan në Gjykatën Ndërkombëtare për Krimet në ish-Jugosllavi, shumica e atyre që ishin përgjegjës për spastrimin etnik, përdhunimet dhe krimet e tjera në Kosovë, nuk janë dënuar kurrë.
Të njëjtin artikull e ka publikuar edhe gazeta “The Sun”, me titullin “Ata çliruan Kosovën, e duan Perëndimin…tani akuzohen për krime të luftës”./ RTK
Pamje nga aksidenti SHBA- Një aksident i frikshëm ka ndodhur në Florida ku një tren pasagjerësh është përplasur me ...
Tre stacionet e energjisë bërthamore të Gjermanisë GJERMANI- Mbyllen 3 stacionet e fundit të energjisë bërthamore ...
Kisha në Donetsk UKRAINË- Trupat ukrainase u bombarduan në Katedralen e Shndërrimit në Donetsk, në orët e para të ...
Ushtarët ukrainas UKRAINË- Ministria britanike e Mbrojtjes ofroi të dielën një pasqyrë të përgjithshme të...
Eva Kaili GREQI-Eurodeputetja greke Eva Kaili, një nga emrat kryesorë të skandalit të korrupsionit në Katargate që përfs...
helikopter ushtarak japonez JAPONI- Zhytësit në brigjet e Japonisë kanë gjetur rrënojat e një helikopteri ushtarak të zh...
Finlandë FINLANDË- Reaktori bërthamor i gjeneratës së ardhshme të Finlandës 'Olkiluoto 3', më i madhi në...
SHBA- Agjencia Kombëtare Aeronautike dhe Hapësinore (NASA) e Shteteve të Bashkuara të Amerikës planifikon që të dërgoj...
foto ilustruse SHBA- Në Hanover hap dyert panairi më i madh i industrisë në botë. Në fokus të panairitjanë mun...
Foto ilustruese SHBA- Një tjetër tragjedi në Shtetet e Bashkuara të Amerikës. 6 adoleshentë janë vrarë pas t&e...
