Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Në një kohë që paraardhësja e tij, politikania e të Gjelbërve Annalena Baerbock, në raste të tilla ndonjëherë i bënte deklaratat me njëfarë ngurtësie dhe sikur t'i kishte mësuar përmendsh, Wadephuli dukej i qetë dhe i sigurt para shtypit.
GJERMANI- Ai mezi priste të takohej me Ministrin e ri të Jashtëm gjerman, tha Ministri i Jashtëm i Luksemburgut, Xavier Bettel. "I kam uruar fat me anë të një mesazhi - dhe nerva të forta." Ndërsa Ministrja e Jashtme finlandeze, Elina Valtonen shtoi se ishte e kënaqur që Gjermania kishte përsëri "një qeveri të aftë për të vepruar".
Kështu ose ngjashëm u shprehën shumë pjesëmarrës në takimin informal të ministrave të Jashtëm të BE në Varshavë, kryeqytetin polak, kur i pyetën për kolegun e tyre të ri nga Berlini. Për kristjandemokratin Johann Wadephul, takimi ishte mundësia e parë për të shkëmbyer pikëpamje në nivel të BE që nga marrja e detyrës.
Paraqitje e orkestruar mirë para kamerave televizive
Në një kohë që paraardhësja e tij, politikania e të Gjelbërve Annalena Baerbock, në raste të tilla ndonjëherë i bënte deklaratat me njëfarë ngurtësie dhe sikur t'i kishte mësuar përmendsh, Wadephuli dukej i qetë dhe i sigurt para shtypit.
Ai mbërriti në Varshavë direkt nga një vizitë në Paris, në një aeroplan me kolegun e tij francez Jean-Noël Barrot, siç e theksoi vetë. Të dy u shfaqën së bashku edhe para kamerave. Sipas fjalëve të tij, qeveria e re gjermane po punon për të rindërtuar marrëdhëniet me Francën dhe Poloninë, të cilat Wadephul i përshkroi si miqtë më të ngushtë të Gjermanisë. "Ne jemi të lidhur", tha ai në Varshavë. Kjo lidhje "do të mbetet një konstante në politikën tonë të jashtme".
Ripërshtatje e marrëdhënieve me Parisin dhe Varshavën
Evropa përballet me sfida të mëdha dhe po vihet në provë nga lufta e agresionit të Rusisë kundër Ukrainës, theksoi Barrot. Komuniteti duhet të jetë në gjendje të mbështetet në "një çift gjermano-francez, të vendosur për t'i dhënë Evropës ambicie të reja".
Qeveria e Parisit pret bashkëpunim të ngushtë me koalicionin e ri të Berlinit, qoftë në mbrojtje apo në politikën ekonomike. Interpretimi i Pallatit Elize është se "partneri që Macroni ka pritur që nga viti 2017 më në fund është këtu", tha për DW, Stefan Seidendorf, zëvendësdrejtor i Institutit Gjermano-Francez. Kaq e madhe duket se është euforia në Paris.
Partner i pritur prej kohësh
Megjithatë, Seidendorfi vuri në dukje gjithashtu se kjo pikëpamje është e mbushur me iluzione dhe se Gjermania dhe Franca ende duan të ndjekin rrugë të ndryshme në shumë fusha. Për shembull, në çështjen se si të financohet një mbrojtje më e koordinuar në Evropë. Megjithatë, përpjekja e Wadephul-it për të gjetur një qasje njerëzore me bashkëbiseduesit e tij u prit mirë në Francë.
Konflikte po shfaqen edhe në fusha specifike të politikave me qeverinë polake, i tha DW Piotr Buras. Drejtori i Këshillit Evropian për Marrëdhëniet me Jashtë (ECFR) në Varshavë përmendi në veçanti refuzimin e emigrantëve dhe kontrollet e shtuara në të gjitha kufijtë gjermanë të njoftuara nga qeveria e re gjermane.
"Gjermania e para" si mesazh?
Qeveria e Varshavës është kritike ndaj masave në zonën Shengen, të cilat nuk konsiderohen në përputhje me ligjin e BE, thotë Buras. Për më tepër, ato do të shfrytëzoheshin lehtësisht nga partitë polake të krahut të djathtë. Mënyra se si Kancelari Federal Friedrich Merz i njoftoi masat, "në stilin e Trumpit", nuk dha përshtypjen se interesat e shteteve fqinje ishin marrë parasysh, kritikoi Buras. Në vend të kësaj, ajo u perceptua si një lloj mesazhi "Gjermania është e para”.
Eksperti i marrëdhënieve gjermano-polake sheh këtu një mundësi për Ministrin e ri të Jashtëm. "Wadephul duhet të marrë iniciativën" për të adresuar problemin e imigracionit të parregullt në nivel evropian, së bashku me Poloninë dhe partnerë të tjerë të BE, thotë Buras. Për shembull, nëpërmjet marrëveshjeve të reja me vendet e treta.
Emërimi i Wadephulit "i mirë për Poloninë"
Emërimi i Wadephulit si Ministër i Jashtëm është "shumë i mirë për Poloninë, sepse ai është një nga politikanët e paktë në Gjermani që e njeh dhe e kupton Poloninë", sipas ekspertit të Varshavës, Buras. Ai është "një tip modest, që nuk njihet për slogane të bujshme, por që tregon takt dhe ndjeshmëri". Wadephul theksoi se qeveria gjermane donte t'u jepte marrëdhënieve gjermano-polake një "dimension të ri". Dhe ai nuk harroi të përmendte se kishte ndjekur tashmë një ndeshje futbolli me Ministrin e Jashtëm polak Radek Sikorski. Ai shtoi se do të donin të vazhdonin ta bënin këtë edhe në të ardhmen./DW
Foto ilustruese SHBA- Simulimi i një të vdekuri, i krijuar me ndihmën e Inteligjencës Artificiale, i drejtoi fjalën vrasë...
Foto ilustruese KIEV- Presidenti francez Emmanuel Macron, kancelari gjerman Friedrich Merz dhe kryeministri britanik Keir Starmer mbërritën n&eum...
Jacqueline Ma SHBA- Një ish-mësuese e vlerësuar me çmime nga Kalifornia do të kalojë 30 vitet e ardhshme në burg p&eum...
Papa Leo XIV ITALI- Menjëherë pasi përshëndeti turmën nga ballkoni me pamje nga Sheshi i Shën Pjetrit të enjten në ...
foto ilustruese DANIMARKË- Këtë të premte, vëmendja është përqendruar në ishullin danez Bornholm në ...
Foto ilustruese SHBA- Nëse ndonjëherë ju është bërë e pavendosur mendja ndërsa po bënit diçka, nuk jeni...
Foto ilustruese IRAN- Irani po përgatitet t’i dërgojë Rusisë raketa balistike me rreze të shkurtër veprimi, të...
Foto ilustruese INDI- Bota vazhdon të shikojë me padurim mundësinë që India dhe Pakistani të vazhdojn&eum...
Foto ilustruese SHBA- Presidenti i SHBA-së, Donald Trump , programi i të cilit për deportimin masiv po përballet me pengesa l...
Foto ilustruese INDI- India ditën e sotme e përshkroi si një përshkallëzim të rrezikshëm valën e sulmeve të ni...
