Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Nëse këto nëndetëse dislokohen në një numër të madh, kompania Thunder Tiger Group thotë se ato mund të shërbejnë si një masë frenimi ndaj një sulmi të mundshëm.
SHBA- Rritja e tensioneve me fqinjin e saj të madh, Kinën, po nxit Tajvanin të kërkojë mënyra të reja të vetëmbrojtjes. Një kompani me seli në qytetin Taichung ka prodhuar një prototip të një nëndetëse që mund të kontrollohet nga distanca, që sipas disa analistëve, mund ta ndihmojë Tajvanin në rast të një sulmi nga një vend i madh si Kina.
Stërvitjet e fundit ushtarake të Kinës kanë rritur shqetësimin në Tajvan për kërcënimin që paraqet fqinji i tij i madh. Kina tha se stërvitjet ajrore dhe detare në shkallë të gjërë synonin të lëshonin një “paralajmërim serioz” për politikanët pro-pavarësisë në ishullin e vetëqeverisur të Tajvanit dhe mbështetësit e tyre të huaj.
Tajvani i ka parë stërvitjet e ushtrisë kineze si shenjë e një konflikti të mundshëm. Një kompani në qytetin qendror të Taichungut po bënë prova me një prototip të një nëndetëseje, që mund të drejtohet nga distanca dhe në rast të një konflikti ushtarak mund të përdoret për të goditur objektiva të armikut.
Nëndetësja “Seawolf 400” është prodhuar nga Thunder Tiger Group, një kompani që merret me prodhimin e dronëve. Rreth një dekadë më parë, ajo filloi të shfrytëzonte burimet e saj për prodhimin e nëndetësve pa njerëz në bord, që mund të drejtohen nga distanca. Tani, me prototipin “Seawolf 400” dhe tensionet në rritje në ngushticën e Tajvanit, kompania gradualisht po hynë në tregun e mbrojtjes.
“Kjo është për të përmbushur nevojat e situatës aktuale në politikën botërore dhe në ngushticën e Tajvanit. Ne e kemi ndërtuar këtë platformë për përdorim të mundshëm ushtarak, megjithëse kemi plane edhe për përdorim civil”, thotë Bryan Lin, Menaxher për Teknologjinë në kompaninë Thunder Tiger Group.
Kina ka rritur presionin e saj ushtarak mbi Tajvanin vitet e fundit, duke dërguar avionë luftarakë dhe luftanije drejt ishullit pothuajse çdo ditë.
Gene Su, Menaxher i Përgjithshëm në Thunder Tiger Group thotë se teknologjia e tyre është me kosto efektive.
“Qeveria jonë dhe vendet që kanë pikëpamje të ngjashme na mbështesin në përgatitjet për një luftë asimetrike. Një shembull i luftës asimetrike në këtë rast është krahasimi i kostos së madhe të nëndetësve prej miliarda dollarësh me këtë nëndetëse të telekomanduar, me kosto relativisht të ulët, por që mund të pengojë armikun”, shpjegon ai.
“Në dekadën e kaluar, ne ndërtuam mjete zhytëse me përmasa të vogla dhe të mesme për të zëvendësuar zhytësit që dërgoheshin në misionet e zbulimit. Por më vonë e kuptuan që kemi nevojë për platforma më të mëdha dhe vendosëm të prodhonim këtë nëndetëse katër metra të gjatë. Ajo mund të mbajë më shumë pajisje shkencore si dhe mund të mbledhë e analizojë më shumë të dhëna”, shtoi ai.
Nëse këto nëndetëse dislokohen në një numër të madh, kompania Thunder Tiger Group thotë se ato mund të shërbejnë si një masë frenimi ndaj një sulmi të mundshëm.
“Së pari duhet të kuptojmë se ku janë anijet e armikut ose mjetet e tyre amfibe. Pastaj ne mund t'i lëshojmë këto nëndetëse pa njerëz në bord për të kapur në befasi palën sulmuese. Nëse armiku vëzhgon një zonë dhe përgatitet të sulmojë ne do të mund të lëshonim nëndetëset vetëvrasëse pa njerëz në bord për t’i befasuar ata", thotë analisti ushtarak Erich Shih.
Marrë nga VOA
Martesa SHBA- Gra të lumtura, jetë të lumtur. Influenceri i Nju Jorkut , Emmanuel Lustin është martuar me dhjetë...
Mike Pence SHBA- Ndërkohë që ish Presidenti amerikan, Donald Trump përballet me një sërë akuzash të reja penale, is...
Dokufest KOSOVË- Në Prizren ka nisur edicioni i 22-të i Festivalit Ndërkombëtar i Filmit Dokumentar dhe të Shkurtër, Dok...
Presidenti dhe djali i tij KOLUMBI- Prokuroria dhe avokatët mbrojtës kanë kërkuar që Nicolas Petros, djali i madh i presidentit ko...
BE KOSOVË- BE-ja ka treguar gatshmëri që të ofrojë mbështetje ligjore dhe teknike për mbajtjen e zgjedhjeve në kat&...
Nigeri SHBA- Shefat e ushtrisë së shteteve të Afrikës Perëndimore janë pajtuar për një plan për ndërhyrje...
Sali Berisha TIRANË- Kryetari i Partisë Demokratike, Sali Berisha ka deklaruar se ata do të krijojnë një front të bashku...
Sali Berisha Ju ftoj që në çdo analizë të shqyrtojmë çdo dobësi dhe të metë të punës son&eu...
Charles McGonigal SHBA- Një avokat i Charles McGonigal, ish-kreu i kundërzbulimit për zyrën fushore të FBI-së në Nju Jor...
Permbytje SLLOVENI- Tre persona kanë vdekur nga shirat e rrëmbyeshëm në Slloveni, ku rrëshqitjet e dheut kanë ...
