Protesta për Zvërnecin/ Protestuesit çajnë kordonin metalik, policia i sulmon me ujë. Tubimi shpërndahet në gjithë Tiranën
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
“Ka forca në Shqipëri dhe jashtë që janë kundër”/ Rama: Të rreshtohesh me PS, do të thot&eum...
"Shqipëria është e shqiptarëve"/ Qytetarët mbushin rrugët e Tiranës, kërkojnë anulimin e pr...
Aktualisht ka rreth 1000 emigrantë në Bosnje-Hercegovinë. Po cili do të jetë fati i planit të Mbretërisë së Bashkuar për të vendosur emigrantët në Ballkanin Perëndimor?
BALLKAN- Kanë kaluar shtatë vjet që nga vala e parë e migrantëve që hynë në Bosnjë-Hercegovinë në numër të madh, pasi Hungaria dhe Kroacia mbyllën kufijtë e tyre në vitin 2015. Që atëherë, mijëra migrantë kanë qëndruar nëBosnjë-Hercegovinë, disa prej të cilëve kanë mbetur në vend, ndërsa të tjerë kanë gjeturstrehim në vendet e BE-së dhe në Mbretërinë e Bashkuar.
Këta të fundit mund të pësojnë të njëjtin fat nëse plani i qeverisë britanike për të arritur një marrëveshje me Serbinë, Bosnjë-Hercegovinën, Maqedoninë e Veriut dhe Shqipërinë, të cilën kryeministri Edi Rama e ka hedhur poshtë, rezulton i saktë. Megjithatë, Shtetet e Bashkuarakanë arritur një marrëveshje me Kosovën për të strehuar rreth 50 migrantë që do të deportohen nga SHBA-ja, gjë që mund të konfirmojë njoftimet e mëparshme se administrata Trump do ta përdorë Ballkanin Perëndimor si qendër deportimi.
Trafikimi i migrantëve
Sa i përket Bosnje-Hercegovinë, kjo çështje është rishfaqur pas valëve të migrantëve të viteve të fundit, në të cilat dhjetëra prej tyre kanë humbur jetën duke kaluar kufijtë ilegalisht. Gjithçka ka marrë edhe një dimension politik, pasi njoftimi nga Britania e Madhe për deportimin në B-H nuk mund të zbatohet derisa të nënshkruhet një marrëveshje ripranimi, e cila kërkon pëlqimin e të tre grupeve etnike në B-H, gjë që do të jetë e vështirë të ndodhë nëse nuk ka ndonjë interes të fshehur ose "shlyerje borxhi".
Republika Serbeishte e para që kundërshtoi një plan të tillë, prandaj është planifikuar një seancë e Asamblesë Kombëtare të RS për të marrë një qëndrim mbi çështjen e migrantëve në territorin e këtij entiteti. Edhe pse nuk ka konfirmim zyrtar, nuk ka mundësi deportimi, sepse nuk ka marrëveshje për këtë.
"Ne nuk do të jemi parking për këtë ndërsa unë drejtoj Republikën Serbe.B-H nuk do të nënshkruajë një marrëveshje me asnjë vend evropian për të pranuar migrantët që i kanë ftuar të vijnë tek ata. Ne nuk i kemi ftuar ata dhe nuk duam të pastrojmë rrëmujën e tyre që kanë lënë në këtë drejtim", tha presidenti i RS Milorad Dodik.
Ai i dërgoi një nismë parlamentit për të shqyrtuar informacionin në lidhje me migrantët në mënyrë që "të miratohen masa në lidhje me njoftimet e qeverive të Britanisë së Madhe dhe vendeve të tjera në kohën e duhur".
Dodik kritikoi opozitën e RS, e cila është përpjekur të largojë SNSD-në nga pushteti muajt e fundit, se është gati të bëjë gjithçka për disa pozicione në Sarajevë, përfshirë importimin e migrantëve.
Anëtari i Bordit Kryesor të SDS-së, Marinko Bozhoviq u përgjigj menjëherë.
"Nëse do t'ju ofronin heqjen e sanksioneve, nuk do të mendoheshit dy herë," shkroi ai në Facebook, duke iu përgjigjur Dodikut.
Mbërritja e emigrantëve në kampet e mbyllura?
Aktualisht ka katër kampe për migrantë në Bosnje-Hercegovinë- Lipa dhe Borçi si dhe Blazhuj dhe Ushivak. Për shkak të rrezikut të lartë të sigurisë, është krijuar nisma për të mbyllur urgjentisht kampin Blazhuj.
"Kampi i migrantëve dhe të gjitha krimet që po shohim, përfshirë vrasjet, po krijojnë një problem të madh për popullsinë lokale dhe zhvillimin e komunës Ilixha," tha përfaqësuesi i SDP në parlament Sasha Maganoviq, i cili është nismëtari i mbylljes së kampit.
Megjithatë, për të mbyllur një kamp, është e nevojshme të hapet një i ri që do të plotësonte të gjitha nevojat për pritjen e përkohshme të migrantëve, sipas Shërbimit për Çështjet e të Huajve.
"Pavarësisht se çfarëmigrantëshjanë, ne i pranuam, ndërsa ata bëjnë gjithçka. Do t'i dëboja të gjithë nga këtu. Le të ktheheshin në vendet e tyre ose të shkojnë në Evropë. Ata hapën kufijtë për ta”, thonë disa qytetarë të Sarajevës.
"Miq britanikë”
Jo shumë kohë pas krizës më të madhe të emigrantëve në Bosnje-Hercegovinë kur disa qendra u dogjën e disa u mbyllën, qindra emigrantë pritën me ditë të tëra një vendim nga autoritetet për fatin e tyre.
Pas kësja u krijuan katër kampe, por situata e sigurisë aty është jashtëzakonisht e pafavorshme. Popullata dhe disa politikanë kërkojnë mbylljen e disa prej tyre. Sidomos pas njoftimeve se numri i migrantëve mund të rritet nëse njoftimet për deportimin e tyre në vendet e Ballkanit Perëndimor rezultojnë të vërteta.
Nga ana tjetër, ministri i Punëve të Jashtme i Bosnje-Hercegovinës, Elmedin Konakoviç, thotë se nuk ka informacion në lidhje me deportimin e mundshëm të emigrantëve, por ai është gati të flasë.
"Ne nuk do të jemi kurrë pjesë e zgjidhjes së problemit të dikujt tjetër. Nëse kjo është nisma e miqve tanë nga Britania e Madhe, ne do të themi seriozisht dhe me argumente se çfarë mund dhe nuk mund të bëjë Bosnje-Hercegovina", thotë Konakoviç.
Depo për emigrantët
Shërbimi për Çështjet e të Huajve në Bosnje-Hercegovinë thotë se në këto kushte, pranimi i migrantëve nga Britania e Madhe është i pamundur.
"Nuk e kuptoj se si kanë ndërmend ta bëjnë këtë. Bosnje-Hercegovina nuk ka nënshkruar asnjë marrëveshje me Britaninë e Madhe", tha drejtori i Shërbimit për Çështjet e të Huajve, Zharko Laketa.
Lidhur me nismën për të krijuar të ashtuquajturën Qendër Kthimi në vendet e treta për azilkërkuesit, Human Rights Watch njoftoi se Bashkimi Evropian dhe Britania e Madhe duhet të ndalojnë së përdoruri Ballkanin si një "depo për migrantët".
"Në vend që ta trajtojnë Ballkanin si një depo për emigrantët, BE-ja dhe Mbretëria e Bashkuar mund të luajnë një rol të rëndësishëm në mbështetjen e zhvillimit të sistemeve funksionale të azilit dhe kornizave më të mira për mbrojtjen e të drejtave të emigrantëve”, kumtoi organizata e të drejtave të njeriut. Ajo përmendi shembullin e Bosnjë-Hercegovinës si një vend që tashmë po përdoret "si një vend grumbullimi për njerëzit që aksidentalisht e gjejnë veten në tranzit për në BE”./ DW
Foto ilustruese LINDJE E MESME- Fatura rekord për shpenzimet ushtarake të Izraelit në luftërat e tij po bëhet gjithnj&eu...
Ky imazh satelitor i marrë në mars tregon uzinën e pasurimit të Isfahanit në Iran. LINDJE E MESME- Sulmet ajrore izrael...
Foto nga vendi i ngjarjes LINDJE E MESME- Irani dhe Izraeli shkëmbyen sulme të reja herët në mëngjesin e së shtunës...
Foto ilustruese EUROPA- Sipas të dhënave të Eurostat, pas fillimit të luftës Rusi-Ukrainë, shkëmbimet e mallrave kan&eum...
Foto ilustruese SHBA- Gjigantët e rinj të Wall Street-it po thyejnë kufijtë e vjetër, shkruan The Economist. “Rritja e pjes...
Rafael Grossi shihet në një ekran televiziv ndërsa flet gjatë një takimi të Këshillit të Sigurimit të Kombeve t&e...
Aleksandër Vuçiç SERBIA- Presidenti i Serbisë, Aleksandër Vuçiç, deklaroi se Ushtria e Serbisë ësht&eu...
spitali rambam IZRAEL- Një total prej 33 personash u plagosën fizikisht nga një sulm iranian në Haifa në Izraelin verior të p...
Eyal Zamir LINDJE E MESME- Forcat Mbrojtëse të Izraelit (IDF) thonë se i kanë përgatitur sulmet e tyre kundër Iranit p&...
foto ilustruese BRITANI- Shtatë burra janë arrestuar nën dyshimin për lëndime të rënda trupore, pasi dy persona u sulmua...
