Tronditet Elbasani/ Një person qëllon drejt një lokali, plagosen tre persona. Autori largohet menjëherë nga vendngjarja (EMRAT)
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
Sipas një zyrtari amerikan të mbrojtjes, deri të martën në burgun e bazës detare në Gjirin e Guantanamos ndodheshin më shumë se 120 emigrantë, që administrata i quan "kriminelë të huaj".
SHBA- Shtetet e Bashkuara kanë dyfishuar numrin e të burgosurve, që konsiderohen si “të rrezikshmërisë së lartë”, në bazën e tyre detare të Gjirit të Guantanamos në Kubë. Këta emigrantë më pas është në plan të dëbohen në vendet e tyre. Sipas një zyrtari amerikan të mbrojtjes, deri të martën, në burgun e bazës detare në Gjirin e Guantanamos ndodheshin më shumë se 120 emigrantë, që administrata i quan "kriminelë të huaj".
Përafërsisht 50 individë të tjerë mbahen gjithashtu në objektin e emigrantëve brenda bazës, të përgatitur për të pritur individë jo të dhunshëm. Një zyrtar tjetër amerikan i mbrojtjes i tha Zërit të Amerikës se që nga e hëna, ushtria amerikane kishte kryer gjithsej 13 fluturime me emigrantë pa dokumente në Guantanamo me avionë ushtarakë të transportit C-17 dhe C-130.
Deri më tani, asnjë nga të arrestuarit e dërguar në Gjirin e Guantanamos nuk është dëbuar në vende të tjera. Të dy zyrtarët amerikanë të mbrojtjes folën për Zërin e Amerikës në kushte anonimiteti. Zëri i Amerikës ka kontaktuar edhe Departamentin e Sigurisë Kombëtare, i cili po udhëheq përpjekjet e Shteteve të Bashkuara për dëbimin e emigrantëve pa dokumente, si dhe Zyrën e Emigracionit dhe Doganave, për numrin në rritje të të arrestuarve.
Të enjten e kaluar, komandanti i Komandës Jugore të ushtrisë së Shteteve të Bashkuara, e cila mbikëqyr operacionet në bazën detare në Gjirin e Guantanamos, u tha ligjvënësve se në objektet e paraburgimit në këtë bazë ndodheshin rreth 68 të burgosur.
Admirali Alvin Holsey u tha gjithashtu ligjvënësve se objekti i emigrantëve brenda bazës kishte kapacitetin për të mbajtur rreth 2,500 të burgosur jo të dhunshëm. Po bëhen përpjekje për të rritur kapacitetet e bazës në mënyrë që ajo të jetë në gjendje të mbajë deri 30 mijë emigrantë pa dokumente, përpara se ata të dëbohen në vendet e tyre.
Admirali Holsey tha se është shumë herët për të ditur koston e mbajtjes së një numri në rritje të individëve në këtë bazë detare të ushtrisë amerikane.
“Po punojmë me Departamentin e Sigurisë Kombëtare për të kuptuar fluksin e emigrantëve”, tha admirali gjatë seancës dëgjimore të enjten në Komisionin e Senatit për Forcat e Armatosura. “Nuk do të arrijmë deri në 30,000 nëse nuk dimë se do të vijë vala e emigrantëve. Pra, jemi në pritje në këtë pikë”.
Detajet rreth rritjes së numrit të të ndaluarve në bazën detare amerikane në Kubë vijnë vetëm një ditë pasi Departamenti i Sigurisë Kombëtare filloi atë që e përshkroi si një fushatë reklamash me vlerë disa miliona dollarëshe, që paralajmëronte emigrantët të mos hynin ilegalisht në Shtetet e Bashkuara.
"Nëse po shqyrtoni të hyni ilegalisht në Amerikë, as mos e mendoni", tha Sekretarja e Sigurisë Kombëtare Kristi Noem në një video të konceptuar për një audiencë ndërkombëtare.
"Nëse vini në vendin tonë dhe shkelni ligjet tona, ne do t'ju kapim" tha ajo. "Kriminelët nuk janë të mirëpritur në Shtetet e Bashkuara".
Sekretarja Noem, e cila vizitoi burgun e Guantanamos të premten e kaluar dhe mbikëqyri transferimin e një fluturimi të tretë të të burgosurve në qendrën e paraburgimit, i ka përshkruar vazhdimisht të ndaluarit si "vrasës dhe anëtarë të bandave të egra" nga Venezuela dhe si "më të këqijtë nga më të këqijtë".
Në një postim në mediat sociale, Sekretarja Noem tha se të paktën një nga emigrantët e dërguar në Gjirin e Guantanamos kishte pranuar të ketë bërë vrasje, ndërsa të tjerët kërkoheshin për tentativë për vrasje, sulm, trafik armësh dhe falsifikim identiteti.
Një zyrtar që foli me Zërin e Amerikës me kusht ruajtjen e anonimitetit, tha se të gjithë individëve të mbajtur në Gjirin e Guantanamos u është lëshuar urdhri përfundimtar i dëbimit. Por Departamenti i Sigurisë Kombëtare nuk ka bërë të ditura ende dokumentet me akuzat, apo detaje të tjera në lidhje me krimet që të arrestuarit akuzohen se kanë kryer.
Të mërkurën e kaluar, Unioni Amerikan i Lirive Civile, së bashku me disa grupe të të drejtave të emigracionit, ngritën një padi kundër Departamentit të Sigurisë Kombëtare, duke pretenduar se të burgosurve që mbaheshin në burgun e Gjirit të Guantanamos u është mohuar në mënyrë të parregullt qasja tek avokatët.
Departamenti i Sigurisë Kombëtare refuzon pretendimet e padisë.
"Ekziston një sistem për përdorimin e telefonit për të kontaktuar avokatët", tha një zyrtar i lartë i Departamentit të Sigurisë Kombëtare në një deklaratë me shkrim të ndarë me Zërin e Amerikës.
“Nëse Unioni Amerikan për Liritë Civile kujdeset më shumë për të huajt kriminalë shumë të rrezikshëm, përfshirë vrasës dhe anëtarë të bandave të egra, se për qytetarët amerikanë – ata duhet të ndryshojnë emrin e tyre”, shtoi zyrtari, duke reaguar ndaj padisë në kushte anonimiteti./VOA
Foto ilustruese ZVICËR- Shkrirja e akullnajave ka shkaktuar pothuajse 2 cm rritje të nivelit të detit vetëm këtë shekull...
Olaf Scholz GJERMANI- Kancelari gjerman Olaf Scholz tha se ishte e gabuar dhe e rrezikshme për presidentin e SHBA-së, Donald Trump, ta ...
Benjamin Netanyahu IZRAEL- Kryeministri i Izraelit, Benjamin Netanyahu, video-mesazh ka shprehur se ndjen keqardhje për kthimin e 4 trupave t&eum...
Foto ilustruese LETONI- Letonia, një anëtare e NATO-s, do të rrisë shpenzimet e saj të mbrojtjes në të pakt&eu...
foto ilustruese LIBI- Dy varre masive janë zbuluara së fundmi në Libi gjatë operacioneve të forcave të siguris...
Pamje nga vendi i ngjarjes ARIZONA- Një avion mësohet se është rrëzuar në veriperëndim të Tucson, në Ari...
Gjermani GJERMANI- Përpara pesë vjetësh një 34 vjeçar gjerman doli i armatosur në rrugët e Hanaut në jugperë...
keith kellog SHBA- I dërguari i presidentit amerikan Donald Trump për Ukrainën dhe Rusinë, Keith Kellogg tha të mërkurën...
Foto ilustruese SHBA- Presidenti i Shteteve të Bashkuara Donald Trump firmosi të martën një urdhër ekzekutiv për të stud...
Artefakte NIGERI- Holanda do të kthejë më shumë se 100 objekte të opokës së bronzit që trupat britanike grabitë...
