Dita e 51-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdhi fundi!
Dita e 51-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 51-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
Incident para Kuvendit! Policia largon me forcë ish-luftëtarët e UÇK-së, Dritan Goxhaj dhe Meçan Zotaj(VIDEO) ...
Ndërkohë Ministri i Jashtëm ukrainas Dmytro Kuleba paraqiti dorëheqjen të mërkurën, në prag të ndryshimeve të pritshme në kabinetin qeveritar.
RUSI- Të paktën shtatë persona humbën jetën nga sulmet ruse në qytetin ukrainas të Lvivit gjatë natës, një ditë pas një prej sulmeve më vdekjeprurëse me raketa që nga fillimi i luftës. Lvivi është rreth 60 kilometra larg kufirit me Poloninë, një anëtare e NATO-s dhe Bashkimit Evropian. Ndërkohë Ministri i Jashtëm ukrainas Dmytro Kuleba paraqiti dorëheqjen të mërkurën, në prag të ndryshimeve të pritshme në kabinetin qeveritar.
Kryebashkiaku i Lvivit, Andriy Sadovyi tha të mërkurën se mes viktimave nga sulmi rus në Lviv ishin tre fëmijë.
"Lvivi u vu në shënjestër të një sulmi të kombinuar me raketa dhe dronë. Banesat në dy lagje të Lvivit u goditën, gjithsej më shumë se shtatëdhjetë shtëpi. Shumica e tyre janë monumente arkitekturore, kështu që restaurimi do të ndjekë një protokoll të veçantë. Ne e dimë se ç’duhet të bëjmë por dhimbja më e madhe është humbja jetës”, tha ai.
Guvernatori rajonal Maksym Kozytskyi tha në aplikacionin e mesazheve Telegram, se mes të vrarëve ishin dy vajza, 9 dhe 14 vjeçare. Shërbimet e Urgjencës Shtetërore të Ukrainës thanë se numri i të plagosurve ka arritur në 52.
“Sulmi me raketa vazhdoi për një kohë të gjatë, goditja e tyre ishte e fuqishme, zhurma e jashtëzakonshme. Nga tronditja, unë përfundova nga korridori në një dhomë tjetër. Të gjithë vrapuam në errësirë. Pashë që dritarja e kuzhinës ishte rrëzuar”, thotë dëshmitari Andrii Zamrii.
Sulmi ndodhi një ditë pasi dy raketa balistike goditën një akademi ushtarake dhe një spital në Poltava në Ukrainë, duke vrarë më shumë se 50 vetë dhe plagosur më shumë se 200 të tjerë, në një nga sulmet më vdekjeprurëse ruse që nga fillimi i luftës.
Ndërkohë, Ministri i Jashtëm ukrainas Dmytro Kuleba dha dorëheqjen të mërkurën, pasi Presidenti Volodymyr Zelenskiy la të kuptohej javën e kaluar se së shpejti do të bënte ndryshime në qeveri. Zoti Kuleba ka qenë një nga figurat më të njohura të Ukrainës në skenën diplomatike. Ai nuk është shprehur për arsyet e dorëheqjes.
Presidenti Zelenskiy tha se Ukraina ka nevojë për "energji të re", ndërkohë që paralajmëroi riorganizimin më të madh të qeverisë që kur Rusia filloi luftën ndaj Ukrainës e cila është në një pikë kritike.
“U jam shumë mirënjohës të gjithë ministrave dhe ekipit qeveritar që punuan për Ukrainën dhe ukrainasit për katër vjet e gjysmë, pesë vjet. Sot kemi nevojë për energji të reja dhe këto hapa synojnë forcimin e shtetit në shumë drejtime. Politika ndërkombëtare, diplomacia nuk bën përjashtim. Nuk mund të parashikoj se çfarë do të bëjë secili ministër në të ardhmen. Do të ketë më shumë qartësi kur të ofrohen postet e reja. Sot është shumë herët për të folur për këtë”, tha Presidenti Volodymyr Zelenskiy.
Ai foli gjatë një konference për shtyp në Kiev me kryeministrin irlandez Simon Harris. Dorëheqje dhe emërime të tjera priten gjatë ditëve të ardhshme, ndërsa pesë ministra dhanë dorëheqjen të martën.
Zotit Zelenskiy i duhet të ruajë moralin në Ukrainë në mes të luftës së ashpër me Rusinë që filloi para 30 muajsh dhe përpara një dimri tjetër të vështirë. Sulmi vdekjeprurës i Lvivit, pranë kufirit të Polonisë, një anëtare e NATO-s dhe larg vijave të frontit, është një kujtesë tjetër se si e gjithë Ukraina është e rrezikuar.
Inkursioni i ushtrisë ukrainase pothuajse një muaj më parë në rajonin kufitar të Kurskut të Rusisë, përmirësoi moralin e ukrainasve dhe shërbeu si kundërpeshë pas muajsh të tërë lajmesh të zymta nga vija e frontit në Ukrainën lindore.
Objektivat përfundimtare të inkursionit janë të paqarta, megjithëse zoti Zelensky thotë se Ukraina do që të krijojë një zonë neutrale për të parandaluar sulmet ndërkufitare ruse, si edhe të forcojë pozitat negociuese të Kievit në të ardhmen.
Mes konsideratave të Presidentit ukrainas Zelensky, janë edhe zgjedhjet presidenciale të nëntorit në SHBA, të cilat mund të sjellin ndryshim në mbështetjen kritike ushtarake amerikane për vendin e tij.
Ndërkohë, presidenti Vladimir Putin mbetet i vendosur që ushtria ruse të avancojë më thellë në Ukrainën lindore./VOA
Joe Biden dhe Vladimir Putin SHBA- Administrata Biden po planifikon të akuzojë Rusinë për përpjekjet e vazhdueshme për t&eum...
fotot ilustruese ITALI- Një tjetër varkë me emigrantë është fundosur pasditen e sotme në Lampedusa të Italisë....
Volodymyr Zelenskyy UKRAINË- Presidenti ukrainas Volodymyr Zelenskyy tha se Ukraina ka nevojë për “energji të re”, prandaj...
fotot ilustruese FRANCË- Autoritetet franceze kanë thënë se kanë parandaluar të paktën tre sulme terroriste nga ISIS gja...
Aleksandar Vulin dhe Vladimir Putin SERBI- Zëvendëskryeministri i Serbisë, Aleksandar Vulin, i tha të mërkurën Presidentit ru...
Olaf Scholz GJRMANI- Gjermania nuk do ta zvogëlojë mbështetjen ushtarake për Ukrainën, tha të mërkurën kancelari gj...
HUNGARI- Zyrtari i qeverisë hungareze Bence Retvari tha se shumica e hungarezëve besojnë se përdorimi i telefonave celularë n&eu...
Hvladimir OSLO- Grupet e të drejtave të kafshëve thanë ditën e sotme se balena “spiune ruse” ose siç njihe...
Yair Lapid IZRAEL- Udhëheqësi i opozitës izraelite Yair Lapid bëri thirrje sot për një marrëveshje me Hamasin për...
Roma ROMË- Një rrufe ka dëmtuar një hark 1700-vjeçar pranë Koloseut të Romës, duke bërë që di...
