Tronditet Elbasani/ Një person qëllon drejt një lokali, plagosen tre persona. Autori largohet menjëherë nga vendngjarja (EMRAT)
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
Qiejt gri mbi Kaliforni, të ashtuquajturin shteti i artë, janë shembulli më i fundit i motit ekstrem që Presidenti Joe Biden thotë se është shkaktuar nga ndryshimet klimatike.
Presidenti Joe Biden përsëriti paralajmërimet e tij për ndryshimin klimatik dhe premtoi ndihma federale për Kaliforninë, pas sasisë së madhe të rreshjeve kohët e fundit që kanë shkaktuan përmbytje në shkallë të gjerë. Por siç njofton korrespondentja e Zërit të Amerikës, Anita Powell, kritikët thonë se ai nuk ka bërë sa ç’duhet, ndërkohë që ata që lavdërojnë politikat dhe iniciativat e tij ligjore për klimën thonë se ndryshimi nuk do të vijë brenda natës.
Qiejt gri mbi Kaliforni, të ashtuquajturin shteti i artë, janë shembulli më i fundit i motit ekstrem që Presidenti Joe Biden thotë se është shkaktuar nga ndryshimet klimatike.
Moti ekstrem i shkaktuar nga ndryshimet klimatike krijon stuhi më të mëdha dhe më të shpeshta. Presidenti Biden e vizitoi Kaliforninë të enjten për të vlerësuar dëmin e shkaktuar nga përmbytjet e fundit, për të premtuar ndihma federale dhe për të dhënë një mesazh:
“Duhet të investojmë tek një infrastrukturë më e fortë për të zvogëluar ndikimin e këtyre katastrofave, pasi në një kuptim ato i shtohen njëra-tjetrës. Kemi caktuar tashmë fondet nga ligji për infrastrukturën që firmosa një vit më parë”, tha Presidenti Biden.
Ai tha se ka marrë edhe masa të tjera me ligjin e miratuar së fundmi për uljen e inflacionit, që cakton rreth 400 miliardë dollarë fonde federale për energjinë e pastër, me qëllim përmbushjen e detyrimeve të Shteteve të Bashkuara në kuadrin e Marrëveshjes së Parisit për uljen e ngrohjes globale nën nivelin 2 gradë Celcius.
Presidenti Biden ka mbështetur gjithashtu teknologjitë e reja amerikane për energjinë e pastër me qëllim uljen e nivelit të gazeve ndotës, që shkencëtarët thonë se shkaktojnë ndryshimet klimatike.
Sherri Goodman nga Programi për Ndryshimin dhe Sigurinë Mjedisore të Qendrës Wilson thotë se qeveria amerikane e ka parë ndryshimin klimatik prej kohësh si një kërcënim.
“Duhet t’i shohim si rreziqe komplekse dhe në rritje, pasi njëri rrezik – furtunat e ushqyera nga zjarret në pyje – kanë në vazhdim ndikim tek faza e ardhshme e zhvillimeve klimatike, tek ngjarjet ekstreme, tek ndryshimet e vrullshme atmosferike; ato ndërveprojnë”, thotë zonja Goodman.
Barra financiare duhet të përballohet nga qeveria dhe sektori privat së bashku, thotë ajo. Ky mesazh iu dha edhe pjesëmarrësve në Forumin Botëror Ekonomik.
Presidenti Biden dërgoi në këtë forum në Davos të Zvicrës përfaqësuesin e tij më të lartë për klimën, John Kerry.
Drejtuesi i grupit financiar Zurich Insurance Group thotë se organizatat e ndryshme duhet të bashkojnë forcat për të luftuar ndryshimin klimatik.
“Zgjidhja e ndryshimeve klimatike i ngjason një pune në ekip. Nuk vjen nga vetëm një sektor, pra duhet të jenë të përfshira qeveritë. Bizneset, sektori financiar duhet të punojnë së bashku për të trajtuar këto çështje vërtet komplekse dhe në sistem”, thotë John Scott, drejtues për riskun financiar në “Zurich Insurance Group”.
Zonja Goodman thotë se ndryshimi do të kërkojë kohë.
“Nuk mund të heqim dorë menjëherë nga karburanti. Do të përdorim naftë dhe gaz edhe për disa kohë”, thotë ajo.
Por kritikët thonë se udhëheqësit duhet të jenë më agresivë, në veçanti kur bëhet fjalë për t’u përballur me industritë që ndotin mjedisin.
“Nuk mundemi ta ndreqim këtë problem pa veprim të fortë nga qeveria. Dhe kjo duhet të fillojë duke u përballur me kompanitë e hidrokarbureve që janë në epiqendër të problemit dhe që janë përpjekur prej kohësh të çorientojnë vëmendjen, të mohojnë dhe t’i shtyjnë gjërat”, thotë Kassie Ziegel, nga Qendra për Diversitet Biologjik, në Institutin për Legjislacionin Klimatik.
Disa nga kundërshtarët politikë të Presidentit Biden, madje edhe disa kolegë demokratë, kanë kundërshtuar miratimin e ligjeve më të forta, duke argumentuar se këta sektorë industrialë krijojnë vende të vlefshme pune. A po bën pra Presidenti Biden më shumë se ç’duhet, apo jo mjaftueshëm? Vetëm koha, dhe temperaturat, do ta tregojnë./VOA
Wagner Group Shtetet e Bashkuara do të vendosin javën e ardhshme sanksione shtesë kundër kompanisë ushtarake private ruse Wagner G...
Vajza ITALI- Prindërit e Denise Pipitone i drejtohen Matteo Messina Denaro për ti dhënë përgjigje për vajzën e tyre...
MILF Manor SHBA- Një emision i ri në SHBA ka tronditur shikuesit, të cilët e cilësojnë si gjënë më të err...
Ministri polak i Mbrojtjes, Mariusz Blaszczak, është "i bindur" se aleatët e Ukrainës mund ta formojnë një koalicion për t&...
Dmitry Mazepin ITALI- Autoritetet italiane janë në kërkim të oligarkut rus, Dmitry Mazepin, pasi dy nga jahtet e tij luksoze që u...
Ministria BULLGARI- Ambasadorja e Republikës së Maqedonisë së Veriut në Bullgari do të thirret në Ministrinë e Pun&...
Ministri i ri gjerman i Mbrojtjes, Boris Pistorius, mohoi të premten se Berlini po bllokon në mënyrë të njëanshme dërgimin ...
Aleksander Vucic SERBI- Presidenti i Serbisë, Aleksandër Vuçiç, pas takimit me përfaqësuesit e BE-së, SHBA-s&eu...
Rishi Sunak BRITANI E MADHE- Rishi Sunak nuk e ka nisur mbarë drejtimin e Mbretërisë së Bashkuar. Kjo pasi sot është "ndë...
Femije SHBA-Gjatë dy dekadave të fundit, revolucioni teknologjik e ka bërë aksesin në internet një gjë tepër të...
