Dita e 50-të e revoltës qytetetare/ Shqiptarët vijojnë qëndresën në shesh: Rama në burg, Berisha në burg
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Plani kërkon ftesën e Ukrainës për t'u anëtarësuar në NATO dhe vendosjen e një pranie të mjaftueshme ushtarake jo-bërthamore në territorin e saj për siguruar përmbajtjen e Rusisë. Reagimi i partnerëve perëndimor është i paqartë
UKRAINË- Plani i Kievit për fitoren e luftën, i prezantuar këtë muaj nga Presidenti ukrainas Volodymyr Zelenskyy, ka marrë tashmë vlerësime nga partnerët perëndimorë. Korrespondentja e Zërit të Amerikës, Lesia Bakaletes njofton nga Kievi se çfarë mendojnë ekspertët dhe banorët e Ukrainës lidhur me planin e fitores. Plani i Fitores i Presidentit Zelenskyy përbëhet, mes të tjerash, nga pesë pika.
“Nëse fillojmë zbatimin e këtij plani specifik për fitoren, deri vitin e ardhshëm mund t’i japim fund luftës”, thotë Presidenti Zelenskyy.
Plani kërkon ftesën e Ukrainës për t'u anëtarësuar në NATO dhe vendosjen e një pranie të mjaftueshme ushtarake jo-bërthamore në territorin e saj për siguruar përmbajtjen e Rusisë. Reagimi i partnerëve perëndimor është i paqartë. Qëndrimet e ukrainasve po ashtu. Natalia është banore e Kievit.
“Plani është real por nuk varet nga Ukraina”. Oleg, një tjetër banor i Kievit, mendon ndryshe.
“Kam bindjen e plotë se gjithçka do të vendoset në fushën e betejës. Miku më i mirë i Ukrainës janë forcat tona të armatosura”.
“Do të kemi mbështetje. Shpresojmë për më të mirën, por ndoshta do të duhet të luftojmë për veten tonë”, thotë Oksana, banore e Kievit.
Analisti i shkencave politike, Mykola Davydiuk, thotë se plani përmban shumë pika jorealiste për partnerët perëndimorë.
“Po të kishim katër pika realiste dhe një jo të tillë, mund të bëhej një përjashtim. Përgjigja është se plani është i shkëputur nga realiteti”.
Analisti thotë se ukrainasit janë të fundit që njihen me planin, pas të gjithë partnerëve të huaj të Kievit. Disa pika nuk u janë shpjeguar atyre, siç është një marrëveshje me aleatët për të ndihmuar në mbrojtjen e burimeve kritike të vendit si dhe investimi dhe shfrytëzimi i përbashkët të këtyre burimeve.
“Mbrojtja e burimeve përmes kapitalit perëndimor, i cili mund të marrë pjesë në prodhim, është gjë e mirë. Por është e nevojshme t'u shpjegojmë njerëzve se për çfarë burimesh bëhet fjalë dhe cilat do të ishin përfitimet për vendin”, thotë për Zërin e Amerikës analisti Mykola Davydiuk.
Profesori Valerii Pekar, me ‘Shkollën e Biznesit Kyiv-Mohyla’, thotë se një pyetje tjetër është se pse ky plan nuk ka një listë veprimesh për vetë ukrainasit.
“Shumë njerëz besojnë se kjo është vetëm gjysma e planit, sepse tregon pritshmëritë e Ukrainës nga aleatët e saj. Por Ukraina ka shumë probleme me sistemin e administratës publike, mobilizimin, sundimin e ligjit. Dhe pyetja është se çfarë do të bëhet për këtë”.
Eksperti i çështjeve ushtarake, Evgen Dykyj, thotë se ekziston një shqetësim për veprime alternative të Ukrainës nëse partnerët nuk e zbatojnë ‘Planin e Fitores’.
“Deri tani duket sikur nuk kemi një plan B. Partnerët e koalicionit do të duhet të bëjnë atë që kërkojmë ne, ose do të kapitullojmë, apo çfarë? Plani B duhet të jetë mobilizimi total i popullsisë dhe financave, duke transferuar gjithçka në linjat ushtarake dhe ta bëjmë luftën vetë”.
Profesori Valerii Pekar thekson se aleatët perëndimorë duhet ta kuptojnë se si do të duket bota pas luftës.
“Nëse fiton Ukraina, do të kemi një botë më të sigurt, ku funksionojnë rregullat. Në të kundërt, do të jetë një botë ku çdo diktator bën çfarë të dojë në zonën e interesave të tij”.
Pas gati tre vjet lufte, agresori rus po përparon në Ukrainën lindore. Vendi përballet gjithashtu me një dimër të vështirë, pasi sulmet ruse kanë shkatërruar një pjesë të madhe të sistemit energjetik./VOA
Sulmi TURQI- Kreu i forcave të udhëhequra nga kurdët në Siri, Mazloum Abdi, mohoi çdo lidhje me sulmin e fundit të regjistr...
Netanyahu GAZA- Protestuesit kanë ndërprerë fjalimin e kryeministrit izraelit, Benjamin Netanyahu, gjatë një ceremonie të mba...
Foto ilustruese GJEORGJI- Vëzhguesit evropianë thanë sot se zgjedhjet në Gjeorgji u zhvilluan në një mjedis "përç...
Sarah Boone SHBA- Një grua nga Florida është dënuar me burgim të përjetshëm të premten për vrasjen e partnerit...
vendngjarja IZRAEL- Të paktën 33 persona janë plagosur kur një kamion u përplas me një stacion autobusi pranë Glilot n&e...
ajatollah ali khamenei IRAN- Lideri suprem i Iranit, Ajatollah Ali Khamenei, paralajmëroi kundër ekzagjerimit apo minimizimit të ndikimit t&...
hristijan misckoski SHKUP- Kryeministri maqedonas, Hristijan Mickoski, pret përgjigje nga Brukseli se si do të vijojnë negociatat me Bashki...
Boyko Borisov BULLGARI Bullgarët më 27 tetor votojnë në zgjedhjet e shtata parlamentare të mbajtura në katër vjetët...
RUSI- Më 16 tetor, bombardimet ruse goditën një punishte të orendive, një fabrikë druri dhe një shtypëse ulliri në ...
foto ilustruese AFGANISTAN- Një fotoreporter që ka punuar në Afganistan gjatë sundimit të talibanëve nga vitit 1996 deri m&eu...
