Protesta për Zvërnecin/ Protestuesit çajnë kordonin metalik, policia i sulmon me ujë. Tubimi shpërndahet në gjithë Tiranën
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
“Ka forca në Shqipëri dhe jashtë që janë kundër”/ Rama: Të rreshtohesh me PS, do të thot&eum...
"Shqipëria është e shqiptarëve"/ Qytetarët mbushin rrugët e Tiranës, kërkojnë anulimin e pr...
Sipas njoftimeve ky takim në nivel ambasadorësh shënon fillimin e negociatave të drejtpërdrejta. Ai përbën herën e parë pas dekadash që përfaqësues izraelitë dhe libanezë u ulën për të zhvilluar bisedime të drejtpërdrejta në nivel politik. Zyrtarisht dy shtetet fqinje ndodhen ende në gjendje lufte.
SHBA- Takimi i drejtpërdrejtë mes ambasadores libaneze në SHBA, Nada Hamadeh Moawad, dhe ambasadorit izraelit në Uashington, Jechiel Leiter zgjati sipas njoftimeve nga disa media izraelite rreth dy orë. Nga pala amerikane morën pjesë, përveç ministrit të Jashtëm, Marco Rubio, edhe ambasadori në Liban, Michael Issa, si dhe përfaqësuesi i përhershëm i SHBA-së në OKB, Mike Waltz.
Sipas njoftimeve ky takim në nivel ambasadorësh shënon fillimin e negociatave të drejtpërdrejta. Ai përbën herën e parë pas dekadash që përfaqësues izraelitë dhe libanezë u ulën për të zhvilluar bisedime të drejtpërdrejta në nivel politik. Zyrtarisht dy shtetet fqinje ndodhen ende në gjendje lufte.
Përputhje në disa fusha
Leiter deklaroi në mbrëmje se biseda kishte qenë pozitive. Ai tha se ka disa fusha ku dy vendet kanë përputhje në qëndrimet e tyre, por theksoi se Libani, nga këndvështrimi i Izraelit, duhet të shihet plotësisht i pavarur nga Irani ose nga milicia shiite libaneze Hezbollah, e cila është aleate e Teheranit.
Sipas tij pala libaneze e kishte bërë shumë të qartë se nuk dëshiron më të jetë nën ndikimin e Hezbollahut. Ai shtoi gjithashtu se si Irani edhe Hezbollahu janë dobësuar ndjeshëm, gjë që përbën një mundësi. Leiter e cilësoi takimin si një "shkëmbim të mrekullueshëm”.
SHBA: "Moment historik”
Edhe në një deklaratë të Departamentit Amerikan të Shtetit lidhur me takimin rreth dyorësh thuhej se bisedimet ishin konstruktive dhe bëhej fjalë për një "moment historik”. Sipas deklaratës SHBA ishin zotuar që të mbështesin të dyja vendet në vazhdimin e negociatave.
Ministri i Jashtëm i SHBA-së, Marco Rubio, tha në fillim të takimit se kjo është një "mundësi historike” për pajtim mes dy vendeve. Ai shprehu shpresën se mund të zhvillohet një kornizë për një "paqe të qëndrueshme”. Megjithatë ai theksoi se kjo do të kërkojë kohë.
Guterres kërkon ndryshim rrënjësor
Sekretari i Përgjithshëm i OKB-së, António Guterres, kërkoi ndërkohë një ndryshim rrënjësor në marrëdhëniet mes dy vendeve fqinje. "E vërteta është se Hezbollahu dhe Izraeli i kanë ndihmuar gjithmonë njëri-tjetrit që të destabilizojnë qeverinë libaneze,” tha Guterres.
Sa herë që Izraeli pushton pjesë të Libanit, Hezbollahu e përdor këtë si justifikim për të refuzuar çarmatimin dhe për të vazhduar rezistencën e armatosur. Nga ana tjetër, Izraeli i përdor sulmet me raketa të Hezbollahut si justifikim për të vepruar ushtarakisht në territorin libanez. Ka ardhur koha që Izraeli dhe Libani të bashkëpunojnë.
Cila qe tema e bisedimeve?
Izraeli dhe Hezbollahu në Liban ndodhen në luftë të hapur për herë të dytë brenda rreth dy viteve. Një armëpushim i përkohshëm që u arrit, ishte shumë i brishtë. Të dyja palët e akuzonin vazhdimisht njëra-tjetrën për shkelje. Izraeli vazhdoi pavarësisht armëpushimit thuajse çdo ditë sulmet në Liban dhe vendosi pozicione ushtarake në disa zona të vendit fqinj. Me fillimin e luftës në Iran edhe Hezbollahu rifilloi sumet me raketa drejt Izraelit.
Përmes këtyre bisedimeve qeveria libaneze, e cila nuk është palë në këtë luftë, synon të arrijë një armëpushim të menjëhershëm dhe të sigurojë tërheqjen e trupave izraelite nga jugu i Libanit. Kurse Izraeli kërkon të imponojë ndryshime thelbësore në aspektin e sigurisë./DW
IRAN- Vetëm 48 orë pasi Shtetet e Bashkuara dhe Izraeli nisën një fushatë të madhe bombardimesh ndaj Iranit, grupi militant liba...
Donald Trump SHBA- Presidenti i SHBA-së, Donald Trump, tha se nuk ka ndërmend të zgjasë armëpushimin me Irani...
Lisabona LISBONA- Lisabona konsiderohet qyteti më shumëngjyrësh në botë, sipas një studimi të ri të realizuar nga ...
Në muajt e parë në një punë të re, mund t’ju jepet një detyrë që duket e thjeshtë: të përgat...
Foto ilustruse Qeveria e majtë e Spanjës finalizoi të martën planin e saj për një masë amnistie që mund t...
Foto ilustruse PALESTINA- Një zyrtari palestinez ka deklaruar se Hamasi ka hedhur poshtë planin e çarmatimit, i cili ishte një nga ku...
Foto ilustruse PALESTINA- Izraeli ka sulmuar sërish Gazën, duke shënuar kështu gjashtë viktima, përfshirë dy fëmij&...
Foto ilustruse SHBA- Izraeli dhe Libani kanë rënë dakord të nisin negociatat e drejtpërdrejta pas bisedimeve sot në Uashingto...
Pamja nga vendngjarja INDI- Një ngjarje e rëndë ka ndodhur në Indi, ku një termocentral ka shpërthyer dhe u ka marrë jet...
Foto ilustruse Anije të lidhura me Iranin thuhet se kanë kaluar nëpër Ngushticën e Hormuzit të martën, në ditë...
