Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
Protesta para Parlamentit/ Policia zhvendos protestuesit, pritet të nisë seanca plenare 20 Korrik, 10:32 PD drejt ri...
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Salloni i flokëve ku po bëheshin gati familja Safe, gjendet disa metra larg kompleksit pushimor “Rafaello”, në zonën bregdetare të Shëngjinit, në veriperëndim të Shqipërisë. Në këtë kompleks, aktualisht, gjenden rreth 800 afganë – disa prej të cilëve nga fundi i vitit 2021.
TIRANË- Në muzgun e natës së Kurban Bajramit, Abdulrrahman Safe i çoi katër fëmijët e tij për të prerë flokët, në përgatitje të festës. Ai ka një muaj që jeton në Shqipëri, bashkë me qindra afganë të tjerë që janë evakuuar si të përndjekur nga regjimi taliban. Grupi radikal mori pushtetin në Afganistan në gusht të vitit 2021.
“Është traditë e Bajramit të shkurtohen flokët,"- thotë 33-vjeçari.
Salloni i flokëve ku po bëheshin gati familja Safe, gjendet disa metra larg kompleksit pushimor “Rafaello”, në zonën bregdetare të Shëngjinit, në veriperëndim të Shqipërisë. Në këtë kompleks, aktualisht, gjenden rreth 800 afganë – disa prej të cilëve nga fundi i vitit 2021. Shumica presin dritën e gjelbër nga Shtetet e Bashkuara të Amerikës, për të emigruar atje.
Në ditën e Kurban Bajramit, Mahmood Rezaie zgjodhi të ecë në shëtitoren rreth plazhit, bashkë me djemtë e tij.
“Ta festosh Bajramin në Afganistan ishte më mirë se këtu, sepse kemi mundur t’i vizitojmë familjet tona. Edhe këtu është mirë, por po presim për viza të shkojmë në Amerikë”, tregon Rezaie, i cili, po ashtu, ka një muaj që ka arritur në Shqipëri.
Ndonëse nuk ka shumë shenja feste, në shëtitoren e Shëngjinit shihen burra e gra me veshje tradicionale afgane. Shumica prej këtyre burrave falën namazin e Bajramit në xhaminë më të afërt në qytetin e Lezhës. Për Mohammad Samim Nasimin, veshja tradicionale është ndër gjërat e pakta që zgjodhi t’i merrte me vete, kur u nis nga Afganistani, dy javë më parë.
Deri vonë, ai punonte në sektorin e logjistikës në një kompani të huaj që operonte në Afganistan.
“Na mungojnë ushqimet tradicionale. Ushqimi afgan është shumë i shijshëm. Deshëm të sjellim ca fruta të thata, por nuk mundëm për shkak të kufizimeve në bagazh”, thotë Nasimin.
E, bashkëshortes së tij, Arizio, më së shumti i mungojnë anëtarët e familjes që kanë mbetur në Afganistan. Pas shëtitjes së paradites, afganët që po qëndrojnë në Shëngjin, i pret dreka që përgatitet për ta në kompleksin “Rafaello”. Shefi i kuzhinës, Frank Kola, thotë se ka përgatitur ëmbëlsira për nder të festës. Rreth 2.400 afganë u evakuuan në Shqipëri në gusht dhe shtator të vitit 2021, pasi talibanët morën pushtetin në Afganistan.
Atyre iu dha strehim i përkohshëm në Shëngjin dhe në hotele të tjera në Durrës të Shqipërisë. Në bazë të një marrëveshjeje që Shqipëria ka bërë me Shtetet e Bashkuara, ata do të qëndrojnë në këtë vend derisa ta rregullojnë dokumentacionin për t’u zhvendosur në SHBA. Shumica prej afganëve me të cilët bisedoi Radio Evropa e Lirë, shprehën dëshirë që Bajramin e ardhshëm ta presin në SHBA.
Kurban Bajrami është ndër festat kryesore në Islam. Festa karakterizohet me pelegrinazhin e Haxhillëkut dhe flijimin e kurbanit apo therjen e dashit./REL
Foto ilustruese Parlamenti i Kroacisë votoi të mërkurën për njohjen e Holodomorit si gjenocid. Ky term nënkupton vdekjen e mi...
disa serbë kanë shkuar në Gazimestan SERBI- Sot serbët festojnë ditën e "Vidovdanit" e cila u organizua nga Kisha Ortodokse, ...
Policia gjermane GJERMANI- Policia e Berlinit është alarmuar për një burrë që endej nëpër klasa në nj&eu...
dhuna ndaj adoleshentes ANGLI- Policia ka nisur një hetim, pasi një video e postuar në internet tregonte një adoleshente që godit...
Festa KOSOVË- Qytetarët serbë, të cilët sot kanë ardhur nga Beogradi për të marr pjesë në festën e V...
Aleksandër Vuçiç BEOGRAD- Presidenti i Serbisë, Aleksandër Vuçiç ka reaguar pasi djali i tij u pa në ...
Motrat binjake UKRAINË- Ka shkuar në 10 numri i viktimave nga sulmi me raketa në qytetin ukrainas Kramatorsk mbrëmjen e djeshme. Sipas ...
Aleksandër Lukashenko TALINI- Ministri i Jashtëm i Estonisë, Margus Tsachkna, në një intervistë për gazetën fr...
foto nga dasma SHBA- Ish-prezantuesi i “Sky Sports”, Richard Keys, ka kurorëzuar në martesë dashurinë e tij me Lucie Rose ...
Kristel Candelario SHBA- Një ngjarje tronditëse është raportuar në SHBA. Sipas mediave të huaja, një nënë nga...
