"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
Vendet e Detit Baltik janë në gatishmëri të lartë për akte sabotimi, pas një sërë incidentesh ndaj kabllove të energjisë, linjave të telekomit dhe tubacioneve të gazit, nga fillimi i sulmit rus kundër Ukrainës më 2022, megjithëse pajisjet nënujore në shumë raste përballen me defekte ose aksidente.
ESTONI- NATO tha të premten se do të rrisë praninë e saj në Detin Baltik, pas dyshimeve për dëmtim të një kablloje elektrike nënujore dhe katër linjave të internetit. Po kështu Estonia, një vend anëtar i aleancës veri-atlantike njoftoi se kishte nisur një operacion detar për të mbrojtur një linjë paralele të energjisë elektrike.
Të enjten Finlanda ndaloi një anije që po transportonte naftë ruse, nën dyshimet se ajo shkaktoi dëmet e kabllos nënuojre të energjisë ‘Estlink 2’, që lidh Finlandën dhe Estoninë, si dhe linjat e fibrave optike. Helsinki tha se ka kërkuar mbështetjen e NATO-s.
Vendet e Detit Baltik janë në gatishmëri të lartë për akte sabotimi, pas një sërë incidentesh ndaj kabllove të energjisë, linjave të telekomit dhe tubacioneve të gazit, nga fillimi i sulmit rus kundër Ukrainës më 2022, megjithëse pajisjet nënujore në shumë raste përballen me defekte ose aksidente.
“Kemi rënë dakord me Estoninë dhe e kemi njoftuar edhe Sekretarin e Përgjithshëm të NATO-s, Mark Rutte, se dëshira jonë është që të kemi një prani të shtuar të NATO-s", tha Presidenti finlandez Alexander Stubb në një konferencë për shtyp.
Rutte tha se ka diskutuar me zotin Stubb dhe se ka shprehur mbështetjen e tij për hetimin e udhëhequr nga Finlanda.
“NATO do të rrisë praninë e saj ushtarake në Detin Baltik”, shkroi Sekretari Rutte në platformën X.
Kremlini u shpreh i shqetësuar për ndalimin nga Finlanda të anijes që transportonte naftë ruse. Në të kalurën, Moska ka mohuar përfshirjen në ndonjë incident ndaj infrastrukturës në baltik. Estonia tha se marina e saj është angazhuar për të ruajtur kabllon nënujore ‘Estlink 1’, e cila ende është funksionale.
“Nëse ka ndonjë kërcënim ndaj infrastrukturës kritike nënujore në rajonin tonë, do të ketë gjithashtu një përgjigje”, tha ministri i Jashtëm estonez Margus Tsahkna në rrjetin X.
Zoti Tsahkna tha të enjten se dëmtimet në instalimet nënujore në rajon janë shpeshtuar, sa është e vështirë të besohet se të gjitha janë shkaktuar nga aksidentet ose mosmirëmbajtja.
Incidentet shfaqin nevojën për të përditësuar ligjin e vjetër detar, që specifikisht e bën të jashtëligjshëm dëmtimin e infrastrukturës nënujore, tha ministri i Drejtësisë së vendit për Reuters të premten.
Shkëputja e linjës ‘Estlink 2’ që ka fuqinë e 658 megavatëve ndodhi pasditën e së mërkurës, duke e lënë në funksion vetëm linjën ‘Estlink 1’ me fuqi prej vetëm 358 megavatësh, që lidh Finlandën dhe Estoninë, kanë thënë operatorët e rrjetit të energjisë elektrike të vendit.
Hetuesit finlandezë besojnë se anija e sekuestruar - një anije e regjistruar në ishullin Kuk me emrin ‘Eagle S’ - mund të ketë shkaktuar dëmin duke tërhequr spirancën e saj përgjatë shtratit të detit, një nga disa incidente të tilla në vitet e fundit.
Presidenti finlandez tha se ndalimi i anijes ‘Eagle S’ ishte i domosdoshëm për të parandaluar dëmet e mëtejshme. Shërbimi doganor i Finlandës ka thënë se beson se anija ishte pjesë e të ashtuquajturës ‘flotë në hije’ e anijeve të vjetëruara që synojnë të shmangin sanksionet për shitjen e naftës ruse.
Por, kryeministri finlandez Petteri Orpo, i pyetur për anijen ‘Eagle S’, tha të enjten se është shumë herët për të thënë nëse Rusia ka luajtur ndonjë rol në dëmtimin e kabllove./VOA
Fan Weiqiu KINË- Një gjykatë në Kinë ka dënuar me vdekje një burrë për vrasjen e 35 personave. 62-vje&cc...
foto ilustruese AZERBAJXHAN- Kompania ajrore e Azerbajxhanit njoftoi sot se përfundimet paraprake tregojnë se avioni i saj u rrëzua si pasoj...
foto ilustruese MAROK- 69 persona, përfshirë 25 malianë, kanë vdekur pasi një varkë e nisur për në Spanjë...
foto ilustruese RUSI- Rosaviatsia, agjencia e aviacionit civil të Rusisë, tha se avioni i Azerbajxhanit që u rrëzua n&eu...
Varka MAROK- Të paktën 69 persona, përfshirë 25 malianë, kanë vdekur pasi një varkë e nisur për në Spanj&...
Ushtria meksikane MEKSIKË- Autoritetet meksikane njoftuan të enjten se kishin gjetur 12 trupa të varrosur fshehurazi në nj&eu...
Donald Trump SHBA- Interesat e korporatave po zotohen të japin miliona për të festuar inaugurimin e Donald Trump, por çfarë do t...
AZERBAJXHAN- Azerbajxhani Airlines ka njoftuar se po pezullon fluturimet në shtatë qytete ruse, pasi avioni i saj u rrëzua në Ka...
Alparslan Bayraktar TURQI- Turqia synon të sigurojë energji elektrike për Sirinë dhe të ndihmojë vendin në...
SIRI- Autoritetet e reja të udhëhequra nga rebelët në Siri thonë se mbështetësit e presidentit të rrëzuar Bashar ...
