I futur në listën e të sanksionuarve nga SHBA, Maqedonia e Veriut i heq shtetësinë oligarkut pro-rus

6 Dhjetor 2022, 20:12 Nga I.A

Shkup

SHKUP- Qeveria e Maqedonisë së Veriut ka miratuar vendimin për t’i hequr shtetësinë maqedonase oligarkut ukrainas, Oleksandr Onyshchenko. Ai ishte pajisur me shtetësinë maqedonase më 31 maj të vitit 2021, bazuar në “dosjen e pastër”, me propozim të Federatës së Sporteve me Kuaj, ndërsa mendim pozitiv kishin dhënë Agjencia për Rini dhe Sport, Komiteti Olimpik maqedonas dhe Agjencia e Sigurisë Kombëtare (ANB).

Por, dhënia e shtetësisë maqedonase shkaktoi reagime të shumta, pasi Onyshchenko është arratisur nga drejtësia në Ukrainë dhe është i sanksionuar nga Shtetet e Bashkuara. Onyshchenko, i cili u pasurua nga biznesi i gazit, është në arrati që nga viti 2016, pasi ndaj tij u hap një hetim në Ukrainë për korrupsion dhe pastrim parash.

Ai është futur në listën e sanksioneve SHBA-së më 2021, për shkak se ishte pjesë e një rrjeti rus që kishte ndërhyrë në zgjedhjet amerikane. Onyshchenko ka edhe shtetësi ruse.

Pas reagimeve në opinion, Qeveria maqedonase kërkoi sqarime nga Ministria e Punëve të Brendshme dhe Agjencia e Sigurisë Kombëtare (ANB) lidhur me rekomandimin që kishin dhënë për pajisjen e Onyshchenkos me shtetësi maqedonase.

Në një seancë të komisionit parlamentar për mbikëqyrjen e punës së ANB-së, drejtori Viktor Dimovski pranoi se gjatë dhënies së mendimit pozitiv, janë bërë “lëshime të sigurisë”.

“Faza e fundit e verifikimit, konsultimi me partnerët e NATO-s nuk është bërë dhe është faji i një individi”, deklaroi Dimovski më 18 nëntor.

Oligarku ukrainas, Oleksandr Onyshchenko, ishte deputet në Parlamentin e Ukrainës në vitin 2012 nga Partia e Rajoneve të ish-presidentit pro-rus, Viktor Yanukovych. Pas ndërrimit të Qeverisë ukrainase në vitin 2014, ai u bë partner biznesi me presidentin e atëhershëm ukrainas, Petro Poroshenko, deri në vitin 2016, kur Komisioni ukrainas kundër korrupsionit hapi lëndë kundër tij. Më pas, Onyshchenko arriti të strehohej në Spanjë. Por, meqë autoritetet spanjolle kishin vendosur ekstradimin e tij bazuar në fletë-arrestin ndërkombëtar, ai arriti të strehohej në Gjermani, pasi Qeveria gjermane refuzoi kërkesën e Ukrainës për ekstradim.

Marrë nga REL

oleksandr onyshchenko viktor dimovski

Në përputhje me standarded JTI

Bota 6 Dhjetor 2022, 20:06 I.A

Zelensky: Luftimet në Donbas, më të vështirat

Volodymyr Zelensky UKRAINË- Presidenti ukrainas, Volodymyr Zelensky, vizitoi të martën frontet e luftës në afërsi të Sll...

Bota 6 Dhjetor 2022, 20:11 d.a.

Incidentet në veri të Kosovës, kreu i KQZ: Jemi të kufizuar në atë rajon, zgjedhjet smund të mbahen me zor

KQZ KOSOVË- Kryetari i Komisionit Qendror të Zgjedhjeve, Kreshnik Radoniqi, tha se incidentet në veri më 6 dhjetor, dëshmuan se q...

Bota 6 Dhjetor 2022, 20:10 d.a.

Shpërthimet në veri, policia dyshon për një bombë të vendosur në ambjentet e KQZ në Mitrovicë

Mitrovice KOSOVË- Vijon të mbetet e tensionuar situata në veri të Kosovës ku pas forcave të EULEX në Mitrovicën e V...

Bota 6 Dhjetor 2022, 20:00 d.a.

Një sulm me dron godet rezervuarin e depozitimit të naftës në aeroportin në rajonin Kursk të Rusisë

Shperthim ne Rusi RUSI- Një sulm me dron i ka vënë flakën një rezervuari të magazinimit të naftës në një ...

Bota 6 Dhjetor 2022, 19:50 d.a.

Ish-mbreti i Spanjës Juan Carlos fiton imunitet të pjesshëm ndaj akuza të ish-të dashurës për ngacmim

SPANJË- Ish-mbreti spanjoll Juan Carlos ka fituar apelin për të bllokuar një pjesë të një rasti të ngritur kundër...

Bota 6 Dhjetor 2022, 19:41 d.a.

Ish-presidenti iranian thotë se sundimtarët duhet t'i dëgjojnë kërkesat e protestuesve

Protestat ne Iran IRAN- Ish-president iranian ka bërë komente të rralla publike duke lavdëruar protestuesit antiqeveritar dhe duke...

Bota 6 Dhjetor 2022, 19:36 I.A

Olaf Scholz pas samitit: Qasje pozitive për integrimin e Ballkanit Perëndimor në BE

Olaf Scholz TIRANË- Kancelari gjerman Olaf Scholz deklaroi se ka gjetur një qasje më pozitive midis anëtarëve të Bashkimit Ev...

Bota 6 Dhjetor 2022, 19:10 I.A

Vuçiç: Deklarata e Osmanit ishte e njëjtë si herët e tjera, unë mirë që erdha në samit

Aleksandër Vuçiç SERBI- Presidenti i Serbisë Aleksandër Vuçiç theksoi se ishte i kënaqur me bisedimet e sot...

Bota 6 Dhjetor 2022, 19:30 d.a.

Shpërthimet në Mitrovicë, forcat e EULEX "zbarkojnë" në veri të Kosovës, nisin patrullimin e zonës

Mitrovice KOSOVË- Vijon të mbetet e tensionuar situata në Mitrovicën e Veriut pas raportimeve për disa të shtëna me arm&...

Bota 6 Dhjetor 2022, 19:19 d.a.

Mijëra policë në rrugë në Athinë mes protestës mbi të shtënat e vitit 2008

Protesta ne Athine GREQI- Forcat greke të sigurisë kanë vërshuar Athinën qendrore ndërsa demonstruesit dolën në rru...

MË SHUMË