Seancë plenare në Kuvend/ PD anulon bojkotin! Peleshi i heq fjalën Berishës: Mu drejto me etikë
"Ca të nënës dhe të njerkës"/ Bardhi akuza mazhorancës: Po shkelni rëndë parlamentarizmin! Keni futur n&...
"Ca të nënës dhe të njerkës"/ Bardhi akuza mazhorancës: Po shkelni rëndë parlamentarizmin! Keni futur n&...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
Incident para Kuvendit! Policia largon me forcë ish-luftëtarët e UÇK-së, Dritan Goxhaj dhe Meçan Zotaj(VIDEO) ...
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
Të gjithë punonjësit ishin të punësuar në UNRWA, agjencia e OKB-së që ndihmon refugjatët palestinezë.
SHBA- Një hetim i brendshëm i Kombeve të Bashkuara arrin në përfundimin se nëntë nga 19 punonjësit palestinezë të organizatës, të akuzuar nga Izraeli, “mund të kenë qenë” të përfshirë në sulmet e 7 tetorit në pjesën jugore të Izraelit, ndërkohë që nuk ka prova të mjaftueshme ose nuk ka fare prova për 10 të tjerë.
“Ndërprerja e marrëdhënieve të punës për këta individë është në interes të agjencisë,” deklaroi zëdhënësi i OKB-së Farhaq Haq duke iu referuar nëntë punonjësve, ndërkohë që njoftonte për të gjeturat e hetimit disa mujor.
Të gjithë punonjësit ishin të punësuar në UNRWA, agjencia e OKB-së që ndihmon refugjatët palestinezë.
Zëdhënësi Haq tha se në 10 rastet e tjera të hetuara nga Organizata për Mbikqyrjen e Brendshme (OIOS), nuk u siguruan prova “të mjaftueshme” për të mbështetur pretendimet se nëntë punonjësit e tjerë ishin të përfshirë dhe se nuk kishte “asnjë provë” të bazuar për pretendimet ndaj individit të dhjetë.
“Sa u përket këtyre 10 rasteve, masa të caktuara do të merren ndaj tyre në proces e sipër, në përputhje me rregulloret dhe rregullat e UNRWA-s,” deklaroi ai pa ofruar detaje të tjera.
Më 26 janar, Komisioneri i përgjithshëm i UNRWA-s Philippe Lazzarini shkarkoi menjëherë 12 individë që Izraeli i akuzoi për përfshirje në sulmet terroriste të tetorit dhe urdhroi një hetim të brendshëm. Aso kohe, zyrtarët thanë se njëri nga punonjësit ishte konfirmuar i vdekur dhe se ata po përpiqeshin të identifikonin dy të tjerë.
UNRWA njoftoi se në muajin mars mori informacion nga autoritetet izraelite për pesë raste të tjera dhe në muajin prill për dy raste shtesë, të cilat u hetuan nga Agjencia për Mbikqyrjen e Brendshme.
Kur lajmi i akuzave u publikua në fund të janarit, mbi 10 shtete donatore, përfshirë Shtetet e Bashkuara që janë dhuruesi më i madh i fondeve, pezulluan mbështetjen financiare për UNRWA-n, agjenci kjo që vepron në vijat e frontit në Gazë, duke ndihmuar 2 milionë palestinezë.
Ambasadori i Izraelit në OKB i kundërshtoi gjetjet e raportit përmes një postimi në platformën e rrjetit social X, duke e quajtur hetimin “të mangët dhe të vonuar.” Ambasadori Gilad Erdan përsëriti thirrjen e tij për ta mbyllur UNRWA-n dhe kërkoi dorëheqjen e sekretarit të përgjithshëm të OKB-së.
“Tani Izraeli duhet të veprojë shpejt për ta shpallur UNRWA-n të jashtëligjshme, ta shpallë organizatë terroriste, t’i dëbojë drejtuesit e organizatës nga territori i Izraelit dhe të mos i lejojë më të hynë në vend,” shkroi ai.
Parlamenti i Izraelit po shqyrton një ligj për ta shpallur UNRWA-n organizatë terroriste dhe për t’ia ndaluar veprimtarinë në këtë shtet.
Në një deklaratë të hënën, drejtuesi i UNRWA-s Lazzarini përsëriti qëndrimin e organizatës “për ta dënuar me forcë” sulmin e 7 tetorit dhe përsëriti thirrjen për lirimin e menjëhershëm dhe pa kushte të të gjitha pengjeve.
“UNRWA angazhohet të vazhdojë të udhëhiqet nga parimet dhe vlerat themelore të Kombeve të Bashkuara, përfshirë parimin humanitar të neutralitetit dhe të sigurohet se të gjithë punonjësit e saj i përmbahen rregullores së Agjencisë rreth aktiviteteve të jashtme dhe politike,” tha ai.
Duke iu përgjigjur pyetjeve të gazetarëve, zëdhënësi i OKB-së Haq theksoi se provat që Izraeli u ka paraqitur hetuesve të OKB-së për të mbështetur pretendimet e tyre mbesin në duart e autoriteteve izraelite.
“Agjencia për Mbikqyrje nuk ka patur mundësi të vërtetojë në mënyrë të pavarur shumicën e informacionit që i është dhënë ngaqë është në duart e autoriteteve izraelite,” shtoi ai.
Sipas zëdhënësit Haq, hetuesit kanë udhëtuar në Izrael, por për shkaqe sigurie nuk kanë shkuar në Gazë për të intervistuar të akuzuarit, duke shtuar se në disa raste ata kanë arritur të kërkojnë apo të marrin deklarata të regjistruara nga individët, në të cilat ata u janë përgjigjur një mori pyetjesh rreth pretendimeve ndaj tyre.
Ai theksoi se hetimi i Kombeve të Bashkuara nuk ishte hetim penal, por një mision për mbledhjen e fakteve për të përcaktuar nëse rregullat dhe procedurat e brendshme administrative janë shkelur dhe se çfarë veprimesh disiplinore mund të nevojiten.
Raporti i brendshëm dhe konfidencial i është dorëzuar Sekretarit të Përgjithshëm të OKB-së, Antonio Guterres më 31 korrik.
Pas gjetjeve të një vlerësimi të jashtëm dhe të pavarur mbi neutralitetin e UNRWA-s, të realizuar nga ish ministrja e jashtme franceze Catherine Colonna në prill, shumica e donatorëve, me përjashtim të Uashingtonit, kanë vazhduar ta financojnë agjencinë.
Agjencia e OKB-së për Ndihmën e Refugjatëve Palestinezë, ka 13,000 punonjës palestinezë në Rripin e Gazës. Mbi 200 prej tyre janë vrarë gjatë luftës, që filloi në tetor pas sulmit terrorist të Hamasit ndaj Izraelit që vrau 1,200 njerëz. Afro 40,000 palestinezë janë vrarë gjatë luftës, sipas ministrisë së shëndetësisë së Gazës, e cila nuk bën dallimin midis militantëve dhe civilëve./VOA
donald trump dhe kamala harris SHBA- Kandidatja presidenciale demokrate dhe zëvendëspresidentja e SHBA-së, Kamala Harris, fitoi epë...
Biden SHBA- Presidenti Joe Biden u takua me ekipin e tij të sigurisë kombëtare të hënën dhe foli me mbretin e Jordanisë ...
foto ilustruese KOSOVË- Posta e Serbisë ka njoftuar se Policia e Kosovës ka ndaluar në pikën kufitare të Jarinjës, d&eu...
pamje nga vendngjarja MAQEDONIA E VERIUT- Qeveria e Maqedonisë së Veriut ka reaguar në lidhje me ndërrimin e flamurit të Kosov&eum...
pamje nga protesta BRITANI- Trazirat e dhunshme të ekstremistëve të djathtë në Britani kanë rezultuar me lëndime në...
foto ilustruese KOSOVË- Rritja e çmimeve në Kosovë mori hov nga viti 2022. Inflacioni filloi të rritej pasi Rusia nisi pushtimi...
Kamala Harris SHBA- Kamala Harris do të njoftojë të martën emrin e personit që ka përzgjedhur si kandidat për nënpr...
Varret EGJIPT- Një gërmim i vazhdueshëm në Damietta, Egjipt, ka zbuluar 63 varre më shumë se 2500 vjeçare s&eu...
foto ilustruese IZRAEL- Katër palestinezë janë vrarë, përfshirë tre adoleshentë, dhe shtatë të tjerë jan&...
Alga SHBA- Lulëzimi i algave blu-jeshile në Lough Neagh mund të ketë një ndikim të thellë ekologjik dhe të paraqes&...
