Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Mbyllet pas më shumë se tre orësh dita e pestë e protestës, zbardhen pesë kërkesat e protestuesve 4 Qershor...
Mbyllet pas më shumë se tre orësh dita e pestë e protestës, zbardhen pesë kërkesat e protestuesve 4 Qershor...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Zhvillimi i të hënës ndodhi pak para se Prokurorja e Përgjithshme e Nju Jorkut Letitia James të fillonte procedurat për të marrë nga ish presidenti shumën e gjobës.
SHBA- Gjykata e apelit në Nju Jork vendosi të ngrijë përkohësisht pagesën e gjobës prej 454 milionë dollarësh nga ish Presidentit Donald Trump, nëse ai depoziton 175 milionë dollarë brenda 10 ditëve të ardhshme. Depozitimi i kësaj shume brenda 10 ditësh do të parandalonte sekuestrimin e pronave të tij.
Zhvillimi i të hënës ndodhi pak para se Prokurorja e Përgjithshme e Nju Jorkut Letitia James të fillonte procedurat për të marrë nga ish presidenti shumën e gjobës. Avokatët e zotit Trump i ishin drejtuar gjykatës së apelit për të ngrirë vendimin e Prokurores James, duke argumentuar se është “praktikisht e pamundur” që të gjendet ndonjë institucion financiar i gatshëm të nënshkruajë një garanci për të paguar një gjobë kaq të lartë prej gati gjysmë miliardë dollarësh.
Sot skadon afati që ish-presidenti Donald Trump të depozitojë garancinë financiare prej 454 milionë dollarësh, në mënyrë që të ketë të drejtë të apelojë dënimin për padinë civile. Në vendimin e tij duke e shpallur fajtor, gjykatësi në Nju Jorku thekson se zoti Trump komplotoi prej vitesh për të mashtruar bankat dhe kompanitë e sigurimeve, duke fryrë artificialisht vlerën e pasurive në deklaratat financiare që u përdorën për të përfituar kredi të leverdishme.
“Zonja dhe zotërinj, unë jam duke kandiduar për president të Shteteve të Bashkuara dhe ne do ta bëjmë vendin tonë të madh përsëri”.
Nga ky moment kur zoti Trump njoftoi për kandidaturën e tij për President më 16 qershor të vitit 2015, një nga çështjet më të debatuara ka qenë edhe pasuria e ish Presidentit të 45-të amerikan.
Pasuria e tij u rikthye në vëmendjen e publikut pas vendimit të një gjykate të Nju Jorkut kur ai u dënua se ka mbivlerësuar vlerën e pronave të tij me qëllim mashtrimin e bankave dhe kompanive të sigurimeve.
Avokatët e zotit Trump nuk iu përgjigjën kërkesave për koment.
Në disa raste, vlerat e raportuara nga zoti Trump u kundërshtuan në procesin gjyqësor të Nju Jorkut, të cilin miliarderi i pasurive të paluajtshme e ka apeluar.
Në një postim në rrjetin e tij social ‘Truth Social’, zoti Trump tha se ai ka “pothuajse pesëqind milionë dollarë në bankë”. Në dëshminë e tij në gjykatë në muajin prill të vitit 2023, përballë Prokurores së Përgjithshme të Nju Jorkut, Letitia James, ai tha se kishte “më shumë se 400 milionë dollarë në bankë”.
Një deklaratë e gjendjes financiare të 30 qershorit të vitit 2021, që ish Presidenti Trump e dorëzoi në gjykatë, tregon se ai kishte rreth 294 milionë dollarë të depuzituar në bankë dhe në formë investimesh lehtpësisht të tërheqshme si para.
Në vitin 2022, zoti Trump raportoi të paktën 537 milionë dollarë të ardhura nga fushat e golfit dhe hotelet e tij. Ai deklaroi 30.4 milionë dollarë nga honoraret, 26.5 milionë dollarë nga pagesat si menaxher i pasurive të paluajtëshme dhe 61.1 milionë dollarë nga aksionet në ndërtesa si ato që ai zotëron në Nju Jork.
Zoti Trump gjithashtu fitoi 6.2 milionë dollarë nga fjalimet e mbajtura dhe mbi 116 mijë dollarë pension nga Sindikata e Aktorëve të Ekranit (SAG) dhe Federata Amerikane e Artistëve të Televizionit dhe Radios.
Ish Presidenti Trump zotëron hotele, ndërtesa zyresh, ndërtesa banimi, fusha golfi dhe prona të tjera.
“Është një vend i jashtëzakonshëm, midis Kongresit dhe Shtëpisë së Bardhë”, thoshte zoti Trump më 23 korrik të vitit 2014 ndërsa përuroi nisjen e punimeve në objektin historik të Postës së Vjetër në Uashington për ta rikthyer në “Hotelin Trump”.
Në vitin 2022 ai raportoi 268.7 milionë dollarë të ardhura nga hoteli në Uashington. Kjo shumë përfshin edhe fitimin nga shitja e hotelit në vitin 2021.
“Ne jemi në objektin në ‘40 Wall Street’, e cila është një ndërtesë e mrekullueshme, nga më të bukurat në Nju Jork. Unë nuk duhet të paguaj qira sepse e kam në pronësi”, ishte një nga vlerësimet e bëra në muajin janar të këtij viti nga zoti Trump për ndërtesën e zyrave në qendrën financiare në Nju Jork. Ky objekt rrezikon të sekuestrohet nga prokurorja e përgjithshme e Nju Jorkut, Letitia James, nëse deri më 25 mars ai nuk depoziton dot garancinë bankare prej 454 milionë dollarësh, pas dënimit nga një gjykatë në Nju Jork.
Një deklaratë financiare e qershorit të vitit 2021 e renditi këtë pronë, krahas disa të tjerave, si një nga pronat e tij më të vlefshme. Prona të tjera të përmendur në atë deklaratë janë edhe Kulla Trump në Manhatan dhe prona ‘Mar-a-Lago’ në Florida.
Në deklaratën financiare thuhej se pronat e tij ishin me vlerë 4.3 miliardë dollarë në vitin 2021, ndërsa zoti Trump kishte një total prej mbi 439 milionë dollarësh borxh në kredi dhe detyrime të tjera. Ai tha se pasuria e tij neto ishte 4.5 miliardë dollarë.
Dokumenti gjithashtu thotë se klubet e golfit dhe objektet e tjera të klubeve ishin me vlerë 1.76 miliardë dollarë. Dokumenti gjithashtu thotë se ndërtesat e Nju Jorkut si ‘Kulla Trump’ dhe ‘Trump Plaza’ ishin me vlerë rreth 525 milionë dollarë dhe mbi 33 milionë dollarë dhe aksionet e tij në dy ndërtesat në pronësi të përbashkët me një kompani tjetër me emrin ‘Vornado’ kishin vlerën prej 645.6 milionë dollarësh.
Në procesin gjyqësor në Nju Jork, gjykatësi vendosi që ish Presidenti Trump kishte fryrë vlerën e disa prej këtyre pronave përgjatë viteve, duke përfshirë rritjen e vlerës së objektit në ‘40 Wall Street’ me 120 milionë dollarë në vitin 2015. Gjykatësi gjithashtu vendosi se ish Presidenti kishte mbivlerësuar edhe pronën ‘Seven Springs’, në periferi të Nju Jorkut, në qarkun Uestçester, me 147 milionë dollarë në vitin 2014.
Gjykatësi e quajti vlerën e deklaruar nga zoti Trump të pronës ‘Mar-a-Lago’ në Florida si “mashtruese” duke thënë se ajo është “ndoshta një miliardë dollarë ose më shumë” mbi vlerën e saj të vërtetë.
Platforma e rrjetit social ‘Truth Social’, e themeluar prej ish Presidentit, vlen rreth 6 miliardë dollarë, që është vlera e përbashkët me një kompani tjetër me të cilën pritet të bashkohet. Aksionet e zotit Trump në kompaninë e kombinuar aktualisht kanë vlerë rreth 3.6 miliardë dollarë. Ish Presidenti megjithatë nuk mund t’i shesë aksionet e tij, ose të marrë hua kundrejt tyre, edhe për gjashtë muaj pas përfundimit të bashkimit./VOA
foto ilustruese NIGERI- Mbi 100 studentë dhe staf nigerianë që u rrëmbyen këtë muaj arritën në ndërtesën ...
foto ilustruese SHBA- Hamasi ka akuzuar Shtetet e Bashkuara të hënën për ndërprerjen e bisedimeve për armëpushimin q&eum...
dinari serb BRUKSEL- Kosova dhe Serbia kanë përfunduar edhe një rund bisedimesh, pa arritur përparim për çështjen e di...
Trump dhe Biden SHBA- Presidenti amerikan Joe Biden nxori në pah këtë fundjavë përpjekjet e tij për kujdesin shëndet&eum...
foto ilustruese HAIT- Haitianët po përballen me një valë vrasjesh misterioze dhe askush nuk e di pse po ndodhin. Dhuna e bandave&n...
fotot ilustruese AZIA QËNDRORE- Ministria e Jashtme e Kirgistanit u bëri thirrje qytetarëve të republikës së Azisë ...
Foto ilustruese PARIS-Franca ka nisur sot një hetim ndaj një djali 8-vjeçar, i cili shkoi në shkollë me dy thika dhe dyshohet s...
pamje nga aksidenti FILIPINE- Të paktën 17 persona ndërruan jetë sot në jug të Filipineve pasi një kamion që t...
Dmitry Medvedev RUSI- Ish-presidenti rus dhe zyrtari aktual i lartë i sigurisë Dmitry Medvedev tha të hënën se autor&eum...
foto ilustruese SHBA- Këshilli i Sigurimit i Kombeve të Bashkuara ka miratuar një rezolutë që kërkon një armëpushim...
