Raportimi i Endri Shabanit sjell përplasje në Kuvend, PD: U zgjodh në mënyrë antikushtetuese. PS shtyn projekt-rezolutat në seancën e fundit plenare
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
Incident para Kuvendit! Policia largon me forcë ish-luftëtarët e UÇK-së, Dritan Goxhaj dhe Meçan Zotaj(VIDEO) ...
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
Burger tha gjithashtu se serbët e Kosovës duhet të kthehen sa më shpejt në institucionet Kosovës. "Kjo është në interes të njerëzve që jetojnë në veri të Kosovës", argumentoi ai.
KOSOVË- Qeveria gjermane u bëri thirrje serbëve të Kosovës që të heqin barrikadat dhe të kthehen në institucionet e Kosovës. Zëdhënësi i Ministrisë së Jashtme të Gjermanisë, Christoph Burger, tha në konferencën e rregullt për shtyp në Berlin:
"Jemi shumë të shqetësuar për tensionet në veri të Kosovës. Barrikadat ilegale të ngritura nga serbët e Kosovës duhet të hiqen sa më shpejt dhe bllokimi i djeshëm i kalimit kufitar të Merdarës nga ana e Serbisë e ashpërson situatën edhe më shumë".
Retorika nacionaliste e Serbisë
Më tej ai kritikoi retorikën nacionaliste të Serbisë dhe bëri thirrje që kjo e fundit të heqë dorë prej saj.
"Retorika nacionaliste, që kemi dëgjuar nga pala serbe në kohët e fundit është tërësisht e papranueshme dhe rritja e pranisë ushtarake të Serbisë në kufi me Kosovën jep një sinjal krejt të gabuar, prandaj edhe ne presim një qasje konstruktive nga ana e Serbisë dhe këtë e kemi bërë të qartë në kanale të ndryshme", tha Burger.
Burger tha gjithashtu se serbët e Kosovës duhet të kthehen sa më shpejt në institucionet Kosovës. "Kjo është në interes të njerëzve që jetojnë në veri të Kosovës", argumentoi ai.
Qasje më konstruktive edhe nga ana e Kosovës
Zëdhënësi i Ministrisë së Jashtme të Gjermanisë kërkoi gjithashtu qasje më konstruktive edhe nga ana e Kosovës.
"Kosova duhet ta pranojë që të vërë në agjendën e dialogut të udhëhequr nga BE-ja krijimin e Asociacionit të Komunave Serbe", tha ai duke rikonfirmuar edhe mbështetjen e Berlinit për "bisedimet shumë instensive të udhëhequra nga i ngarkuari i BE-së me dialgun, Miroslav Lajçak, dhe nga KFOR-i, për të arritur një shtensionim të situatës në terren dhe progres në dalogun e normalizimit të marrëdhënieve mes dy vendeve".
Nga Serbia kërkohet gatishmëri për negociim
Ndaj zhvillimeve aktuale mes Serbisë dhe Kosovës kanë reaguar edhe raportuesit e partive për Ballkanin Perëndimor në Bundestag. Deputeti socialdemokrat, Adis Ahmetovic, në një deklaratë për shtyp kërkoi nga Serbia gatishmëri për negociim: "Në vend të provokimeve të mëtejshme – p.sh. duke vënë forcat serbe të sigurisë në gatishmërinë më të lartë luftarake ose duke bllokuar rrugët e trafikut dhe kalimet kufitare - më në fund duhet të ketë një vullnet real për të negociuar në mënyrë që të parandalohet një konflikt i armatosur."
Ahmetovic kritikoi qëndrimin e Serbisë dhe kërkoi sqarimin e njoftimeve të pakonfirmuara për praninë e forcave ruse në Serbi. "Përkundër kërkesave të ndërkombëtarëve dhe të kryeministrit kosovar që i kërkoi forcës paqeruajtëse të Kosovës, KFOR-it , të heqë barrikadat, arteriet e rëndësishme të trafikut vazhdojnë të mbeten të bllokuara dhe pikat kufitare të mbyllura. Informacioni ekzistues - nëse konfirmohet - se forcat e sigurisë Wagneriane tashmë janë të vendosura në Serbi duhet të sqarohet menjëherë", tha Ahmetovic.
Sipas tij BE dhe SHBA kanë një rol kyç për parandalimin e përshkallëzimit të mëtejshëm. "Më shumë se kurrë, BE-së dhe SHBA-ve u kërkohet të marrin masa të menjëhershme konkrete për të parandaluar përshkallëzimin e mëtejshëm dhe për të siguruar paqen në Kosovë, për shembull duke rritur përsëri numrin e trupave të KFOR-it në vend, tha deputeti. "Llogaritja e qartë për të përsëritur një kapitull të errët të historisë, nuk duhet të funksionojë”, deklaroi raportuesi i socialdemokratëve në Bundestag, Adis Ahmetovic.
Hacker: Serbët të heqin bllokadat
Me rastin e tensioneve të fundit mes Serbisë dhe Kosovës, edhe raportuesi përgjegjës i grupit parlamentar të partisë liberale FDP për vendet e Ballkanit Perëndimor, Thomas Hacker, kërkoi nga serbët të heqin bllokadat. "Lirimi i ish-oficerit të policisë serbe, Dejan Pantic, tani duhet të përdoret për t'u dhënë fund menjëherë kufizimeve sistematike të lirisë së lëvizjes në dhe rreth qytetit verior të Kosovës, Mitrovicës", shkruan deputeti në një deklaratë për shtyp.
"Me vendimin e sotëm nuk ka më arsye të kuptueshme për mbajtjen e barrikadave. Këto tani duhet të hiqen sa më shpejt që të jetë e mundur, nën mbikëqyrjen e forcës paqeruajtëse të NATO-s, KFOR, dhe misionit të BE-së për sundimin e ligjit, EULEX. Udhëheqja e Beogradit do të ishte mirë gjithashtu që të hiqte dorë nga retorika agresive dhe destruktive dhe t'u kthehej toneve konstruktive që synojnë normalizimin e marrëdhënieve dypalëshe", deklaroi deputeti i liberalëve./ DW
barrikadat KOSOVË- Pika kufitare Merdare dje u bllokua përmes kamionëve dhe mjeteve të artilerisë së rëndë duke bll...
KOSOVË- Studentët e Universitetit “Hasan Prishtina”, konkretisht të Fakultetit të Edukimit do të protestojnë sot, me...
barrikada KOSOVË- Policia e Kosovës dhe EULEX vazhdon patrullimet në pikat kufitare në Kosovë ku janë vendosur barrikadat n&e...
Merdare KOSOVË- Bllokimi i pikës kufitare në Merdar ka shkaktuar fluks në pikat e tjera kufitare të Kosovës. Mediat kosovare ...
Kamione MITROVICË E VERIUT- Disa kamionë me të cilët ishte bllokuar rruga në lokacionin e njohur si Shkëmbi i Dudës n&eu...
Forcat ëagner KOSOVË- Situata në veri të Kosovës vijon të jetë e tensionuar. Së fundmi lidhur me kët&eum...
Zjarri KAMBOXHIA- Tragjedi në Poipet, ku dhjetë persona humbën jetën nga zjarri që nisi në një hotel kazino, në nj&...
Moti SHBA- Stuhia e Arktikut që goditi verilindjen e Shteteve të Bashkuara vazhdon të krijojë viktima, numri i të cilëve...
Aleksandër Vuçiç SERBI- Presidenti i Serbisë, Aleksandër Vuçiç, pas takimit me përfaqësuesit e serb&eu...
Niagara SHBA- Ngricat polare që përfshinë Shtetet e Bashkuara të Amerikës kanë bërë që edhe ujëvara e Nia...
