Raportimi i Endri Shabanit sjell përplasje në Kuvend, PD: U zgjodh në mënyrë antikushtetuese. PS shtyn projekt-rezolutat në seancën e fundit plenare
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
Incident para Kuvendit! Policia largon me forcë ish-luftëtarët e UÇK-së, Dritan Goxhaj dhe Meçan Zotaj(VIDEO) ...
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
Në marshimin e së shtunës nëpër një lagje luksoze të Parisit morën pjesë qindra burra nga grupet e ekstremit të djathtë, të cilët marshuan me flamuj dhe brohoritëm slogane për të përkujtuar vdekjen e një aktivisti të ekstremit të djathtë, Sebastien Deyzieu, më 1994.
PARIS- Forcat e policisë së Parisit dhe Ministria e Brendshme e Francës janë përballur me pyetje dhe kritika të shumta më 8 maj lidhur me një një marshim prej rreth 600 neo-nazistësh, që u autorizuan të kalojnë nëpër rrugët e kryeqytetit në fundjavë.
Tubimi i 6 majit i ekstremistëve të krahut të djathtë, të veshur me të zeza, erdhi përderisa autoritetet po tentojnë t’i shuajnë protestat kundër qeverisë, me disa kufizime të reja të vendosura të hënën për ta mbrojtur presidentin e Francës, Emmanuel Macron, nga zhurma e protestuesve që përplasnin tenxheret.
Në marshimin e së shtunës nëpër një lagje luksoze të Parisit morën pjesë qindra burra nga grupet e ekstremit të djathtë, të cilët marshuan me flamuj dhe brohoritëm slogane për të përkujtuar vdekjen e një aktivisti të ekstremit të djathtë, Sebastien Deyzieu, më 1994.
Protesta u autorizua nga autoritetet e qytetit dhe policia shihej duke patrulluar aty pranë.
Senatori i Partisë Socialiste, David Assouline, i bëri thirrje ministrit të Brendshëm, Gerald Darmanin, që të “shpjegohet”.
“Është e papranueshme të lejosh 500 neo-nazistë dhe fashistë të parakalojnë në zemër të Parisit. Organizatat e tyre, shfaqja e ideologjisë së tyre, parullat, simbolet janë po aq fyerje për të vdekurit sa edhe nxitje për urrejtje racore”, shkroi ai në Twitter.
Franca shënoi festën tradicionale publike të 8 majit të hënën për ta përkujtuar fitoren e forcave aleate mbi Gjermaninë naziste në vitin 1945 dhe jetët e humbura në luftën kundër fashizmit.
Ian Brossat, një zëdhënës i Partisë Komuniste, tha me shaka se “tenxheret janë qartazi më të rrezikshme se çizmet ushtarake”.
Organizata bamirëse e krahut të majtë, Attac, shkroi gjithashtu se e djathta ekstreme “demonstron urrejtjen e saj me pandëshkueshmëri të plotë në qendër të Parisit, ndërsa shteti po kërkon të shpallë të jashtëligjshëm goditjen e tenxhereve”.
Intelektuali i njohur, Jacques Attali, e quajti tubimin “të patolerueshëm”.
Departamenti i policisë së Parisit reagoi të hënën duke shpjeguar se nuk kishte kompetenca ligjore për të parandaluar një demonstratë nëse ajo nuk paraqet “rrezik të provuar për rendin publik”.
“Duke pasur parasysh se kjo demonstratë nuk kishte shkaktuar ndonjë problem apo probleme në rendin publik gjatë viteve të kaluara, prefekti i Parisit nuk ishte në gjendje të ndërmerrte hapa për ta ndaluar atë”, thuhet në një deklaratë.
Ai i referohej një përpjekjeje të mëparshme, në janar, për ta ndaluar një tubim nga grupi i ekstremit të djathtë “Paris Pride”, i cili u hodh poshtë nga një gjyqtar pas një apeli nga organizatorët. Demonstratat u ndaluan të hënën rreth Champs-Elysees në Paris, ku Macron mori pjesë në një ceremoni të 8 majit pranë memorialit të luftës, Arc de Triomphe.
Policia në Lionin lindor gjithashtu i shpalli të jashtëligjshme demonstratat të hënën pranë një memoriali të luftës ku Macron pritej të bënte homazhe për heroin e Rezistencës Franceze, Jean Moulin.
Një ankesë nga sindikata CGT u refuzua nga një gjykatë lokale. Anëtarët e qeverisë janë ndjekur nga protestuesit që rrahin tenxhere që kur Macron nënshkroi një reformë të pensioneve më 15 prill, e cila do të rrisë moshën e pensionit në 64 vjeç nga 62 vjeç.
Demonstrata e ekstremit të djathtë në Paris të shtunën përfundoi me pjesëmarrësit që brohorisnin “Evropë, rini, revolucion”, slogani i grupit të dhunshëm studentor të ekstremit të djathtë GUD që pati ndikim në vitet 1990, tha një reporter i agjencisë së lajmeve AFP.
Dy ish-anëtarë të GUD, Axel Loustau dhe Olivier Duguet, të cilët më parë kanë punuar ngushtë me udhëheqësen politike franceze të ekstremit të djathtë, Marine Le Pen, u fotografuan në tubimin e së shtunës, raportoi të hënën uebfaqja Mediapart.
Ministria e Brendshme ka ndaluar një numër grupesh ekstremiste kundër imigracionit në vitet e fundit, duke përfshirë Generation Identitaire dhe Zouaves Paris.
Marrë nga REL
Foto ilustruese TUNIZI- Trupat e 14 emigrantëve të pajetë janë gjetur në brigjet e Tunizisë gjatë 24 orëve. L...
Foto ilustruese ITALI- Më 19 prill 2023, një operacion i Policisë së Shtetit, i koordinuar nga prokuroria e Milanos, çoi në...
Beteja në Bakhmut UKRAINË- Beteja të ashpra po zhvillohen në Bakhmut. Ukraina ka njoftuar se Rusia ka humbur gjatë 9 muajve t&eum...
Stuart Peach dhe Vjosa Osmani KOSOVË- Presidentja Vjosa Osmani, gjatë qëndrimit në Londër, është takuar edhe me t&...
Sanksione ndaj televizionit rus RUSI- Bashkimi Evropian është duke e diskutuar pakon e 11-të të sanksioneve ndaj Rusisë, q&e...
Rrezet X BRAZIL- Një mjek ka tronditur miliona njerëz në mediat sociale duke postuar një radiografi të një burri që...
Dritan Abazoviç MAL I ZI- Kryeministri i Malit të Zi, Dritan Abazoviç deklaron se dega gjyqësore e qeverisë është a...
Ushtarët BRITANI- Ministria e Mbrojtjes e Mbretërisë së Bashkuar deklaron se ushtria ruse ka rekrutuar punëtorë migrantë...
Foto ilustruese Bashkimi Evropian është duke e diskutuar pakon e 11-të të sanksioneve ndaj Rusisë, që do të fokusohet m&...
Zgjedhjet në Turqi TURQI- Teksa Turqia po u afrohet zgjedhjeve presidenciale dhe parlamentare të kësaj fundjave, po rriten shqetë...
