Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
Protesta para Parlamentit/ Policia zhvendos protestuesit, pritet të nisë seanca plenare 20 Korrik, 10:32 PD drejt ri...
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Bashkimi Evropian shprehu keqardhjen për dështimin e sotëm të bisedimeve ndërsa vlerësoi se “nuk ka gatishmëri për të gjetur një marrëveshje kompromisi në të ardhmen”.
BRUKSEL- Në Bruksel për të shtatën me herë me radhë kryenegociatorët e të Kosovës dhe Serbisë dështuan të arrijnë një marrëveshje lidhur me përdorimin e dinarit serb për pagesa me para në dorë në zonat e banuar me shumicë serbe në Kosovë.
Para takimit të sotëm i dërguari evropian për bisedimet mes palëve Miroslav Lajçak, tha se u ka paraqitur palëve një dokument kompromisi në një përpjekje për të tejkaluar dallimet, por pa dhënë hollësi se për çfarë propozimi bëhet fjalë.
Bashkimi Evropian shprehu keqardhjen për dështimin e sotëm të bisedimeve ndërsa vlerësoi se “nuk ka gatishmëri për të gjetur një marrëveshje kompromisi në të ardhmen”.
Një zëdhënës i bllokut tha se përgjatë takimeve, Bashkimi Evropian paraqiti ide dhe propozime dhe palët arritën të tejkalojnë disa nga dallimet e tyre, duke përfshirë pajtimin “për themelimin e një entiteti të ri biznesi sipas ligjeve të Kosovës, që do të kryente shpërndarjen e përkohshme të ndihmës financiare nga Serbia”.
Por, pavarësisht se BE-ja paraqiti një propozim kompromisi për të përshtatur qëndrimet e palëve, ato nuk arritën të pajtohen për disa çështje thelbësore “përfshirë shtrirjen e veprimtarive të njësisë së re, fushëveprimin e përfituesve të këtij entiteti, dhe ndihmën financiare nga Serbia për institucionet e mbështetura prej saj në Kosovë”, tha zëdhënësi i BE-së, Peter Stano në një komunikatë pas takimit.
Takimi i fundit, tha zëdhënësi, dëshmoi se palët nuk janë në gjendje të gjejnë një zgjidhje kompromisi dhe nuk ka gatishmëri për të gjetur një marrëveshje të tillë në të ardhmen.
Duke theksuar se mungesa e një pajtimi ka pasoja negative në jetën e përditshme të serbëve të Kosovës dhe një burim i vazhdueshëm shqetësimesh, zëdhënësi tha se Bashkimi Evropian si lehtësues “mbetet i gatshëm të organizojë një takim tjetër për këtë temë sapo palët të sinjalizojnë gatishmërinë për të gjetur një zgjidhje të pranueshme të ndërsjellë”.
Kryenegociatorët e Kosovës dhe Serbisë akuzuan njëri tjetrin për dështimin e bisedimeve.
Kryenegociatori serb Petar Petkoviç, tha se Prishtina refuzoi gjashtë propozime të Beogradit, ndërsa theksoi se “do të vazhdojmë të kërkojmë zgjidhje dhe dera e bisedimeve nuk është e mbyllur për ne, meqë pa zgjidhje është më e vështirë për serbët në Kosovë”.
Ndërsa kryenegociatori i Kosovës, Besnik Bislimi tha se qasja e Serbisë flet për dy qëllime: “qëllimin e parë e kanë t’i legjitimojnë strukturat paralele, pra sipas tyre zgjidhja duhet të kërkohet në kalimin nga një sistem paralel ilegal në një sistem paralel legal. Domethënë një sistem ku nuk ka kurrfarë interference ndërmjet qytetarëve të komunitetit serb dhe atyre shqiptarë. Zgjidhja sipas tyre është në një sistem i cili e siguron edhe më tej mungesën e plotë të transparencës, rregullimi i së cilës ka qenë një nga qëllimet kryesore të rregullores së Bankës Qendrore”, tha zoti Bislimi.
Rregullorja e Bankës Qendrore të Kosovës, e cila hyri në fuqi me 1 shkurt, përcakton se euroja është valuta e vetme që mund të përdoret për pagesa me para në dorë në Kosovë. Rregullorja nxiti reagimin e zemëruar të Beogradit, dhe shqetësimet e diplomacisë perëndimore për ndikimin e saj në jetën e serbëve të Kosovës që vazhdojnë të mbështeten financiarisht nga Beogradi.
Diplomatët i kanë bërë thirrje qeverisë së Kosovës të pezullojë rregulloren dhe t’u jepet kohë qytetarëve të prekur për t’u përshtatur me situatën e re.
Çështja e dinarit është shndërruar edhe në temë mospajtimesh mes qeverisë në Prishtinë dhe diplomacisë perëndimore./VOA
Milan Nic SLLOVAKI- Milan Nic, një ish-këshilltar i zëvendësministrit të jashtëm të Sllovakisë, thotë se klima...
foto ilustruese IZRAEL- Institucionet akademike në Izrael thonë se po bëjnë plane për të mirëpritur studentët q&eum...
foto ilustruese ZVICËR- Një burrë me thikë sulmoi kalimtarët në qytetin zviceran të Zoffingen të mërkurën...
BRUKSEL- Në Bruksel për të shtatën me herë me radhë kryenegociatorët e të Kosovës dhe Serbisë dështuan ...
foto ilustruese RUSI- Autoritetet në rajonin Tatarstan të Rusisë i mbyllën për disa orë dy aeroporte të mëdha t&eum...
Robert Fico SLLOVAKI- Presidenti rus Vladimir Putin e përshkroi tentativën për vrasjen e kryeministrit sllovak Robert Fi...
Joe Biden SHBA- Presidenti i ShBA-së Joe Biden ka reaguar nëpërmjet faqes zyrtare të webit të Shtëpisë së Bard...
foto ilustruese GAZA- Kryeministri izraelit Benjamin Netanyahu tha sot se nuk ka krizë humanitare në qytetin Rafah në Rripin jugor të G...
pamje nga ngjarja SLLOVAKI- Kryeministri i Sllovakisë Robert Fico u qëllua ditën e sotme më armë zjarri dhe ndodhet në g...
foto ilustruese KOSOVË- Kryenegociatori i Kosovës, Besnik Bislimi, e cilësoi si të dështuar takimin në Bruksel për dinar...
