Tronditet Elbasani/ Një person qëllon drejt një lokali, plagosen tre persona. Autori largohet menjëherë nga vendngjarja (EMRAT)
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
Duke iu përgjigjur pyetjeve rreth akuzave që kanë shkëmbyer Kosova dhe Serbia për mosrespektimin e marrëveshjes rreth targave, zëdhënësi i BE-së, Peter Stano, ka thënë se të gjitha palët duhet të përmbahen nga veprimet e njëanshme.
KOSOVË- Bashkimi Evropian ka bërë thirrje që Kosova dhe Serbia të përmbahen nga secili veprim që mund të destabilizojë situatën, edhe ashtu të brishtë, dhe që çfarëdo sqarimi rreth interpretimeve për marrëveshjen për targat ta adresojnë në kuadër të dialogut.
Duke iu përgjigjur pyetjeve rreth akuzave që kanë shkëmbyer Kosova dhe Serbia për mosrespektimin e marrëveshjes rreth targave, zëdhënësi i BE-së, Peter Stano, ka thënë se të gjitha palët duhet të përmbahen nga veprimet e njëanshme.
"BE-ja kërkon nga të gjitha palët që t'i respektojnë në tërësi dhe pa kushte marrëveshjet dhe aranzhimet e arritura më 23 nëntor të vitit të kaluar, me të cilat edhe Kosova edhe Serbia u pajtuan për masat specifike rreth targave për të ulur tensionet dhe për t’u fokusuar në tërësi te propozimi i BE-së për të normalizuar raportet e tyre", ka thënë Stano.
Me marrëveshjen e nëntorit, Kosova u ka dhënë fund veprimeve të mëtejme të lidhura me riregjistrimin e makinave me targa serbe që qarkullojnë në Kosovë, derisa Serbia është pajtuar që të mos lëshojë më targa të makinave me emra të qyteteve të Kosovës.
Më 18 janar, ministri i Punëve të Brendshme të Kosovës, Xhelal Sveçla, ka thënë se Kosova nuk do të lejojë hyrjen dhe qarkullimin e veturave që kanë targa ilegale serbe KM, e që janë riregjistruar pas dhjetorit të vitit 2022.
Siç ka mësuar REL-i, bëhet fjalë për makina që janë regjistruar pas datës 7 dhjetor 2022, kur ka hyrë në fuqi dekreti i ri i Qeverisë serbe për veturat që kanë targa me akronime serbe për qytetet e Kosovës, dhe të cilat janë të regjistruara në Serbi.
Duke komentuar vendimin e autoriteteve të Kosovës, drejtori i Zyrës për Kosovën në Qeverinë serbe, Petar Petkoviq, e ka akuzuar Kosovën se po tenton të shkaktojë krizë dhe tensione të reja.
Stano e ka komentuar të enjten marrëveshjen e arritur në nëntor.
“Kjo do të thotë që Kosova të përmbahet nga çfarëdo veprimi ndaj atyre pronarëve që kanë targat KM dhe efektivisht të mbajë status quo-në derisa të mos arrihet një zgjidhje më e qëndrueshme në dialog. Kjo, po ashtu, do të thotë që Serbia të mos lëshojë targa të reja KM”.
“Ne, gjithashtu, kemi marrë parasysh vendimin e Serbisë, më 6 dhjetor 2022, që letrat ngjitëse të regjistrimit për targat KM nuk do të rinovohen. Ne kuptojmë se rinovimi i sigurimit dhe kontrolli teknik ka të bëjë me automjetin e jo me tabelat e regjistrimit, dhe si i tillë nuk mund të konsiderohet rinovim i tabelave të regjistrimit", ka thënë Stano.
“Por, gjithsesi, ne i ftojmë të gjitha palët që ta respektojnë marrëveshjen dhe të fokusohen në normalizimin e raporteve, sipas propozimit të BE-së, dhe çfarëdo pyetje rreth interpretimeve të asaj se çfarë është rënë dakord më 23 nëntor, të diskutohet përmes dialogut, e jo përmes veprimeve të pakoordinuara në terren, që mund ta destabilizojnë situatën edhe ashtu fragjile“, ka thënë zëdhënësi i BE-së.
Stano ka përmendur, po ashtu, se suksesi në dialogun mes dy palëve është thelbësor për rrugën e dy vendeve drejt integrimeve evropiane.
“Të dyja palët duhet t'i trajtojnë këto diskutime si prioritet”.
BE-ja, ndërkohë, ka konfirmuar se më 20 janar, përfaqësuesi i posaçëm evropian për dialogun Kosovë -Serbi, Mirosllav Lajçak, do të udhëheqë një vizitë të diplomatëve evropianë dhe amerikanë në Prishtinë dhe Beograd. Delegacioni do të përfshijë të dërguarin amerikan për Ballkanin Perëndimor, Gabriel Escobar, këshilltarë të kancelarit gjerman dhe presidentit francez, si dhe një këshilltar të kryeministres italiane.
Qëllimi i vizitës, sipas burimeve evropiane, është përgatitja për mbajtjen e një takimi të ri ndërmjet kryeministrit të Kosovës, Albin Kurti, dhe presidentit të Serbisë, Aleksandar Vuçiq në Bruksel. Tash për tash, nuk ka asnjë konfirmim se kur do të mund të zhvillohej një takim i tillë. Kurti dhe Vuçiq janë takuar për herë të fundit në Bruksel më 21 nëntor.
Kosova dhe Serbia kanë nisur negociatat për normalizimin e marrëdhënieve më 2011, me ndërmjetësimin e Bashkimit Evropian. Procesi i negociatave pritet të përfundojë me marrëveshje ligjërisht të detyrueshme. Ndonëse Kosova deklaron se kjo marrëveshje duhet të përfshijë njohjen e ndërsjellë, Serbia nuk pranon, duke insistuar në “zgjidhje kompromisi”.
Marrë nga REL
Foto Ilustruese TIRANË- Një 26-vjeçare është arrestuar ditën e sotme në Tiranë, pasi u kap me heroinë. ...
Vladimir putin dhe Volodymyr Zelenskyy UKRAINË- Zëdhënësi i Kremlinit Dmitry Peskov ka reaguar pas deklaratës së bujshme t&eu...
pamje nga kolegji GREQI- Një alarm ra rreth orës 13:00 në ambientet e Kolegjit të Athinës në Psikiko. Si...
Keshilli i Evropes KOSOVË- Në maj të vitit 2022, Kosova e ka dorëzuar aplikacionin për t’u anëtarësuar në K&e...
SHBA SHBA- Pamje të rënda janë publikuar nga Ohajo e Shteteve të Bashkuara të Amerikës ku një grua është ...
Ambulanca KOSOVË- Pas vendimit të policisë së Kosovës për të mos lëshuar në qarkullim veturat me targa KM, t&e...
Coca-Cola BRITANI- Rreth 200 punëtorë të fabrikës së Coca-Cola në Londër janë evakuuar pasi u raportua se nga ...
Wagner SERBI- Disa grupe ruse dhe ukrainase kundër luftës, me një avokat nga Beogradi, kanë ngritur në Prokurorinë e Lart&eum...
William Walker dhe Glauk Konjufca KOSOVË- Kryetari i Kuvendit të Kosovës, Glauk Konjufca ka zhvilluar sot një takim me ish-s...
Andrea Bonafede ITALI- Vula në shtëpinë e nënës së Andrea Bonafede, njeriu që i dha hua identitetin Matteo Messina Denar...
