Tronditet Elbasani/ Një person qëllon drejt një lokali, plagosen tre persona. Autori largohet menjëherë nga vendngjarja (EMRAT)
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
Pasi Presidenti Donald Trump mori detyrën më 20 janar, Vladimir Putin e uroi atë menjëherë. Shumë e panë këtë si një dritare mundësie për të arritur një marrëveshje paqeje në Ukrainë.
SHBA- Forcat ruse po vazhdojnë të sulmojnë Ukrainën edhe pse administrata e Presidentit Donald Trump po punon për t’i ulur palët në tryezën e bisedimeve. Siç njofton korrespondentja e Zërit të Amerikës Elizabeth Cherneff, Kievi është gati për këtë gjë, por analistët shohin pak prova se Moska është e përgatitur për t'i dhënë fund luftës.
Pasi Presidenti Donald Trump mori detyrën më 20 janar, Vladimir Putin e uroi atë menjëherë. Shumë e panë këtë si një dritare mundësie për të arritur një marrëveshje paqeje në Ukrainë. Por ndërsa forcat ruse vazhdojnë sulmin, Presidenti Vladimir Putin po akuzon ukrainasit se janë ata që nuk duan të negociojnë. Putin ka vënë gjithashtu në pikëpyetje nëse udhëheqësi i Ukrainës Volodymyr Zelenskyy, gëzon autoritetin ligjor për të nënshkruar një marrëveshje paqeje.
“Është e mundur të negociohet me këdo, por për shkak se Zelensky ka një status të paligjshem nuk ka të drejtë të nënshkruajë asgjë”.
Mandati i Presidentit Zelenskyy përfundoi zyrtarisht vitin e kaluar, por ai ka vazhduar të qëndrojë në detyrë, bazuar në ligjin ushtarak që u shpall pas sulmit rus në shkallë të gjerë. Putin pretendon se kjo e bën Zelenskyy një president të paligjshëm, një akuzë e refuzuar nga udhëheqësit në Ukrainë e të tjerë, që e shohin atë si një përpjekje të presidentit rus për të shmangur negociatat për paqe. Analistët thonë se zoti Putini nuk ka asnjë nxitim për të negociuar dhe kjo për disa arsye.
“Një nga arsyet kryesore është se Rusia po vazhdon të përparojë në fushën e betejës dhe mendoj se Putini dhe gjeneralët e tij e dinë se kjo gjë do të jetë në dobi të tyre”, thotë Ransom Miller, një ekspert në Institutin për Çështjet Globale.
Presidenti Trump ka sinjalizuar se është më pak i gatshëm të paguajë për mbrojtjen e Ukrainës sesa paraardhësi i tij, Joe Biden. Udhëheqësit si në Uashington ashtu edhe në Moskë, duken të gatshëm të komunikojnë pas thirrjes që Presidenti Trump bëri për t'i dhënë fund luftës brenda 100 ditëve të para të presidencës së tij.
Presidenti rus Vladimir Putin ka thënë se është gati të caktojë negociatorët për të filluar punën. Me numrin e viktimave që arrin në disa qindra mijëra dhe një ekonomi që po vuan për shkak të sanksioneve, shumë rusë duan që lufta të përfundojë. Kremlini nuk është tërhequr nga qëndrimi i tij se Ukraina nuk duhet të anëtarësohet në NATO.
“Gjëja kryesore për Moskën është që Ukraina të mos pranohet në asnjë mënyrë nga NATO e të mos marrë mbështetje ushtarake nga Perëndimi", thotë Anton Barbashin i organizatës ‘Riddle Russia’ – një bën bashkë një grup ekspertësh të pavarur mbi çështjet ruse.
Në Moskë pritshmëritë e banorëve atje për një marrëveshje paqeje të ndërmjetësuar nga Shtetet e Bashkuara janë të përziera. Zëri i Amerikës i ka fshehur identitetet e tyre për shkak të shqetësimeve që lidhen me sigurinë e tyre në kushtet kur Rusia godet ata që flasin për mediat perëndimore.
“Gjithçka varet nga presidenti ynë, por nuk jam i sigurt nëse vendimet e tij do të jenë ato të duhurat”, thotë ky i ri, që punon në fushën e teknologjisë së informacionit.
"Shpresojmë që tani, të paktën politikisht, gjithçka do të përmirësohet", thotë ky ish-shofer transporti.
Presidenti Trump ka kërcënuar se do të vendosë sanksione të reja ndaj Rusisë nëse Moska nuk i jep fund asaj që udhëheqësi amerikan e ka cilësuar si një luftë qesharake. Por ajo që mbetet e paqartë është se si dhe nga ku mund të fillojë procesi për t'i dhënë fund luftës./ VOA
Novak Djokoviç SERBI- Tenisti i famsëm serb, Novak Djokoviç ka tërhequr vëmendjen e të gjithëve me pamjet e tij...
Sara Netanyahu IZRAEL- Një hetim penal ka nisur kundër Sara Netanyahu, gruas së kryeministrit izraelit. Lajmin e njoftoi prok...
Takimi ARABI SAUDITE- Presidenti i përkohshëm i Sirisë, Ahmad al-Sharaa, e ka realizuar vizitën e tij të parë jashtë sht...
Greqi GREQI- Autoritetet greke janë mobilizuar dhe kanë marrë masa pas tërmeteve të shumta që po godasin ishujt grekë. A...
donald trump SHBA- Presidenti amerikan, Donald Trump, ka vendosur tarifa të reja ndëshkuese ndaj Meksikës, Kanadasë dhe Kinës...
foto nga sulmi GAZA- Një avion izraelit goditi atë që ushtria izraelite e përshkroi si një automjet të dyshimtë që...
studentet SERBI- Qindra studentë në Serbi, të përkrahur edhe nga qytetarë tjerë, e kanë kaluar natën në af&eum...
benjamin netanyahu IZRAEL- Kryeministri Benjamin Netanyahu i Izraelit udhëton sot për në Uashington, ku gjatë javës do të zhv...
foto ilustruese GJERMANI- Sipas të dhënave të Agjencisë Federale të Punësimit në muajin janar numri i të papunë...
melania trump SHBA- Melania Trump, Zonja e Parë e Amerikës, tashmë për herë të dytë, pa e ditur e ka manifestuar shum&e...
