Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Gjatë dy javëve të fundit forcat ruse kanë pësuar numrin më të madh të viktimave në radhët e ushtrisë së tyre që prej fillimit të luftës. Të dhënat janë publikuar nga Ministria Britanike e Mbrojtjes.
Nga Thetimes
Në shkurt të vitit të kaluar, teksa presidenti rus Vladimir Putin njoftoi vendimin për të pushtuar Ukrainën një fjalim televiziv, Kremlini ishte aq i sigurt për suksesin saqë vala e parë e trupave ruse u urdhëruan të paketonin uniformat speciale për një paradë fitoreje në Kiev.
Pothuasje një vit pas luftës, dhjetëra mijëra ushtarë rusë janë vrarë, qindra mijëra burra janë larguar nga vendi për t’i shpëtuar rekrutimit dhe disa rajone ruse në kufi me Ukrainën janë nën granatime pothuajse të përditshme.
Gjatë dy javëve të fundit forcat ruse kanë pësuar numrin më të madh të viktimave në radhët e ushtrisë së tyre që prej fillimit të luftës. Të dhënat janë publikuar nga Ministria Britanike e Mbrojtjes.
Fjalimet për triumf të presidentit rus Vladimir Putin si një strateg, janë shkatërruar duke e shfaqur atë ndoshta me imazhin më të dobët se në çdo kohë gjatë qeverisjes së tij 23-vjeçare. Dështimi i tij për të siguruar një fitore të shpejtë i ka kushtuar atij besnikërinë e padiskutueshme të zyrtarëve të lartë, tha Genadi Gudkov, një ish-kolonel i KGB-së dhe ish-deputet rus që jeton jashtë vendit.
“Putin nuk mund të sundojë Kremlinin si më parë. Ai ka bërë shumë gabime trashanike dhe këtë e kanë kuptuar të gjithë që nga shtabi i përgjithshëm i forcave të armatosura, udhëheqësja e FSB-së, e deri të ndihmësit e tij më të ngushtë.
Zyrtarët po bëhen më të guximshëm dhe lufta e brendshme është përshkallëzuar. Nuk ka më nënshtrim ndaj Putinit ashtu siç ishte një vit më parë”, tha ai duke përmendur disa biseda me të afërmit e zyrtarëve të Kremlinit.
Tatiana Stanovaya, një analiste politike ruse, kërkimi i së cilës fokusohet në Kremlin, tha se kishte pak mundësi që zyrtarët të ishin mjaftueshëm të guximshëm për të kritikuar drejtpërdrejt Putinin, por shumë prej tyre janë të zhgënjyer nga trajtimi i tij katastrofik i luftës. “Shumë prej tyre e respektonin atë,” tha ajo. “Jo më.”
Përveç ndryshimeve poshtëruese në fushën e betejës, ekonomia e Rusisë po tensionohet gjithashtu nën peshën e sanksioneve perëndimore, duke përfshirë këtu edhe tavanin e çmimit të naftës ruse.
Muajin e kaluar, Rusia regjistroi një deficit buxhetor prej 1.76 trilion rubla (rreth 20 miliardë £), shifra më e madhe që nga ardhja e Putinit në pushtet në itin 2000. Sanskionet po ashtu kanë privuar edhe anëtarët e elitës ruse nga asetet e huaja, përfshirë edhe pronat e tyre në Europë ndërkohë që sot është akoma më e vështirë që fëmijët e tre të studiojnë në shkolla dhe universitete presigjioze në Perëndim.
Megjithatë Putin mbetet i sigurt se ai po përmbush misionin e tij historik për të vendosur Kievin nën kontrollin e Moskës, tha Fyodor Lukyanov, i cili kryeson Këshillin e Rusisë për Politikën e Jashtme dhe të Mbrojtjes.
Këshilli nuk mendohet të jetë konsultuar në lidhje me vendimin për të pushtuar Ukrainën, me vendimet kryesore që merren ekskluzivisht nga Putin dhe një grup i vogël i vijës së ashpër.
Pavarësisht pengesave që ka pësuar ushtria e tij, Putin u duk i qetë kur iu përgjigj pyetjeve në një forum në fund të muajit tetor sipas Lukyaov i cili drejtoi diskutimet.
“Ai ishte i sigurt dhe i qetë si kurrë më parë,” tha ai. “Nuk kishte fare acarim, çfarëdo pyetjesh që të bëheshin gjatë diskutimeve. Ai duket se është 200 për qind i sigurt se ajo që ai po bën dhe ajo që po bën Rusia është e nevojshme dhe se ishte e pashmangshme. Se ne jemi në anën e duhur të historisë, çfarëdo që të ndodhë.”
Lukyanov zbuloi gjithashtu se shumë politikanë rusë ishin në mëdyshje se pse Kremlini nuk ishte kundërpërgjigjur siç duhet ndaj furnizimit me armë perëndimore në Ukrainë. Putin paralajmëroi në fillim të luftës se vendet perëndimore që do i vinin në ndihmë Ukrainës do të përballeshin me pasoja më të mëdha se çdo gjë që keni hasur në histori. Ai gjithashtu ka kërcënuar se do të përdorë armë bërthamore
Dikur i portretizuar nga propaganda ruse si një njeri që flet drejt popullit, Putini është një figurë e izoluar. Në prag të Krishtlindjeve ortodokse, ai mori pjesë i vetëm në meshën në një katedrale të Kremlinit. Në dhjetor, ai anuloi papritur konferencën e tij vjetore për shtyp dhe sesionin vjetor të pyetjeve dhe përgjigjeve televizive me popullin rus, si dhe fjalimin e tij për gjendjen e kombit në parlament. Kritikët pretendojnë se Putini heziton t’u përgjigjet pyetjeve të vështira për luftën, sepse ai e di se nuk mund të japë përgjigje kuptimplota.
Putini kaloi pjesën më të madhe të pandemisë i izoluar në rezidencat e tij pranë Moskës dhe në Soçi. Vizitorët ishin të detyruar të kalonin nëpër tunele të definfektuara përpara hyrjes dhe zyrtarët u urdhëruan të karantinoheshin deri në 14 ditë përpara se të lejoheshin të takonin presidentin.
Jeta private e Putinit mbetet sekrete. Zyrtarisht, ai është beqar që nga viti 2014 kur u divorcua nga Lyudmila, një ish-stjuardese e Aeroflot. Jozyrtarisht, Putini besohet se është në një marrëdhënie afatgjatë me Alina Kabaeva, një ish-gjimnaste olimpike, e cila u emërua në krye të një kompanie mediatike pro-Kremlinit në vitin 2014. Kabaeva, 39 vjeç, është sanksionuar nga Britania, Bashkimi Evropian dhe Shtetet e Bashkuara. Javën e kaluar ajo e përshkroi televizionin shtetëror rus si një “armë lufte” që ishte e krahasueshme në fuqinë e tij me pushkën e sulmit kallashnikov.
Dy vajzat e rritura të Putinit nga martesa e tij me Lyudmila, Maria Vorontsova, 37 vjeç dhe Katerina Tikhonova, 36, u sanksionuan të dyja nga vendet perëndimore vitin e kaluar. Kremlini kurrë nuk e ka pranuar publikisht marrëdhënien e tyre me Putinin, por SHBA-të thanë se ka prova që ata rreth tyre kanë përfituar nga statusi i tyre. Tikhonova ishte martuar më parë me Kirill Shamalov, një biznesmen, pasuria e të cilit u shumëfishua pasi u bë dhëndër i Putinit në vitin 2013.
Putin gjithashtu besohet se ka tre fëmijë me Kabaevan, por identiteti i tyre nuk është konfirmuar kurrë. Lideri rus besohet gjithashtu të ketë një vajzë adoleshente të quajtur Elizaveta nga një lidhje që ai pati gjatë mandatit të tij të parë me Svetlana Krivonogikh, një ish-pastruese nga Shën Petersburgu. Krivonogikh, e cila u bë jashtëzakonisht e pasur pas marrëdhënies së saj me Putinin, u sanksionua këtë muaj nga Britania.
Ushtar RUSI- Rreth 6,000 fëmijë ukrainas janë mbajtur në vende në Krime dhe Rusi të kontrolluar nga Rusia, sipas një...
Profesori GREQI- Fenomene si ato të regjistruara në Turqi me ndërtesa që bien dhe të tjera që shemben në ...
Kakhovka RUSI- Kryeministrti ukrainas Denys Shmyhal në mbledhjen e sotme të qeverisë deklaroi se forcat ruse vazhdojnë të kullojn&...
Foto ilustruese Shpëtimtarët nga Shoqata e Kosovës për Kërkim dhe Shpëtim njoftuan se kanë arritur që të shp&e...
lufta në Ukrainë UKRAINË- Ukraina ka raportuar se më shumë se 1,000 trupa ruse u vranë vetëm të hënë...
Adnan TURQI- Dima, një nënë e guximshme siriane dhe djali i saj i porsalindur Adnan kanë sfiduar shanset dy herë në nj&e...
Vladimir Putin RUSI- Presidenti rus Vladimir Putin ka deklaruar sot gjatë një takimi me gjyqtarët e arbritrazhit, ushtrisë dhe gjykatav...
Saturni SHBA- Teleskopi Hapësinor Hubble kapi imazhe të një shfaqjeje misterioze në unazat e Saturnit dhe shkencëtarët e...
Nusret TURQI- Kuzhinieri i famshëm Salt Bae ka premtuar të sigurojë 5000 vakte çdo ditë për të ndihmuar në p...
Agresioni rus në Ukrainë UKRAINË- Qeveria britanike ka konfirmuar se një shtetas britanik ka vdekur në Ukrainë. Një...
