"Komisioni Europian na refuzoi 3 herë sepse s’ka qenë dëshira!" Rama në Lezhë: I kemi hequr prangat drejtësisë nga pushteti politik
"Thajeni kënetën duke votuar PS-në!" Rama: Mund të na mundin vetëm me AI, as me "bufin" dhe as me atë që ul&e...
"Thajeni kënetën duke votuar PS-në!" Rama: Mund të na mundin vetëm me AI, as me "bufin" dhe as me atë që ul&e...
Rrjedhja e planit të sulmeve në Jemen, Hillary Clinton: Duhet të jeni duke bërë shaka me mua 25 Mars, 12:32 ...
"Primaret ishin proces hipokrit", Rama: Disa politikanë të djathtë kanë ardhur me ne! Nuk janë socialistë por Shqi...
VIDEO/ Nuk ndalet Manaj në Air Albania, shënon golin e dytë për kombëtaren 24 Mars, 21:06 VIDEO/ Mung...
Vetë autoritetet gjermane ofruan ndihmë që edhe Kosova ta avancojë kontrollin në atë nivel.
KOSOVA- Kur kryeministri i Kosovës bëri të ditur këtë javë se kufizimi ndaj importit të mallrave nga Serbia do të zëvendësohet me kontroll të shtuar në pikën kufitare në Merdare, dhe paralajmëroi instalimin e pajisjeve të skanimit, një pjese të audiencës mund t’i jetë kujtuar një vizitë e Albin Kurtit në Hamburg, këtë vit. Atje, ai u informua në detaje se si Gjermania e ruan sigurinë e vet, duke analizuar secilin mall që i hyn në territor. Vetë autoritetet gjermane ofruan ndihmë që edhe Kosova ta avancojë kontrollin në atë nivel.
Oferta e tyre për skanerë të avancuar pasoi kërkesën ndaj Qeverisë së Kosovës që të hiqte kufizimin ndaj mallrave të Serbisë, me argumentin se po shkelte Marrëveshjen për Tregti të Lirë të Evropës Qendrore (CEFTA), dhe se po rrezikonte pjesëmarrjen në nismat rajonale. Me heqjen e kufizimit në Merdare u zhbllokua puna e CEFTA-s. Masat kufizuese u vendosën në qershor të vitit 2023, pas arrestimit të tre policëve kosovarë nga autoritetet serbe. Zyrtarët policorë u liruan ndërkohë, por masa mbeti në fuqi. Ndonëse qëndroi për më shumë se një vit, autoritetet kosovare nuk dolën asnjëherë me ndonjë raport vlerësues si ka ndikuar masa në nivelin e sigurisë.
“Kosova nuk ka masa tregtare ndaj Serbisë, Kosova ka masa të sigurisë, për shkak se për dy vjet na e kanë sjellë ushtrinë katër herë afër kufirit, dhe për shkak se katër herë kemi konfiskuar sasi të jashtëzakonshme të armatimit”, u ka thënë Kurti mediave.
Këshilltari i tij, Jeton Zulfaj, i ka thënë Radios Evropa e Lirë se Ministria e Financave dhe Dogana e Kosovës do të nisin procedurat e prokurimit për të paktën një skaner, tani për tani, dhe se prioritet është pika e kalimit kufitar në Merdare.
“Është masë shumë e rëndësishme, sepse aty vërehet se çfarë po importohet. Nuk mund të kalohet asgjë pa u vërejtur në skanerë. Është e vështirë, pastaj, që të kontrabandohen armë, siç është bërë në të kaluarën. Ky është qëllimi, rritja e nivelit të sigurisë në mallra”.
Sipas Zulfajt, nga sigurimi i skanerëve tjerë do të varet hapja e pikëkalimeve të tjera për mallrat nga Serbia. Pajisjet e skanimit patjetër se do të jenë të teknologjisë tredimensionale (3D). Nuk dihet ende nëse do të jenë statike apo mobile – për këtë pritet të vendosin doganierët, varësisht prej vlugut të qarkullimit në një pikëkalim.
Skanerët statikë montohen afër kufirit, apo në zonë të caktuar, dhe bëjnë skanim të detajuar të kamionëve të mëdhenj. Më pas, doganierët kanë në kohë reale pamje 3D të brendësisë së produktit dhe brenda kamionit. Çmimi i një skaneri të tillë nuk dihet, por Zulfaj ka thënë se do të përzgjidhen ata që janë të pranueshëm edhe për Bashkimin Evropian. Nuk dihet as sa është buxheti që ka ndarë Kosova për blerjen e tyre.
Zulfaj ka thënë se për këtë do të vendosin zyrtarë të Doganës, pas trajnimeve profesionale që do t’i kenë për përdorimin e tyre. Gjermania veçse ka ofruar ndihmë në aftësimin e tyre. Dogana e Kosovës nuk ka qenë e qasshme me gjithë përpjekjet e Radios Evropa e Lirë për të kuptuar më shumë në këtë drejtim. Kurti dhe zyrtarë tjerë të Kosovës kanë thënë se Gjermania, Shtetet e Bashkuara të Amerikës dhe BE-ja i kanë premtuar ndihmë Kosovës për sigurimin e skanerëve.
Zulfaj ka thënë se autoritetet janë në komunikime të vazhdueshme me Gjermaninë. Drejtori për Komunikime në Ambasadën gjermane në Kosovë, Christian Bottcher, i ka thënë REL-it se vendi i tij është i gatshëm t’i ndihmojë Kosovës, dhe që skanerët mund të sigurohen pas vlerësimit të nevojave dhe në përputhje me rregullat dhe procedurat e prokurimit publik. Drejtori i Qendrës Kosovare për Studime të Sigurisë (QKSS) ka thënë për REL-in se është shumë me rëndësi që Kosova “të ketë kufij të kontrolluar hermetikisht”.
“Siç është parë edhe në incidentin e Banjskës, ka interes që të futen qoftë armë, qoftë individë, të cilët kanë për qëllim destabilizimin e Kosovës”, ka thënë Mentor Vrajolli, duke përmendur edhe nevojën e kontrollimit të rreptë të të gjitha vijave kufitare dhe jo vetëm të pikëkalimeve.
Mungesa e një skaneri, kur ekziston nevoja për kontrolle të detajuara, siç po kryhen tani në Merdare, vërehet lehtësisht. Disa tregtarë u ka thënë mediave se kanë pritur me orë të tëra derisa kanë finalizuar të gjitha procedurat në kufi dhe në Doganë. Vonesa, pastaj, ka efekt zinxhir. Tregtarët në veri të Kosovës kanë thënë se si pasojë e pritjeve dhe distancës mes Merdares dhe dyqaneve të tyre, ata nuk do të kenë shumë leverdi nga mallrat serbe. Tregtarët në jug të Ibrit e kanë mirëpritur heqjen e kufizimit, duke thënë se “tradicionalisht ka kërkesë për mallrat nga Serbia”. Ndër vite, produktet nga Serbia kanë qenë ndër më të shiturat në tregun e Kosovës. Sipas Agjencisë së Statistikave të Kosovës, gjatë vitit 2022, Kosova ka importuar mallra nga Serbia në vlerë prej mbi 372 milionë eurosh, ndërsa në vitin 2023, shifra ka rënë në rreth 199 milionë euro./ REL
Anatoly Antonov SHBA- Vladimir Putin ka lëshuar një dekret për shkarkimin e ambasadorit të Rusisë në Shtetet e Bashkuara, Ana...
foto ilustruese INDI- India ka miratuar planet për të ndërtuar dy nëndetëse sulmuese me energji bërthamore, kanë njoftua...
SHBA- Më shumë se 370 milionë vajza dhe gra, ose një ndër tetë në mbarë botën, kanë përjetuar përd...
pamje nga vendngjarja SHBA- Uragani “Milton” shkaktoi erëra të fuqishme si dhe përmbytje në pjesën më të mad...
lily collins, briggitte macron dhe emanuel macron FRANCË- Seriali shumë i suksesshëm i Netflix "Emily in Paris", me gjithë reagime...
Han Kang SUEDI- Autorja koreano-jugore, Han Kang është nderuar me Çmimin Nobel në Letërsi për vitin 2024 p&...
KOSOVË- Qindra qytetarë dhe aktivistë kanë protestuar të enjten në Mitrovicë të Veriut, kundër arrestimit të...
Foto ilustruese SERBI- Presidenti turk, Rexhep Taip Erdogan ka nisur një tur në rajon, duke ndaluar fillimisht në Tiranë. Të ...
ANGLI- Covid -19 mund të jetë një faktor i fortë rreziku për sulmet në zemër dhe goditjet në tru edhe tre vj...
Foto ilustruese UKRAINA- Presidenti ukrainas, Volodymyr Zelensky, pritet të nisë një turne në kryeqytetet e aleateve evropiane, teksa s...
