Seancë plenare në Kuvend/ PD anulon bojkotin! Peleshi i heq fjalën Berishës: Mu drejto me etikë
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
Incident para Kuvendit! Policia largon me forcë ish-luftëtarët e UÇK-së, Dritan Goxhaj dhe Meçan Zotaj(VIDEO) ...
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
Albin Kurti shkruan se Kosova dhe Ukraina kanë humbur shumë qytetarë për shkak të planeve imperialiste dhe tokëgrabitëse të shteteve fqinje.
PRISHTINË- Kryeministri i Kosovës, Albin Kurti i ka dërguar një letër presidentit ukrainas, Volodymyr Zelenskyy me rastin e 1-vjetorit të rezistencës së Ukrainës ndaj agresionit rus. Në letrën e tij, kryeministri i Kosovës, Kurti shkruan se Kosova dhe Ukraina kanë humbur shumë qytetarë për shkak të planeve imperialiste dhe tokëgrabitëse të shteteve fqinje. Po ashtu në letrën e tij, Kurti tha se si Kosova ashtu edhe Ukrainë, edhe pse shumë larg, kanë një ngjashmëri të dukshme në historitë e tyre. Ndaj dhe i kujtoi rezistencën e Kosovës 23 vite më parë dhe se si 19 shtete demokratike u bënë bashkë për të ndaluar gjenocidin e Serbisë kundër shqiptarëve.
“Këto vlera janë po ashtu në rrezik në rajonin tonë: Aleati kryesor i Rusisë në Ballkan, fqinja jonë veri-verilindore Serbia, mban ende një dëshirë të mbuluar hollë për të minuar sovranitetin tonë dhe për të marrë shtëpitë tona. Prandaj, në një kuptim shumë real, qëllimi juaj është qëllimi ynë; beteja juaj është beteja jonë,"-shkruan Kurti.
Letra e plotë e Kurtit drejtuar Zelenskyy-t:
Në komunikimet e përditshmme në mes përfaqësuesve të shteteve, janë të shumta letrat e urimit që shënojnë jubile të pavarësisë dhe çlirimeve. Por është e rrallë në histori t’i drejtosh një Presidenti një letër urimi në përvjetorin e rezistencës në vazhdim të vendit të tij. Z. President, ju jeni në luftë, një luftë rezistence për Ukrainën, për Evropën dhe për demokracinë. Ju mbani shkallën më të lartë të historisë të së ardhmes dhe sakrificës së popullit. Nuk mund t’ju urojmë më shumë në rrafshin e ndërgjegjes morale dhe politike se ajo që ju po bëni tashmë prej një viti. Ju e keni mishëruar popullin tuaj dhe ndjenjën e tij të lirisë.
Nga zemrat tona ne ju shprehim simpatinë tonë më të thellë dhe empatinë tonë më të sinqertë. Ne jemi dy popuj që kanë humbur shumë nga qytetarët tanë më të mirë për shkak të planeve imperialiste dhe tokëgrabitëse të shteteve fqinje. Edhe pse jemi gjeografikisht të largët, me popuj me madhësi shumë të ndryshme, historitë tona përkatëse të shekullit të shkuar dhe të sotmit, kanë një ngjashmëri të dukshme. Në këtë ngjashmëri historike rrugët tona kryqëzohen. Para 23 vitesh ne bëmë rezistencën tonë dhe NATO na ndihmoi për të mbyllur ciklin gjenocidal të Serbisë. 19 shtete demokratike u bënë bashkë për të ndalur gjenocidin e Serbisë kundër popullit tonë. Tani ju jeni në frontin e një lufte të re që duhet t’i japë fund gjenocidit të Rusisë kundër popullit tuaj, si dhe t’u japë fund përpjekjeve të saj imperialiste për të marrë territorin tuaj. Dhe përsëri demokracitë, shtete anëtare të NATOs, po ju mbështetin ju, ashtu siç na mbështetën ne.
Ju po luftoni për të mbrojtur demokracinë, integritetin territorial, të drejtat dhe liritë e njeriut, të drejtën e një populli dhe sovranitetin e një shteti. Këto vlera janë po ashtu në rrezik në rajonin tonë: Aleati kryesor i Rusisë në Ballkan, fqinja jonë veri-verilindore Serbia, mban ende një dëshirë të mbuluar hollë për të minuar sovranitetin tonë dhe për të marrë shtëpitë tona. Prandaj, në një kuptim shumë real, qëllimi juaj është qëllimi ynë; beteja juaj është beteja jonë.
I nderuar z. President, ju keni mbështetjen e plotë të shtetit dhe popullit të Kosovës. Nga gazetarët ukrainas që kemi strehuar në Kosovë, ne jemi informuar edhe më mirë për realitetin e përditshme në vendin tuaj. Historitë e guximit dhe sakrificës së ushtarëve, përkushtimit të tyre ndaj vendit dhe kauzës, të cilat i kanë mposhtur shanset kundër tyre dhe kanë frymëzuar botën — historitë e qëndrueshmërisë dhe këmbënguljes së njerëzve përballë pushtimit brutal — kanë mobilizuar botën e lirë për t’i bërë ballë agresionit të Rusisë.
I nderuar z. Zelenskyy, me respektin më të lartë për ju dhe popullin ukrainas, ne ju urojmë një fitore vendimtare. Ne do të jemi me ju për rindërtimin e qyteteve tuaja, kthimin e njerëzve tuaj, rehabilitimin mendor dhe fizik të shoqërisë suaj dhe anëtarësimin tuaj sa më të shpejtë në NATO dhe në BE.
Foto ilustruese BJELLORUSI- Në Bjellorusi, të dielën pasdite, tre shpërthime ndodhën në aeroportin ushtarak Machulishchi, e c...
Foto ilustruese Udhëheqësit e Kosovës dhe Serbisë do të qëndrojnë të hënën në Bruksel për t&rsq...
Avokati nga Beogradi Çedomir Stojkoviç, themelues i grupit “Tetori” që lufton kundër ndikimit rus dhe pushtimit hibrid n&e...
Foto ilustruese IRAN- Dhjetëra vajza adoleshente janë helmuar nga zyrtarë të qeverisë iraniane pasi ato refuzuan t'i nënshtro...
Foto ilustruese SHKUP- Partia Alternativa në Maqedoninë e Veriut propozon shumicë komunash shqiptarë në Maqedoni të Veriut, k...
Krateri FRANCË- Një krater meteori pranë një punishteje vere në qytetin jugor të Béziers u zbulua nga studiuesit nga U...
Gabriele dhe Maria De Filippi ITALI- Maria De Filippi shtrëngoi duart me shumë njerëz që u dyndën për t'i dhënë lam...
Foto ilustruese Një masë e ftohtë nga Arktiku ka shkaktuar furtuna në disa shtete amerikane. Madje edhe në Kaliforninë e ngro...
aeroplan ushtarak SHBA- Siguria ajrore ka qenë një shqetësim kryesor në Ukrainë që nga fillimi i sulmit rus dhe për vend...
SHBA SHBA- Një masë e ftohtë nga Arktiku ka shkaktuar furtuna në disa shtete amerikane. Madje edhe në Kaliforninë e ngroht&eu...
