Sulmoi me sende të forta efektivin e policisë në Shkodër, identifikohet autori (EMRI)
25 Mars, 17:45
Godit...
Aktualitet
Rikthim në krye të PD-së? Berisha: Pres çdo rival! Ramën e rrëzojmë me protesta
15 Tetor 2021, 14:24Nga DOSJA
KORÇË– Ish-kryeministri Sali Berisha ka lënë të kuptohet se mund të rikthehet sërish në krye të Partisë Demokratike. Lideri historik i PD-së zgjidhi Korçën, qytetin ku mbajti takimin e tij të nëntë në kuadër të lëvizjes që ka nisur për të deklaruar se pozicionin e tij në këtë parti, do ta vendosë vetëm anëtarësia e Partisë Demokratike. Berisha u shpreh se mirëpret çdo rival me vlerësimin më maksimal për ta. Ai madje akuzoi kreun e PD-së, Lulzim Basha se ishte ai personi që zmbrapste rivalët dhe se në këtë mënyrë ka vepruar me Agron Shehajn, ish-kadidatin për kryetar partie. Shehaj, sipas Berishës, meritonte të ishte në Kryesinë e PD-së, pasi është votuar nga 20% e të gjithë votuesve, pavarësisht se nuk ishte kryetar.
Në takimin ku ishin të pranishëm edhe Gent Strazimiri, Edmond Spaho, Klevis Balliu, Tritan Shehu si dhe deputetja e Partisë Demokratike, Sorina Koti që është edhe nënkryetarja e Komisionit të Ekonomisë, Berisha u bëri thirrje demokratëve që të firmosnin formularin për mbledhjen e Kuvendit Kombëtar. Për të disatën herë, lideri historik i kësaj partie shtoi se kryeministri Edi Rama mund të largohet vetëm me protesta masive dhe jo me aksionet e ‘Opozitës-pupël’, siç e konsideroi ai kryedemokratin Lulzim Basha.
Për këtë të fundit, Berisha tha edhe se ai nuk i ka fituar kurrë zgjedhjet e 25 prillit të këtij viti (2021), pavarësisht se i ka konsideruar masakër zgjedhore. Sipas ish-kryeministrit, Basha nuk u bë dot as lideri i partisë pasi mori vetëm 19% të votave në rang vendi. Basha, sipas liderit historik të PD-së e ka çuar këtë parti në rezultatet më të dobëta që kanë parë ndonjëherë dhe se 74 mandatet e marra nga Partia Socialiste më 25 prill u ‘bënë’ dhuratë’ pasi Basha nuk dinre ta mbronte votën e demokratëve.
I pranishëm në këtë takim, një koleksionist, Gjergji Thimio i bëri thirrje ambasadores së Shteteve të Bashkuara të Amerikës në Tiranë, Yuri Kim dhe kryeprokurorit Olsian Çela që të hapnin hetimet për kryeministrin Edi Rama. Thimio tha Rama ka qenë dënuar për trafik veprash arti në Francë e Gjermani dhe se kjo gjë mund të vërtetohet vetëm duke i marrë shenjat e gishtërinjve, pasi ka ndërruar identitet. Vetë Berisha, pas fjalës të demokratit tha se këto akuza janë bërë edhe nga ish-kryeministri Fatos Nano, por vetë Rama nuk është përgjigjur kurrë.
Deputetja Kota kërkoi që të ishte Berisha ai që t’i jepte drejtim dhe forcë kësaj partie, siç e ka pasur dikur. Pritja në këtë qytet, Berishës iu bë me lule, ovacione dhe këngën e ditëlindjes, duke qenë se sot mbushi 77 vjeç. Prej këtyre surprizave, Berisha e konsideroi këtë ditëlindje, si më të bukurën që kishte pasur në jetën e tij.
Disa ditë më parë, Berisha ishte në Kukës, në kuadër të lëvizjes që ka nisur pas përjashtimit të tij nga grupi parlamentar i Partisë Demokratike me vendim personal të kryedemokratit Lulzim Basha. Berisha u përjashtua më 9 shtator 2021 nga grupi parlamentar i Partisë Demokratike. Basha dhe Berisha kanë hyrë tashmë në një përplasje me njëri-tjetrin ku ish-kryeministri e akuzon për shitje të interesave të PD, përfitime personale dhe bashkëpunim me Edi Ramën. Vetë Berisha kërkon një referendum me 1500 firma për të mbledhur Kuvendin Kombëtar të PD-së dhe për të anuluar vendimin e marrë nga kryedemokrati Basha.
TIRANË- 21 raste të vjedhjes së energjisë elektrike janë evidentuar ditën e sotme në vend. Mësohet se 10 persona janë arrestuar në flagrancë Tiranë, Fier, ...
TIRANË– Ditën e sotme është mbajtur seanca për masën e sigurisë për administratorin e një firme, i cili dyshohet për kontrabandë medikamentesh. Lirmi...
TIRANË- Prodhimi i energjisë elektrike në Shqipëri për periudhën janar-gusht shënoi një rekord gjatë tetë muajve të periudhës janar-gusht të këtij viti dhe...
ITALI– Policia e Napolit ka ndaluar dy persona gjatë një kontrolli rutinë, pasi konstatuan se njëri prej tyre ishte dëbuar nga territori më 6 shkurt të vi...
GREQI– Një sherr mes të burgosurve ka ndodhur në burgun e Nafplio në Greqi! Një shqiptar ka rrahur keq një të burgosur rumun, i cili u arrestua disa javë ...
TIRANË– Gazetari investigativ Artan Hoxha ka bërë ‘bilancin’ e 100 ditëshit të vendosur si ultimatum nga kryeministri Edi Rama për Policinë e Shtetit...
TIRANË– 10 persona kanë humbur jetën në 24 orët e fundit për shkak të Covid-19. Në bilancin e publikuar nga Ministria e Shëndetësisë bëhet me dije se...
TIRANË– Policia Rrugore ka pezulluar 75 leje drejtimi për shpejtësi tej normave, drejtim mjeti në gjendje alkooli si dhe për qarkullim në sens të kundërt g...