Politike

Basha nxjerr listat: Qeveria fshehu vdekjet e Covid19, nga 923 viktima, MSH raportoi 509… Rama i përgjigjet: Spekulime pa asnjë bazë!

FOTO
  • Rama i përgjigjet denoncimit të Bashës: Është shpifje për të përhapur panik dhe shqetësim tek qytetarët
  • Drejtori i morgut:Të vdekurit nga koronavirusi nuk i raportojmë ne por Ministria e Shëndetësisë
  • Lulzim Basha ka akuzuar autoritetet shtetërore, duke thënë se këto të fundit kanë fshehur numrin real të viktimave nga COVID-19. Pas kësaj akuze ka reaguar edhe Kryeministri Rama. Në një intervistë në “Neës 24”, kreu i qeverisë ka deklaruar se denoncimi i Bashës është shpifje për të përhapur panik dhe shqetësim tek qytetarët.
    Featured image of article: Basha nxjerr listat: Qeveria fshehu vdekjet e Covid19, nga 923 viktima, MSH raportoi 509… Rama i përgjigjet: Spekulime pa asnjë bazë! Edi Rama dhe Lulzim Basha

    TIRANË- Kryetari i opozitës, Lulzim Basha ka publikuar dokumente tronditëse ku dhe ka akuzuar autoritetet shtetërore, duke thënë se këto të fundit kanë fshehur numrin real të viktimave nga COVID-19. I ftuar në emisionin “Opinion”, Basha publikoi dy dokument, ku sipas tij rezulton se që nga marsi e deri tani janë 414 raste fatale që janë mbajtur të fshehura. Sipas të dhënave të publikuara nga Basha, autoritetet kanë publikuar gjithsej për periudhën Mars-Tetor 2020, vetëm 509 raste fatale, ndërsa realisht sipas Bashës,  janë 923 viktima nga COVID-19.

    “Kryeministri akoma në detyrë ka bërë politikë me vdekjen duke fshehur shifrat reale të vdekjes. Një dokument tregon vdekjet e raportuara dhe të vërtetuara në morg nga Covidi, informacion i ardhur drejtpërdrejt në institucionet shëndetësore. Informacion i mbërritur tek ne. Ka ardhur një denoncim, i cili është verifikuar sot dhe keni shifrën e vdekjeve të raportuara zyrtarisht deri tani. Janë vetëm e atyre që kanë vdekur në spitale jo në shtëpi. Situata edhe më e rëndë është gjatë muajit nëntor që ende nuk është mbyllur. Në 17 ditët e para të muajit janë raportuar 128 viktima, ndërsa shifrat reale tregojnë se numri i vdekjeve gjatë këtyre ditëve është më shumë se dyfish, plot 315 vdekje. Data 9 nëntor rezulton si më tragjike sa i përket fataliteteve ku ministria e shëndetësisë ka raportuar numrin më të lartë të vdekjeve, 11, ndërsa shifrat reale sipas të dhënave të publikuar nga Basha, janë 26 viktima nga COVID-19.”-tha Basha.

     

    Për më shumë bëhu pjesë e grupit më viral në Facebook, Dosja.al

    Ndërkohë, menjëherë pas kësaj akuze ka reaguar edhe Kryeministri Rama. Në një intervistë në “News 24”, Kreu i qeverisë ka deklaruar se denoncimi i Bashës është shpifje për të përhapur panik dhe shqetësim tek qytetarët.

    Çfarë mund t’i përgjigjesh tani?! D.m.th është pjesë e asaj që thashë, panik, konfuzion, shqetësim, katastrofë. Qeveria nuk deklaron asgjë. Numri i fataliteteve është një numër që pasqyrohet çdo ditë në bazë të kritereve që janë të lidhura me një element të thjeshtë: Të sëmurët nga Covid. Të tjerat janë spekulime, s’kanë asnjë bazë dhe hyn në atë të përditshmen: Shpif, shpif se diçka do mbetet, kall dëshpërim tek njerëzit se diçka do ndezë, ajo që përpiqen këta të ndezë, është se duhet të kuptojnë që pse kanë humbur që nga dita e parë”, tha Rama.

    Sakaq, Ministria e Shëndetësisë ka raportuar se që prej fillimit të pandemisë deri më tani në vendin tonë janë regjistruar 657 viktima dhe 30,623 të infektuar.

    (A.k.dosja.al)

    Shto Koment