Seancë plenare në Kuvend/ PD anulon bojkotin! Peleshi i heq fjalën Berishës: Mu drejto me etikë
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
Incident para Kuvendit! Policia largon me forcë ish-luftëtarët e UÇK-së, Dritan Goxhaj dhe Meçan Zotaj(VIDEO) ...
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
TIRANË– Ndërkohë që maxhoranca është sulur në akuza kundër tij, kryetari i Partisë Demokratike Lulzim Basha vijon me takimet me qytetarët. Këtë herë, Basha është ndalur tek një sipërmarrës të biznesit të vogël i cili për shkak të krizës së rëndë ekonomike nuk paguan dot as kredinë. Artan Murati, pronar i një biznesi familjar u shpreh se xhiroja ditore ka rënë në një minimum ekstrem. Xhiroja e ditës së sotme ishte vetëm 5 mijë lekë të vjetra.
Pjesë nga biseda
Lulzim Basha: Si po të shkojnë punët ?
Artan Murati: Shumë dobët është.
Lulzim Basha: Xhiro ka rënë besoj ?
Artan Murati: Po, ka ra fare ne maksimum.
Lulzim Basha: Si ja del?
Artan Murati: Ashtu duke e shtyrë. Kam marrë një kredi me një fjalë edhe..
Lulzim Basha: Kredi për të mbajt hap dyqanin?!
Artan Murati: Po. Asnjëlloj të ardhure.
As bukën e gojës nuk e nxjerr. Ja sot skam bërë as xhiro asgjë, 5 mijë lekë xhiro ka dyqani.
Lulzim Basha: Kjo është xhiro e vetme ?
Artan Murati: Kjo është xhiro e sotme.
Kryetari i opozitës, z.Basha i tha sipërmarrësve se kjo duhet të ishte periudha kur qeveria duhej ta ndihmonte biznesin shqiptar, ashtu siç qeveria e Kosovës apo qeveritë e tjera të rajonit ndihmuan bizneset e vendit të tyre.
Ndihma e qeverisë shqiptare për të luftuar pasojat e pandemisë, ishte vetëm 1 %e prodhimit të brendshëm bruto, më e ulëta në Europë. Ndërkohë që vëmendja e autoriteteve dhe buxheti i shtetit duhet të ishin në shërbim të qytetarëve dhe bizneseve në nevojë, e gjithë makineria qeveritare është vënë në funksion të propagandës dhe një fushate shpifjeje kundër opozitës.
Kreu demokrat premtoi se qeveria e dalë nga 25 prilli do t’i japë fund kësaj neglizhence dhe shpërdorimi kriminal të resurseve shtetërore, nëpërmjet një plani për ta ndihmuar ekonominë duke filluar me njerëzit e thjeshtë që kanë mbetur pa asnjë të ardhur, atyre që kanë humbur vendet e punës, ndihmë për njerëzit e thjeshtë, ndihmë për biznesin duke filluar nga biznesi i vogël, ndihmë për të gjithë ata që sot kanë nevojë më shumë se kurrë që shteti, paratë e taksave t’i çojë për të ndihmuar ata.
Lulzim Basha: Kjo ishte koha që Shqipëria të ndihmonte njerëzit, shteti të ndihmonte njerëzit në nevojë dhe shumica dërrmuese e bizneseve të vogla që janë në prag falimentimi, kanë muaj që nuk gjenerojnë asnjë fitim. Dolën të dhënat sot që Shqipëria është ekonomia me akreditimin më të ulët nga të gjithë vendet e tjera të Ballkanit. Çfarë gjëje më të rëndësishme mund të bëjë qeveria në një moment të tillë përveçse t’ju vijë në ndihmë ju? Kjo është kryesorja. Edhe në këtë kohë, ajo që po ndodh është e kundërta, paratë e taksave tuaja, paratë që paguani ju, po zhduken në xhepat e një grushti klientësh së qeverisë. Dhe kryeministri merret nga mëngjesi deri në darkë me sulme politike, me shpifje ,me trillime. Këto as ju ndihmojnë ju, as e ndalojnë krizën, vetëm e thellojnë krizën. Prandaj të jesh i sigurt që së bashku do t’i japim fund kësaj. Duhet t’i kthejmë shpresën Shqipërisë. T’i japim një shpresë të re Shqipërisë.
Këtë takim, Basha e ka raportuar edhe përmes një statusi në rrjetet sociale, teksa shkruan se Rama në vend që të merret me gënjeshtra e akuza, duhet të kthejë sytë nga qytetarët, që po falimentojnë.
“Ndërkohë që Rama shpenzon të gjithë kohën duke cicëruar gënjeshtra kundër meje, ekonomia jonë po falimenton. Të dhënat krahasimore nga Fondi Monetar Ndërkombëtar dëshmojnë se Shqipëria është ekonomia më e nënfinancuar e Ballkanit Perëndimor. Për 7 vite rresht Rama e ka shkatërruar ekonominë. Mijëra dyqane dhe njësi shërbimi si biznesi i Artan Muratit po vuajnë rënien e fortë të xhiros. Bizneset e vogla po marrin kredi për të mbaJtur hapur derën. Prej muajsh nuk nxjerrin asnjë fitim. Vendet e punës i kanë shkurtuar. Komunitetet rreth tyre janë varfëruar më shumë. Kanë pritur që qeveria t’i ndihmojë një herë të vetme, siç kanë paguar taksat rregullisht. Por Edi Rama nuk ka kohë për problemet e shqiptarëve që e nxjerrin vetë bukën e familjeve të tyre. Edi Rama nuk ka as para për bizneset që mbajnë me bukë familjet e komuniteteve të tyre. Sepse taksat që mbledh prej tyre, Edi Rama i ndan me miqtë e tij. Kjo është arsyeja pse Rama nuk u jep ndihmë financiare qytetarëve që po vuajnë nga kriza e COVID-it. Ne do ta ndryshojmë këtë gjendje. Ne do të kujdesemi për biznesin, do të kujdesemi për të vetëpunësuarit, do të kujdesemi për të gjithë qytetarët dhe do të japim ndihmë financiare për çdo qytetar. Ne do të sjellim shpresë për Shqipërinë,”- shkruan Basha teksa raporton takimin me sipërmarrësin.
(f.m/dosja.al)
1 vit nga zgjedhjet e 25 prillit si e shikoni gjendjen e vendit:
TIRANË– Këshilltar i Presidentit për Çështjet e Sigurisë Kombëtare, Bahri Shaqiri, disa ditë pasi ka dhënë dorëheqjen nga posti i tij ka zbuluar dh...
TIRANË– Ministrja e Shëndetësisë dhe Mbrojtjes Sociale, Ogerta Manastirliu ishte e pranishme ditën e sotme në Qendra Shëndetësore nr. 4 në Tiranë. Nga atje...
TIRANË– Ish deputeti i Partisë Demokratike, Edi Paloka në një deklaratë për mediat nga selia e PD akuzon Kryeministrin Edi Rama se ka bërë skema dhe mashtr...
TIRANË– Vijon sërish ‘lumi’ i akuzave të kryeministrit Edi Rama kundrejt Lulzim Bashës. Mëngjesin e sotëm, Rama e nisi ditën duke publikuar një video përmb...
TIRANË– Presidenti Ilir Meta ka ripostuar në ‘Facebook’ foton që Ramush Haradinaj ndau me ndjekësit e tij, duke uruar për ditëlindje të ndjerin Luan Haradi...
TIRANË-Ministrja e Arsimit Evis Kushi ka reaguar në lidhje me ndarjen nga jeta të profesoreshës së Ekonomikut, Irena Bogdani. Nëpërmjet një postimi në R...
TIRANË–Kreu i Grupit Paralamentar të PS-së, Taulant Balla në një deklaratë për mediat është shprehur se kryetari i PD-së Lulzim Basha me heshtjen e tij në ...
TIRANË– Kryeministri Edi rama vijon të kërkojë përgjigje nga kryetari i Partisë Demokratike Lulzim Basha, në lidhje me akuzat për fshehjen e provave për ma...
TIRANË– Kryeministri Edi Ram nuk është përgjigjur në lidhje me hetimin e nisur nga SPAK për deputetin Ervin Bushati.Gjatë konferencës me gazetarët pë...
TIRANË– Kryeministri Edi Rama është shprehur se djali i tij Zaho lahet dy herë në ditë me ujin e rrjetit dhe se nuk ka pësuar asgjë. Në një konferencë me g...
