Seancë plenare në Kuvend/ PD anulon bojkotin! Peleshi i heq fjalën Berishës: Mu drejto me etikë
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
Incident para Kuvendit! Policia largon me forcë ish-luftëtarët e UÇK-së, Dritan Goxhaj dhe Meçan Zotaj(VIDEO) ...
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
Tiranë- Studiuesi Aurel Plasari ka treguar së fundmi se edhe media e njohur franceze “Le Monde” nuk është e pavaruar, por në të publikon shkrime për interesa të caktuara. Plasari ka deklaruar se fillimisht në këtë medie u publikua një shkrim, ku prishja e Teatrit Kombëtar cilësohej si një akt barbar, por një javë më vonë nuk mungoi edhe një artikull për prishësit e kësaj ndërtese.
“Isha jo vetëm pa pikë dalldie, por krejt shpërfillës. Më detyruan t’ua shpjegoja miqve atë shpërfillje duke i sqaruar që mund të ishte fjala për një rrëshqitje momenti të “prestigjiozes”, artikull pa kurrfarë pagese, me sa dukej. Ndërsa afërsisht mbas një jave, u premtova, do të lexonin po në atë “prestigjioze” një artikull të prishësit të ndërtesës kulturore me vlera disafish historike. Aty do t’u tregohej francezëve historia me-kokë-poshtë, duke argumentuar vërtetësinë e gënjeshtrave.”, shprehet ai.
Ai thekson më tej se për këtë mediet kanë bërë një libër dy autorë francezë, të cilët kanë nxjerrë në pah të palarat e kësaj medie.
“Libri ishte rezultat i investigimit të dy gazetarëve, të cilët ia nxirrnin në publik të lintat e palara “pretigjiozes”: duke filluar nga lidhjet financiare që ia tjetërsonin gazetës “asnjanësinë” aq të pretenduar, te lobingjet përkundrejt pagesave, te përdorimi i asaj që në Francë quhet “pouvoir d’intimidation” dhe me radhë. Ç’mund të them unë më shumë? Asgjë përveçse të nxis – ndonjë të interesuar – t’ia hedhë një sy këtij libri.”
Reagimi i plotë i Aurel Plasarit:
LE MONDE” NJË MIJË E NJËQIND
Uromëni. Sepse sot kam fituar një bast me katër miq. Fluturonin nga gëzimi kur e përditshmja pariziane “Le Monde”, e paraqitur për lexuesit shqiptarë si “prestigjiozja”, kishte botuar një artikull në të cilin e quante prishjen e Teatrit Kombëtar nga qeveria një akt barbar: “En Albanie, le Théâtre national détruit par le gouvernement, un acte barbare”.
Isha jo vetëm pa pikë dalldie, por krejt shpërfillës. Më detyruan t’ua shpjegoja miqve atë shpërfillje duke i sqaruar që mund të ishte fjala për një rrëshqitje momenti të “prestigjiozes”, artikull pa kurrfarë pagese, me sa dukej. Ndërsa afërsisht mbas një jave, u premtova, do të lexonin po në atë “prestigjioze” një artikull të prishësit të ndërtesës kulturore me vlera disafish historike. Aty do t’u tregohej francezëve historia me-kokë-poshtë, duke argumentuar vërtetësinë e gënjeshtrave.
Çudi e madhe! Si ka mundësi që u desh përpikmërisht një javë sa artikulli me-kokë-poshtë të shfaqej te “prestigjiozja”?
Qysh kur kam pasur rast të bëj të njohur me të përditshmen franceze “Le Monde” e pata mësuar që ajo funksiononte si njëfarë pike referimi e së majtës pariziane, madje më sak e inteligjencies franceze “të haviarit”, siç quhet ajo inteligjencie që, nga njëra anë, qan hallet dhe zavallet e klasës punëtore, ndërsa nga tjetra jeton për vete në luks e në zdërhallë. Hipokrizi e gjallë. E beson kush që nuk u paguaka për shërbime të vyera një e përditshme e tillë?
Pyetjes që bëra nuk ka nevojë t’i përgjigjem unë, sepse në Francë ia kanë dhënë një përgjigje dy autorë, gazetarët Pierre Péan dhe Philippe Cohen, me një libër që tronditi opinionin publik i cili, jo rrallë, edhe i zinte besë me tërë mend “objektivitetit” të së përditshmes pariziane me “prestigjin” e madh. Libri titullohet “La face cachée du Monde” (Fytyra e fshehur e “Le Monde”-it), i botuar më 2003 me një sukses të jashtëzakonshëm: vetëm ditën e parë të daljes 60 000 kopje të shitura, ndërsa më shumë se 200 000 në tërësi.
Libri ishte rezultat i investigimit të dy gazetarëve, të cilët ia nxirrnin në publik të lintat e palara “pretigjiozes”: duke filluar nga lidhjet financiare që ia tjetërsonin gazetës “asnjanësinë” aq të pretenduar, te lobingjet përkundrejt pagesave, te përdorimi i asaj që në Francë quhet “pouvoir d’intimidation” dhe me radhë. Ç’mund të them unë më shumë? Asgjë përveçse të nxis – ndonjë të interesuar – t’ia hedhë një sy këtij libri.
Ja pra se përse e prisja kthesën e “prestigjiozes”, duke e ditur që, për ç’i takon “objektivitetit”, “asnjanësisë” e dokrra kësi lloji, ajo nuk është aspak “e virgjër”. E virgjër në atë kuptim që arvaniti i madh Marko Boçari, në Fjalorthin e tij të ndershëm për konsullin frëng Pouqueville, ia përktheu atij thjesht “e paqirë”. Nuk është e tillë “Le Monde”-i dhe prandaj mban: ku ka vatur mija, le të vejë edhe qindi.
Shkrimet
Shembja e Teatrit Kombëtar ka sjellë reagime të shumta edhe nga ndërkombëtarë. Por në një shkrim të fundit të publikuar nga “Le Monde” Edi Rama shprehet ndër të tjera se çështja e Teatrit shkaktoi zemërimin e opozitës dhe “një ortek lajmesh të rreme”.
J.V/Dosja.al
1 vit nga zgjedhjet e 25 prillit si e shikoni gjendjen e vendit:
Shqipëri- Sot hyjnë në fuqi të gjithë masat lehtësusese për COVID-19. Ministrja e Shëndetësisë, Ogerta Manastirliu ka njoftuar se nga sot nuk do të ketë më asnj...
Tiranë- Dosja.al ju sjell një përmbledhje të portaleve në vend dhe lajmet e tyre kryesore. Dosja.al, Shqiptarja.com, Faxweb.al, Panorama, Abc News kanë në faqe ...
DURRËS- Një sherr mes tre personave ka ndodhur mbrëmjen e sotme në Durrës. Sipas burimeve të Dosja.al bëhet me dije se sherri ka ndodhur në zonën e quajtur...
TIRANË- Rubrika “Shihemi në Gjyq”, në Tv Klan solli ditën e sotme problemin me pronën që ka sjellë debate dhe përçarje të mëdha mes dy familjeve. Me...
TIRANË- Një ngjarje e rëndë është shënuar ditën e djeshme në Vlorë, pasi një 17-vjeçar është goditur nga një fadrom dhe ka gjetur vdekjen. Policia k...
VLORË- Një ngjarje e rëndë është regjistuar sot në fshatin Kuç të Vlorës. Policia e këtij qyteti në një njoftim për mediat bën me dije se është gjet...
TIRANË- Rubrika “Ka një mesazh për ty” në Tv Klan solli ditën e sotme historinë e vështirë të zonjës Edlira. Ajo në studio rrëfeu se pas 5 vitesh martesë, ...
TIRANË- Ministrja e Shëndetësisë, Ogerta Manastirliu, ka njoftuar masat e reja lëhtësuese që do hyjnë në fuqi nesër. Në një postim në Facebook, Manastirliu...
TIRANË- Kompania e pajisjeve industriale nga Fieri, “W. Center”, e cila duket se ka pasur sukses vetëm në tenderat e institucioneve të drejtuara nga Erion ...
TIRANË– Në një kohë që pushimet jashtë vendit janë pothuajse të pamundura këtë vit, shumë qytetarë në mbarë botën duhet të pushojnë në vendin e tyre...
