Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
TIRANË- Kryeministri Edi Rama ka nisur me një falenderim fjalimin para socialistëve në Asamblenë Kombëtare të Partisë Socialiste. Në fjalën e tij, Rama tha se kishin bërë një detyrë të mirë për përgatitjen e Kongresit, i cili i hapi rrugë garës dhe procesit të ri të zgjedhjeve të kryetarëve të degëve.
“Nuk e kam pasur mundësinë më parë, dua t’ju falenderoj të gjithëve për kontributin për realizimin me sukses të Kongresit, në aspektin organizativ për të bërë të mundur që formati i ri të jetë i suksesshëm. Falenderoj ata që u angazhuar për ta bërë një kongres të hapur dhe të gjallë, ku PS u takua me pjesët e shoqërisë që ne u flasim. Nga ana tjetër, Kongresi i hapi rrugë një procesi të ri të PS për të hyrë në zgjedhjet e reja për drejtuesit e Partisë në 61 bashkitë e vendit dhe të gjitha njësitë administrative. Është proces që jep mundësi simpatizantëvce dhe mbështetësve të PS që të përfshihen në zgjedhje. Të gjithë kandidatët apo kandidatet do të kalojnë përmes një rruge që faktikisht përveçse garanton hapjen e partisë dhe siguron meritën në përzgjedhje. Kryesia ka ngritur një Komision të Posaçëm zgjedhor për këtë proces që do të mbyllet në fund të qershorit. Komisioni do të ketë një detyrë të posaçme për të shpjeguar procesin që të mos ketë keqkuptime dhe as të përjashtuar si mungesë informacioni. Në raste që gara nxjerr në pah kandidatë që duhen vlerësuar do të ecim në bashkëdrejtim nga një burrë dhe një vajzë apo grua. Aty ku nuk do të jetë e mundur që partia të bashkëdrejtohet, partia do të ketë një kryetar të vetëm. Nisim me nivel bashkiak njëherë dhe më pas me të parë e me të bërë. Është risi strategjike,”-tha Edi Rama.
FJALA E PLOTË E RAMËS:
Së pari, duke qenë se nuk e kam pasur mundësinë më parë dua që t’ju falenderoj të gjithëve për kontributin e dhënë për realizimin me sukses të Kongresit në aspektin organizativ dhe për të bërë të mundur që formati i ri i Kongresit, ishte një format i suksesshëm dhe këtu dua që të falenderoj në mënyrë të posaçme gjithë ata që u angazhuan në çdo qark për ta bërë Kongresin, një Kongres të hapur, një kongres të gjallë, një kongres ku Partia Socialiste u takua me pjesët e shoqërisë të cilave ne ju flasim dhe për të cilat ne jemi të angazhuar edhe si forcë qeverisëse. Nga ana tjetër, Kongresi i hapi rrugë një procesi të ri dhe shumë të domosdoshëm për Partinë Socialiste, për të hyrë në zgjedhjet e reja për drejtuesit e partisë, fillimisht në të 61 bashkitë e vendit dhe pastaj edhe në të gjitha njësitë administrative. Ky është një proces, i cili i jep mundësi të gjithë anëtarësisë, por i jep mundësi dhe simpatizantëve dhe mbështetësve të Partisë Socialiste që të përfshihen në zgjedhjen e drejtuesve të partisë, qoftë duke propozuar kandidatura edhe pa qenë pjesë e asamblesë së partisë, qoftë duke avancuar kandidaturën vetjake, në funksion të ambicies për ta drejtuar Partinë Socialiste. Nga ana tjetër, procesi do të garantojë që të gjithë kandidatët apo kandidatet për drejtimin e partisë socialiste në çdo bashki, të kalojnë përmes një rruge e cila faktikisht përveç se garanton hapjen e partisë, mundëson vlerësimin e çdo kandidature, garanton konkurrencën për kandidatët dhe në fund siguron meritën për zgjedhjen e tyre. Për këtë arsye, bazuar edhe në vendimin e marrë në librin e rregullave të Partisë, Kryesia ka ngritur një komision të posaçëm zgjedhor për këtë proces i cili do të fillojë menjëherë dhe do të mbyllet në fund të qershorit, për t’i dhënë pastaj mundësi kryesisë që në fillim të korrikut të bëjë miratimin e kandidatëve fitues. Komisioni i këtyre zgjedhjeve, do të ketë një detyrë të posaçme për të prekur të gjithë territorin me përfaqësuesit e vetë për të shpjeguar procesin në mënyrë që të mos ketë as keqkuptime, as të përjashtuar nga ky proces si pasojë e mungesës së informacionit, dhe për të garantuar që të gjithë kandidatët që do të kalojnë fazën e parë, të kenë mundësi të ballafaqohen publikisht përballë një asambleje bashkie e cila duhet të jetë e hapur për këdo që dëshiron të marrë pjesë dhe të ndjekë ballafaqimin e kandidaturave. Pas ballafaqimit të kandidaturave, komisioni do të bëjë vlerësimin e tyre dhe do t’i propozojë kryesisë së partisë të bëjë miratimin përfundimtar të kandidatit/kandidates apo kandidatëve fitues. Pse them kandidatëve fitues? Sepse njëkohësisht ne kemi rënë dakord në Kryesinë e Partisë që kudo ku gara nxjerr në pah kandidatë burrë apo djalë, grua apo vajzë që janë për tu vlerësuar dhe të cilëve duhet dhënë mundësia ta drejtojnë partinë, do të ecim me bashkëdrejtimin e Partisë dhe me një balancë gjinore në drejtimin e Partisë. Siç kemi bërë me organizatat Socialiste në një pjesë të madhe të territorit edhe pse procesi nuk është kryer i gjithi në të gjithë territorin ashtu si duhet, ku drejtimi i organizatës bëhet nga një burrë apo djalë dhe një grua apo vajzë. Të njëjtën gjë do ndjekim edhe në nivelin e bashkisë, por jo në mënyrë të detyrueshme, por duke konsideruar vlerën e kandidaturave. Këtë gjë do ta ketë parasysh komisioni përzgjedhës i kryesisë së partisë dhe do të avancojë propozimet e veta duke u nisur nga merita e kandidatëve. Aty ku nuk do të jetë e mundur për shkak të mos përmbushjes së kritereve të vendosura që të ketë dy drejtues, apo që Partia të bashkëdrejtohet nga një burrë dhe një grua, do vazhdohet me një kandidat të vetëm.
LAJMI KRYESOR: PS mbledh Asamblenë! Miratohet axhenda për zgjedhjet e 2023-it, ndryshohet statuti
(k.m/dosja.al)
Aksidenti i rëndë në Tiranë, si mund të shmangen ngjarje të tilla?
TIRANE– Kryetarja e Lëvizjes Socialiste për Integrim, Monika Kryemadhi deklaroi ditën e sotme gjatë takimit me gjimnazistët, se Ardian Dvorani ka një hist...
TIRANË– Deputeti i Partisë Demokratike, Belind Këlliçi ka reaguar nga selia blu pas kritikave të kryeministri Edi Rama ndaj SPAK. Në një dekla...
TIRANË– Ish-kryeministri Sali Berisha shkruan se sulmet e kryeministrit Edi Rama ndaj Prokurorisë së Posaçme kundër Korrupsionit dhe Krimit të...
TIRANË– Ditën e sotme është bërë publike rregullorja e garës për kreun e Partisë Demokratike. Anëtari i Komisionit të Organizimit dhe Kontrollit të O...
TIRANË– Deputetja e Partisë Demokratike, Albana Vokshi, njëherësh anëtare e Komisionit të Rithemelimit theksoi se procesi i votimit dhe numërimit ish...
TIRANË- Është mbajtur sot Asambleja e Partisë Socialiste ku janë marrë dhe vendime të rëndësishme në lidhje me vazhdimësinë organizative të partisë. A...
TIRANË– Sekretari i Përgjithshëm i Partisë Socialiste, Damian Gjiknuri në një prononcim për mediat pas përfundimit të Asamblesë së PS, u shpreh se që...
TIRANË– Socialistët kanë mbledhur sot Asamblenë Kombëtare të Partisë Socialiste. Por që në mëngjes duhet një kafe, që sot kryeministri Edi Rama ka zg...
TIRANË– Komisioni i Organizimit të Zgjedhjeve në Partinë Demokratike, ka dalë sot në një konferencë për mediat, ku kanë njoftuar ndryshime në rregull...
TIRANË– Aktivistja Evi Kokalari ka kërkuar që gazetari Ylli Rakipi t”ja thotë në sy gjërat që mendon për të. Në një postim në Facebook, ajo Kok...
