Politike

Babani i revoltuar: Padi ndaj Bardhit për shpifje. Sekretari i PD: Po në 27 janar ’96, e mban mend ku ke fjetur?

  • PD nxjerr të dhënat: Mark Babani, i arrestuar për vjedhje makinash në Siçili
  • Gjatë një deklarate për mediet, Babai shprehet se PD bën deklarata të rreme vetëm që të prishë imazhin e tij. Ai thotë se Gazmend Bardhi ka bërë shpifje dhe se ka aktivizuar avokatët.
    Featured image of article: Babani i revoltuar: Padi ndaj Bardhit për shpifje. Sekretari i PD: Po në 27 janar ’96, e mban mend ku ke fjetur? Mark Babani dhe Gazmend Bardhi

    TIRANË- Kryetari i bashkisë së Vaut të Dejës, Mark Babani ka reaguar ndaj akuzave të PD se ka qenë i arrestuar në Itali, dhe se e ka fshehur këtë gjatë  deklarimit në formularin e dekriminalizimit. Gjatë një deklarate për mediet, Babani shprehet se PD bën deklarata të rreme vetëm që të prishë imazhin e tij. Ai thotë se Gazmend Bardhi ka bërë shpifje dhe se ka aktivizuar avokatët për një kallëzim ndaj tij.

    E gjithë kjo histori është e sajuar. Është një histori që nuk ka lidhje me mua. Unë deklarimet i kam pasur shumë të qarta. Ato nëse kanë prova mund të shkojnë në prokurori. Absolutisht nuk ka lidhje me gjurmët e gishtërinjve të mi. Nëse kanë fakte të shkojnë në prokurori. Unë kam autorizuar avokatët e mi, do shoh vendimin e prokurorisë dhe do bëj një denoncim për Gazmend Bardhi për shpifje. As Rama dhe dhe as PS nuk e di se ca kam bërë unë gjithë jetën time”, u shpreh Babani. 

    Nuk ka vonuar as përgjigjia e Bardhit, i cili i është përgjigjur Babanit dhe i ka kujtuar një tjetër datë, që sipas tij, ka lidhje me të shkuarën kriminale të kryebashkiakut të Vaut të Dejës.

    Për më shumë bëhu pjesë e grupit më viral në Facebook, Dosja.al

    “Mark Babaj bën shumë mirë që paska avokatë, se do t’i duhen për të negociuar vitet e burgut për fshehje të faktit që është arrestuar për vjedhje makinash në Siçili më në 4 Prill 1994. Derisa të bëjë gati padinë ndaj meje, të përgjigjet edhe për një fakt tjetër nga jeta e tij nëpër “hotelet” e Italisë. Në datën 24 Janar 1996 në cilin hotel ke bujtur? Nëse për këtë Marq Babaj nuk e ka kujtesën shumë të fortë, do t’ia rifreskojmë në vazhdim. Mirë është që hajduti i makinave të Siçilisë të mos ia qajë hallin Edi Ramës, se atij i duhet avokat për vete. p.s: Kur Marq Babaj të më padisë, të më njoftojë me cilin nga 4-5-6-7 emrat që ka përdorur Mark Babani i Edi Ramës për t’iu fshehur drejtësisë italiane, duhet ta kërkoj në sistemin e gjykatës.”-shprehet Bardhi.

    Partia Demokratike përmes Gazmend Bardhit nxorri sot dokumente që, sipas tyre, faktonin se Babani ka qenë i arrestuar ne Sicili, pjese e një bande qe grabiste makina, dhe se eshte denuar dhe debuar nga shteti fqinj. Partia Demokratike ka nisur  prej ditësh akuzat ndaj Mark Babanit. Vetë kreu i Bashkisë Vau i Dejës, e ka mohuar diçka të tillë, ndërsa Prokuroria ka nisur hetimet.

    (a.m;f.g/dosja.al)

    Shto Koment