Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
Protesta para Parlamentit/ Policia zhvendos protestuesit, pritet të nisë seanca plenare 20 Korrik, 10:32 PD drejt ri...
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Rastet e vdekjeve, të pazbardhura edhe sot e kësaj dite, vazhdojnë të shqetësojnë autoritetet, por edhe miliona fansa në mbarë botën.
SHBA- Duke jetuar në dritat dhe lavdinë e famës, yjet e Hollivudit gjenerojnë interes rreth emrit të tyre, ndërsa nuk janë të paktë ata që janë përfolur shumë edhe pas vdekjes. Disa nga njerëzit më të njohur të serialit kanë ndërruar jetë papritur dhe në mënyrë episodike dhe vdekja e tyre ka mbetur një mister për autoritetet.
Vrasjet pa autorë, zbulimi i substancave në trup dhe raste të tjera pushtuan dhe vazhdojnë të pushtojnë mediat, pasi hetimet rreth këtyre krimeve nuk dhanë fryte. Këto janë disa nga vdekjet më misterioze të të famshëmve.
Brittany Murphy
Ishte dhjetor 2009 kur Brittany Murphy vdiq në moshën 32-vjeçare në rrethana të pashpjegueshme. Aktorja kishte simptoma të ngjashme me gripin për disa ditë dhe fillimisht vdekja e saj u mendua si rezultat i një kombinimi të pneumonisë, anemisë dhe disa ilaçeve në gjak. Megjithatë, 6 muaj më vonë, burri i saj, Simon Monjack vdiq nga i njëjti shkak. Më pas, familja e saj filloi dyshimet dhe babai i saj kërkoi një hetim të pavarur toksikologjik për vdekjen e vajzës së tij, i cili tregoi se në trupin e saj u gjetën metale të rënda. Automatikisht, rezultati i hetimit la të hapur mundësinë që Brittany Murphy të ishte helmuar. Megjithatë, hetimi nuk u rihap kurrë.
Thelma Todd
Në mëngjesin e 16 dhjetorit 1935, një shërbëtore gjeti të vdekur 29-vjeçaren Thelma Todd në makinën e saj në garazhin e shtëpisë së saj. Ylli hollivudian i asaj kohe, ajo ishte e veshur me rroba mbrëmjeje, një fustan dhe bizhuteri të shtrenjta. Mjeku ligjor renditi helmimin me monoksid karboni si shkak të vdekjes dhe ora e vdekjes u caktua në orën 5:00 të mëngjesit të së dielës. Detektivët që kishin marrë përsipër çështjen fillimisht arritën në përfundimin se vdekja e Todd nuk ishte rezultat i ndonjë ngjarje kriminale. Kur shoferi e zbriti në shtëpinë e saj, sipas raportimeve të asaj kohe, ai kishte harruar çelësat e banesës së saj, e ajo nuk hyri dot. Kështu ajo u ngjit në një kodër për në shtëpinë e të dashurit të saj, por ai nuk iu hapi derën. E rraskapitur, ajo priti në makinë deri në agim. Për t'u ngrohur, ndezi motorin dhe ngrohjen. Aktoren e ka zënë gjumi brenda garazhit të mbyllur dhe mendohet se ka ndërruar jetë nga tymrat.
Nga autopsia rezultoi se në trupin e saj nuk kishte shenja dhune, përveç një mavijosje të vogël në buzën e poshtme dhe një dëmtim të lehtë në hundë. Megjithatë, çelësi i shtëpisë së saj u gjet në çantën e saj, duke hedhur poshtë teorinë fillestare të policisë se ajo e kishte mbetur jashtë shtëpisë. gjithashtu, këpucët e saj ishin shumë të pastra për një grua që ishte ngjitur në një kodër me baltë disa orë më parë. Vdekja e saj mbeti mister.
George Reeves
Në vitin 1959, aktori amerikan, George Reeves, më i njohur për rolin kryesor në serialin popullor të viteve 1950 "Superman", u qëllua për vdekje. Ai ishte 45 vjeç kur mori një plumb në kokë gjatë një vizite me partneren e tij në shtëpinë e një shoku. Ishte 16 qershor 1959 kur George Reeves u qëllua dhe u vra. Vdekja e tij mund të jetë cilësuar zyrtarisht si vetëvrasje, por njerëzit pranë tij besonin se ai ishte vrarë.
Shumë më pas u fokusuan tek fakti se e fejuara e tij ishte ish-gruaja e një gangsteri dhe skenarët që ky i fundit vrau Reeves nga xhelozia bënë shumë bujë. Një tjetër teori që qarkulloi ishte se Reeves dhe e fejuara e tij krijuan lidhje thjesht për të përmirësuar imazhin publik të yllit kinematografik, ose se ajo dhe ish-bashkëshorti i saj gangster në fund organizuan vrasjen e "Superman" për interesa financiare. Epilogu i misterit nuk u shkrua kurrë, por në “aktin” e fundit autoritetet lanë të hapur mundësinë e vrasjes, në vend të vetëvrasjes.
Natalie Wood
Mbytja e Natalie Wood bëri bujë dhe tërhoqi më shumë vëmendje se çdo vdekje tjetër në Hollywood. Më 29 nëntor 1981, aktorja ishte në një varkë me bashkëshortin e saj, Robert Wagner, dhe yllin e saj të 'Brainstorm', Christopher Walken. Të tre po udhëtonin për në ishullin Santa Catalina. Aktorja 43-vjeçare u gjet e mbytur me këmishën e natës. Shpjegimi i Wagner për vdekjen e saj ishte se ishte një aksident tragjik.
Vdekja e saj fillimisht u klasifikua si aksident, por nga raporti mjeko-ligjor rezultoi se ajo kishte të nxira në trup dhe alkool. Në vitin 2011 shkaku i saj i vdekjes u ndryshua në "mbytje dhe shkaqe të tjera të paspecifikuara". Në vitin 2018, u zbulua nga autoritetet se pasi dolën prova të reja, bashkëshorti i saj tashmë 88-vjeçar, Robert Wagner, u konsiderua i dyshuar kryesor për vrasjen e saj.
Marilyn Monroe
Në orët e para të 5 gushtit 1962, Marilyn Monroe u gjet e vdekur në dhomën e gjumit të shtëpisë së saj në Los Anxhelos. Trupi i saj i pajetë u gjet i zhveshur dhe ende mbante telefonin me të cilin kishte bërë telefonatën e fundit. Një ekzaminim pas vdekjes më vonë zbuloi se ylli kishte vdekur një natë më parë. Megjithatë, vdekja e saj mbetet e pazbardhur edhe sot e kësaj dite dhe teoritë e konspiracionit që e duan atë të jetë viktimë e vrasjes.
Shumë spekuluan se ylli i dha fund jetës së saj, sepse ajo kishte lidhje me John F. Kennedy dhe vëllain e tij, Robert. Të dy ishin të martuar. Teoritë e konspiracionit që rrethojnë vdekjen e saj vazhdojnë ende sot, 60 vjet pas ditës së saj të fundit. Është karakteristike se shumë dyshuan se Monroe ishte detyruar të merrte pilulat për të mos folur kurrë për dy vëllezërit. Dosjet për të mbeten të vulosura nga CIA.
Tupac Shakur
Vrasja e Tupac Shakur në vitin 1996, për një kohë të gjatë la në "hije" lagjet e Las Vegasit dhe më gjerë. Si mënyra se si vdiq, ashtu edhe mosha e tij e re ishin temat që u gjendën në qendër të interesit mediatik dhe opinionit publik. Reperi u qëllua nga një pasagjer i paidentifikuar në një makinë që po kalonte teksa po dilte nga një ndeshje boksi. Kjo nuk ishte hera e parë që Shakur sulmohej. Ndaj tij pati një tjetër atentat në vitin 1994.
Korrikun e kaluar në dokumentarin "Unsolved: The Murders of Tupac and The Notorious BIG" një burrë i quajtur Keffe D deklaroi se si ishte në makinë me vrasësin e Tupac Shakur, por që atëherë nuk ka pasur asnjë zhvillim të mëtejshëm.
Bob Crane
Ylli i viteve 1960 të "Hogan's Heroes" Bob Crane u gjet i vrarë brutalisht në një hotel në Arizona në vitin 1978. Aktori, bateristi, producenti i radios ishte një nga personalitetet më të njohura në Hollywood në vitet '70. Ai u gjet i vrarë në hotelin ku po qëndronte. Policia e konsideroi armën e vrasjes një trekëmbësh kamerash (tripod), ndërsa në qafë i ishte lidhur një kabllo elektrike.
Fillimisht, hetimi kishte vënë në shënjestër të dashurin e tij të atëhershëm, John Henry Carpenter, të cilin policia e arrestoi si të dyshuar për vrasjen. Kjo sepse makina e tij ishte e mbuluar me njolla gjaku që përputheshin me grupin e gjakut të Kane. Sidoqoftë, në atë kohë, testimi i ADN-së nuk ishte i disponueshëm dhe Carpenter nuk u gjykua kurrë deri në vitin 1992, kur çështja u rihap. Carpenter u shpall i pafajshëm për shkak të provave të pamjaftueshme dhe çështja e vdekjes së Bob Crane mbetet e pazgjidhur edhe sot e kësaj dite.
Bora Zemani dhe Donald Veshaj TIRANË- Donald Veshaj dhe Bora Zemani duket se kudo që shkojnë së bashku marrin vëmendjen e publikut...
Shkëlzen Berisha dhe Armina Mevlani TIRANË- Kur kanë kaluar vetëm disa ditë nga dasma madhështore e Shkëlzen Berishë...
Bora Zemani dhe Donald Veshaj TIRANË- Bora Zemani dhe Donald Veshaj janë padyshim dyshja më e komentuar e momentit. Ata prej muajsh janë...
Foto ilustruese DashiTë lindur më: 21 Mars - 19 PrillMarrëdhëniet romantike me Bricjapin dhe Gaforren janë momentalisht në nj...
Bora Zemani TIRANË- Moderatorja Bora Zemani rrefeu një periudhë të vështirë që i është dashur të kaloj&eu...
Jonida Maliqi dhe Armina Mevlani TIRANË- Mungesa e Jonida Maliqit në dasmën e Armina Mevlanit, ish-ortakes së saj nuk kaloi pa u vë...
Armina Mevlani, Shkëlzen Berisha dhe fëmijët TIRANË- Blogerja e moderatorja Armina Mevlani ka ndarë me ndjekësite saj në...
Bella Hadid PARIS- Bella Hadid u fut thuajse nudo në pasarel, por doli e veshur me një fustan të bardhë, me dekolte të hapur e kr...
Leonardo DiCaprio dhe Gigi Hadid FRANCË- Leonardo DiCaprio dhe Gigi Hadid u panë në të njëjtin hotel në Paris të enjten ...
Arber Hajdari dhe Vlera TIRANË- Arbër Hajdari dhe partnerja e tij Vlera kurorëzojnë historinë disa vjeçare të dashuris...
