Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
ATHINË– Gazetari grek Efthymios Tsiliopoulos ka bërë një shënim lidhur me ndikimin e presidentit turk Recep Tajip Erdogan në Shqipëri. Në artikullin e gjatë të botuar nga mediat greke, analizohet vendimi që kryeministri Edi Rama të marrë mandatin e tretë: afrimin ose largimin nga ndikimi turk. Sipas gazetarit grek, Erdogan përdor investimet ekonomike, fenë islame por edhe komunitetin shqiptar që jeton në Turqi për t’u kthyer në një satelit të Shqipërisë. Qëllimi i tij i vetëm është që të kthehet në sulltanin e ri të vendeve islame në Ballkanin Perëndimor.
ARTIKULLI I PLOTË:
Erdoganit i pëlqen të luajë “sulltanin”. Kjo është arsyeja pse synon vendet e Ballkanit, veçanërisht ato me një popullsi myslimane. Kjo është arsyeja pse Shqipëria ishte në shënjestër kryesore dhe një pre e lehtë për diplomacinë turke, veçanërisht gjatë kryeministrisë së Edi Ramës.
Nën pretekstin e bashkëpunimit kulturor, ai po përpiqet që të përfshijë Shqipërinë në sferën e ndikimin turk, ndërsa përhap axhendën e tij islame. Për këtë qëllim, Turqia ka investuar në infrastrukturë dhe institucione fetare, ndërsa natyrisht nuk dështon të “shesë” bashkëpunimin e afërt dhe mbrojtjen ushtarake. Një vit më parë, Erdogan deklaroi me krenari në një intervistë për “Top Channel” shqiptare se Turqia ka investuar 3 miliardë euro në Shqipëri.
“Unë nuk e di se sa investime kanë ardhur nga BE, por tonat nuk do të ndalen,”-tha ai.
Erdogan ofron investime ekonomike në Shqipëri në mënyrë që të konsolidojë kontrollin politik në vendin tonë fqinj. Por ndërsa Shqipëria shikon nga BE, ajo duhet të jetë e kujdesshme, veçanërisht në një kohë kur imazhi i Turqisë në Evropë nuk është më i miri. Me fjalë të tjera, Rama nuk ka hapësirë për të lejuar Ankaranë të satelitojë vendin e tij. Duhet të theksohet se Turqia është partneri i pestë më i madh tregtar dhe investitori i gjashtë më i madh në Shqipëri.
Investimet dhe ndikimi politik
Shqipëria, si vendet e tjera në Ballkanin Perëndimor, duhet të jetë e vetëdijshme për rreziqet. Perspektivat për rritje ekonomike, prosperitet, liri dhe demokraci të qëndrueshme bazohen në bashkëpunimin e ngushtë me BE, dhe jo në varësinë nga një regjim i pamëshirshëm. Vendet e Ballkanit Perëndimor janë në rrugën e anëtarësimit në BE. Shqipëria do të jetë e para që do të fillojë negociatat e pranimit. Nga ana tjetër, Turqia po rrit përpjekjet e saj për të satelituar veçanërisht Shqipërinë, Kosovën, por edhe Maqedoninë e Veriut. Siç u përmend më lart, përveç financave, ajo “shet mbrojtje” ndaj tyre, por gjithashtu luan edhe kartën e fesë islame. Përveç kësaj, Erdogan përpiqet të përdorë komunitetin shqiptar që jeton në Turqi. Ndërsa investimet turke në Shqipëri bëhen mbi baza ekonomike, ato përdoren gjithashtu për të kultivuar marrëdhënie personale, por edhe si një mjet për të fituar ndikim politik përmes një sistemi klientelë.
Regjimi Erdogan, për më tepër, ka potencialin të ndikojë në vendimet e ndërmarrjeve të mëdha turke. Për të qenë të saktë, ai i sharton investimet e tyre dhe zgjedhjet e tjera me qëllimet e tij politike dhe gjeopolitike.
Përqafimi Rama-Erdogan
Osmoza e botës së biznesit turk me regjimin Erdogan është reciprokisht e dobishme dhe ka marrë një dimension të tillë që disa flasin për një “lloj të ri të klasës politike të biznesit”. Ndërveprimi i biznesit dhe politikës e ka lejuar Erdoganin të lëvizë nga investimi përmes marrëdhënieve institucionale transnacionale në investimin në marrëdhëniet personale me udhëheqësit e vendeve të tjera. Marrëdhënie të tilla në rastin e Shqipërisë pengojnë perspektivën e demokratizimit, sundimin e ligjit dhe përhapjen e një lloji perëndimor të normalitetit. Kjo indirekt, por qartësisht minon çdo përpjekje reforme. Në fund të fundit, sistemi politik në Shqipëri karakterizohet nga një funksion i dobët demokratik dhe polarizim shumë i mprehtë. Në fakt, Shqipëria po përjeton prapambetje përsa i përket standardeve demokratike. Lidhjet Erdogan-Rama kanë
përforcuar ndikimin turk. Ajo që Rama duket se injoron, ose nënvlerëson, është se BE nuk do të pranojë kurrë një vend që është “martuar” me Erdogan. Kryeministri shqiptar i është drejtuar Ankarasë për vite me radhë. Nuk është rastësi që ai ishte i vetmi udhëheqës nga Evropa që mori pjesë në dasmën e vajzës së “sulltanit”.
Prania ushtarake turke
Më 29 korrik 1992, u nënshkrua një marrëveshje Shqipëri-Turqi për bashkëpunimin ushtarak. Marrëveshja përfshinte trajnimin dhe edukimin e personelit, bashkëpunimin në prodhimin e armëve, stërvitje të përbashkëta ushtarake, shkëmbimin e delegacioneve dhe komitetet e përbashkëta për zgjerimin e lidhjeve ushtarake. Një muaj pasi u nënshkrua marrëveshja, një anije luftarake turke lundroi në Durrës për të treguar angazhimin e Turqisë për të “mbrojtur” Shqipërinë. Të dy vendet kanë kryer stërvitje të përbashkëta detare në Adriatik. Turqia ka luajtur një rol në ristrukturimin e ushtrisë shqiptare dhe sigurimin e ndihmës ushtarake. Gjithashtu ka trajnuar oficerë dhe komando shqiptarë.
Marrëveshja bilaterale përfshinte gjithashtu rindërtimin e bazës detare “Pasha Liman” në Vlorë në këmbim të hyrjes dhe përdorimit të marinës turke. Turqia ka një staf të përhershëm prej 20 ushtarësh, i cili herë pas here rritet në 250 persona.
Rënia e sekularizmit
Shumica e popullsisë është myslimane, por pavarësisht ndryshimeve politike. Shqipëria ka qenë një shtet laik që nga themelimi i saj në 1912. Të gjitha regjimet kanë ndjekur një politikë të sekularizimit sistematik, pasi më shumë se 35% e popullsisë është e krishterë. Erdogan është përpjekur të promovojë Islamin në Shqipëri për shumë vite. Në vitin 2015 ai përuroi Xhaminë e Namazgjasë, e cila u financua nga shërbimi turk Diyanet. Kemal Ahmeti, një historian dhe filozof që shkroi esenë “Ruajtja e Kulturës Shqiptare nga Trendet Turke”, argumenton se, menjëherë pas qeverisë shqiptare, Erdogan luan rolin më të fortë në Shqipëri. Ai është gjithashtu i shqetësuar për mungesën e kritikave ndaj Turqisë në mediat shqiptare. Madje sugjeron që të merren masa konkrete për të mbrojtur Shqipërinë nga Salafizmi dhe Erdoganizmi. Të dërguarit e Erdoganit (hoxhallarët, mësuesit, etj.) depërtojnë në partitë politike, shoqatat akademike dhe xhamitë në Shqipëri, Kosovë, Maqedoni dhe shtete të tjera të Ballkanit.
Dilema e Ramës
Shërbëtoria e Ramës ndaj Erdogan arrin nivele të pabesueshme, të cilat u referohen subjekteve të Portës së Lartë gjatë Perandorisë Osmane. Shkollat e ndërtuara dhe financuara nga lëvizja Gulen u mbyllën dhe iu dorëzuan shërbimit shtetëror turk Diyanet. Një ish zyrtar shqiptar i tha Financial Times se Ankara kishte dërguar një listë me qindra mbështetës të dyshuar të Gulenit për deportim. Erdogan gjen terren dhe çfarë do. Nuk kalon një muaj pa një skandal që lidh zyrtarët e qeverisë Rama me krimin e organizuar. Rama e pranon që Shqipëria ka probleme me korrupsionin dhe krimin, por këmbëngul se ai po ndërmerr hapa për t’i luftuar dhe kërkon ndihmë nga BE për ta arritur këtë. Sigurisht, ai nuk e pranon që është pjesë e problemit. Sidoqoftë, mbështetja ndërkombëtare për Ramën është zbehur. Tani është e zakonshme që partia e Ramës është infektuar rëndë nga skandalet e blerjes së votave dhe lidhjet organike me krimin. Sa më shumë të izolohet Rama, aq më e mprehtë bëhet dilema e tij: ose të shkëputet nga Erdogan ose të kapet më shumë me të, që do të thotë satelizim i mëtejshëm i Shqipërisë.
(k.m./dosja.al)
Rama është propozuar për president nga disa deputetë socialiste, mendoni se:
TIRANË- Agron Shehaj, një nga deputetët e Partisë Demokratike, njëherazi një nga emrat më të lakuar për të marrë drejtimin e Partisë, ka dalë kundër kryeta...
TIRANË– Në ambientet e jashtme të selisë demokratike po vijon protesta për dorëheqjen e kryedemokratit Lulzim Basha.Ndërkohë që qytetarët me në krye Ibsen ...
KOSOVË– Ish-deputeti i Kuvendit të Kosovës, Milaim Zeka ka thënë se presidentja Vjosa Osmani dhe kryeministri Albin Kurti para kryeministrit Edi Ramës, jan...
Shkodranët hodhën vetëm 107 mijë vota në zgjedhjet e 25 prillit ose 5 mijë më pak se sa katër vjet më parë, duke shënuar kështu nivelin më të ulët të pjesëmarrj...
Votat e hedhura për kandidatët kanë prodhuar një realitet tjetër politik. Në Tiranë herësi për kandidatët jashtë liste nga e majta është thyer nga Fatmir Xhafaj...
“Ndërhyrjet e presidentit dy ditë para zgjedhjeve kur i shpalli luftë Amerikës e kanë dëmtuar opozitën në këtë proces zgjedhor”. Kështu u shpreh kreu i LZHK-së ...
FUSHË- KRUJË– Kryeministri Edi Rama ishte i pranishëm ditën e some në Fushë-Krujë, aty ku pa nga afër punën që po vijon në pallate. Gjatë ecjes, disa ...
Shkodranët hodhën vetëm 107 mijë vota në zgjedhjet e 25 prillit ose 5 mijë më pak se sa katër vjet më parë, duke shënuar kështu nivelin më të ulët të pjesëmarrj...
TIRANË–Ka përfunduar procesi i numërimit të të gjithave kutive për votat e kandidatëve për deputet në Tiranë.Nga të dhënat e deritanishme, të publikuara ng...
TIRANË– Listat e hapura në zgjedhjet e 25 prillit bënë të mundur që qytetarët të shikonin në kohë reale se kush do futej në Kuvend dhe kush jo. Kështu në P...
