Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
•Pas 6 vitesh është zbardhur vrasja e ish-Drejtorit të OST-së, Saimir Jakut. •Policia ka arrestuar Dorjan Keqin. •Sipas policisë 40-vjeçari nga Kruja kreu vrasjen me pagesë, ndërsa në banesë iu sekuestruan 21 celularë. • Ai u arrestua pranë gjykatës së Shkallës së Parë Lezhë pasi ishte i pranishëm për të ndjekur një proces gjyqësor për drejtimin e makinës pa leje qarkullimi. Keqi është zbuluar nga gjurmët e gishtave që kishte lënë në vendin e ngjarjes. •Pas vrasjes së Saimir Jakut, në fshatin Skuraj u gjet një automjet, i cili dyshohet se ishte përdorur nga autorët e krimit dhe pranë makinës u zbulua bidoni i benzinës. Pikërisht në bidonin e benzinës, u gjet një gjurmë gishti. Provat që janë analizuar në laboratorin e policisë shkencore, kanë rezultuar me të njëjtin profil me të Dorjan Keqit. •Keqi do të hetohet për veprat penale “Vrasja në rrethana të tjera cilësuese”, kryer në bashkëpunim dhe “Prodhimi dhe mbajtja pa leje e armëve luftarake e municionit”. •Porositësit e vrasjes dyshohet të jenë një grup i strukturuar kriminal që vepron në qarkun Lezhë, tashmë të identifikuar dhe nën hetim nga ana e Policisë. • Vrasja e drejtuesit të Operatorit të Shpërndarjes së Energjisë Elektrike Saimir Jakun ndodhi më 6 shtator 2021 nga dy persona, ndërkohë që Gjergj Prenga mbeti në atë kohë i plagosur lehtë.
3 artikuj për këtë temë.
LEZHË- Një kuti shkrepëse e gjetur nga Policia e Lezhës, disa metra larg vendit ku është djegur makina e autorëve të vrasjes së ish-drejtorit të Operatorit të Shpërndarjes së Energjisë Elektrike, Saimir Jaku, ka shërbyer për identifikimin e një prej aurorëve pjesëmarrës në këtë vrasje. Por pikërisht kutia e shkrepëses është ajo që ka zbardhur të gjithë krimin, pasi në të është fokusuar një gjurmë gishti, e cila për 7 vite me radhë është ekzaminuar dhe krahasur me qindra gjurmë të tjera gishti, por nuk i është gjetur "shoqja". Veç sot!
Gazetari Elton Qyno shkruan për "Oranews" se gjurma e gjetur në kutinë e shkrepëses është identifikuar vetëm ditën e djeshme, dhe i përket Dorjan Keqit nga fshati Vinjoll i Krujës. Sipas policisë, Keqi ka vepruar si vrasës me pagesë së bashku me dy persona të tjerë, të cilët ende nuk janë identifikuar ende, por që mendohet se të tre janë paguar nga një grup kriminal që vepron në qytetin e Lezhës. Deri më tani besohet se Keqi është personi që ka lyer makinën me benzinë dhe i ka vënë flakën mjetit. Kutinë e shkrepëses e ka hedhur disa metra më tutje, por është gjendur nga grupi i hetimit të cilët, kanë konstatuar dhe një gjurmë gishti mbi të. Gjurma e gishtit është analizuar gjatë në laborator, por nuk është zbuluar gjurma krahasuese.
Gjatë këtyre viteve, kërkime janë kryer edhe në bazën e të dhënave të gjurmëve, pranë kompanisë së pasaportave “Aleat”, por edhe nga këto kërkime nuk është gjetur asgjë e re lidhur me gjurmën e gishtit. Deri në momentin kur u ndalua Dorjan Keqi nga Kruja. Ky i fundit kërkohej nga Policia si person për tu verifikuar për ngjarjen e Milotit, ku mbeti i vrarë Klisman Preçi dhe u plagos rëndë Ylli Brahimi.
Në momentin e lokalizimit nga policia, Keqi ka qënë duke drejtuar një automjet në gjëndje të dehur. Ai është shoqëruar në Drejtorinë e Qarkut Lezhë, duke u marrë në pyetje për ngjarjen e Milotit, lidhur me vendndodhjen e tij natën e krimit. E gjatë kësaj kohë i janë marre dhe gjurmët e gishtave, të cilat u përputhën menjëherë me ato në sistem. Ndaj Dorjan Keqit është nxjerrë menjëherë urdhri i ndalimit dhe aktualisht ai ndodhet në burg për akuzën e “Vrasjes në rrethana cilësuese” në dëm të Saimir Jakut, “Plagosjes së rëndë me dashje” ndaj Gjergj Prenga dhe “Mbajtjes pa lejë të armëve të zjarrit”. Megjithatë i ndaluari nuk i ka pranuar në asnjë moment akuzat ndaj tij.
LEZHË- Dorjan Keqi, vrasësi me pagesë i arrestuar për ekzekutimin e Saimir Jakut në Rrëshen në 2016, u arrestua pranë gjykatës së Lezhës. Ai ishte aty i pranishëm, pasi kishte një proces gjyqësor për drejtimin e makinës pa leje qarkullimi.
Keqi u arrestua për drejtimin e automjetit në gjendje të dehur dhe në momentin e shoqërimit në komisariat, pasmarrjes së shenjave të gishtërinjve u arrit në përfundimin se ishin të njëjtat gjurmë gishtash të gjetura në makinën e djegur.
TIRANË- Ky është Dorjan Keqi, vrasësi me pagesë nga Kruja i cili ekzekutoi Saimir Jakun në 2016. Policia e Shtetit në bashkëpunim me Prokurorinë e Lezhës kanë treguar se Keqi dyshohet se bën pjesë e një grupi të strukturuar kriminal që vepron në qarkun Lezhë.
Gjatë kontrollit të ushtruar në banesën e Keqit, u gjetën dhe u sekuestruan në cilësinë e provës materiale 21 aparate celulare dhe 6 mbajtëse të kartave SIM. Dorjan Keqi akuzohet për veprat penale "Vrasja në rrethana të tjera cilësuese”, kryer në bashkëpunim dhe "Prodhimi dhe mbajtja pa leje e armëve luftarake e municionit".
Saimir Jaku u vra nga dy persona të maskuar të cilët e qëlluan, ndërkohë që Gjergj Prenga mbeti i plagosur lehtë. Saimir Jaku ishte dhe anëtar i Këshillit Bashkiak si përfaqësues i PS-së. Ai kishte kandiduar edhe për kryetar të Keshillit Bashkiak. Jaku ishte fëmija i 10 binjak me një vëlla tjetër, pas 9 motrave që kishin lindur në familjen Jaku.
