Tentuan të fusnin 61 kg kanabis në Shqipëri të ndarë në katër valixhe/ Vihen në pranga dy kinezë në Rinas, lënda narkotike me THC të lartë u nis nga Tajlanda (PAMJET)

Pamjet

TIRANË- Pamjet nga droga që është kapur ditën e sotme në Rinas janë publikuar. Nga aksioni i Policisë, janë kapur rreth 62 kg kanabis e ndarë në 120 pako me qëllim shitjen në Shqipëri.

Sasia e kanabisit të sekuestruar ishte me përqindje të lartë THC. Ndërkohë materialet procedurale iu referuan Prokurorisë së Tiranës, për veprime të mëtejshme./Dosja.al

droga

TIRANË- Policia ka dhënë detaje nga kapja drogës dhe arrestimi i dy shtetasve kinezë në aeroportin e Rinasit. Blutë bëjnë me dije se droga ishte ndarë në 120 pako me qëllim shitjen në Shqipëri. Gjithashtu sasia e kanabisit me përqindje të lartë THC u sekuestrua me cilësinë e provës materiale. Ndërkohë materialet procedurale iu referuan Prokurorisë së Tiranës, për veprime të mëtejshme.

Njoftimi i Policisë: 

Finalizohet operacioni policor i koduar “Quality”, i zhvilluar nga DVP Tiranë, Policia Kufitare e Rinasit, Njësia e Informacionit për Pasagjerin dhe Drejtoria e Hetimit Doganor. Goditet një rast i trafikimit të kanabisit me përqindje të lartë THC nga Tajlanda në Shqipëri.

Sekuestrohen 61 kilogramë lëndë e dyshuar narkotike Cannabis Sativa, e ndarë në 120 pako. Kapen në Rinas, nga Policia Kufitare, dhe vihen në pranga 2 shtetasit kinezë që trafikuan lëndën narkotike, nga Bangkoku, me qëllim shitjen në Shqipëri.

Në vijim të operacioneve të njëpasnjëshme të zhvilluara nga Policia e Tiranës, me objektiv goditjen e rasteve të trafikimit të lëndës narkotike Cannabis Sativa me përqindje të lartë THC, për shitje në Shqipëri, është goditur një tjetër rast i kësaj veprimtarie kriminale.

Bazuar në informacionet e siguruara nga Njësia e Informacionit për Pasagjerin, Policia Kufitare Rinas, në bashkëpunim me Seksionin e Narkotikëve në DVP Tiranë dhe me Drejtorinë e Hetimit Doganor, organizuan dhe finalizuan operacionin policor “Quality”. Si rezultat i operacionit u arrestuan në flagrancë shtetasit kinezë:
-Y. G., 37 vjeç dhe Ch. J., 48 vjeç.

Këta shtetas u kapën në flagrancë në hyrje në Rinas me 2 valixhe me rreth 61 kilogramë lëndë të dyshuar narkotike Cannabis Sativa me përqindje të lartë THC, që dyshohet se e kanë trafikuar nga Bangkoku, me qëllim shitjen në Shqipëri. Sasi e kanabisit u sekuestrua me cilësinë e provës materiale.

Vijojnë hetime të thelluara për të identifikuar dhe nxjerrë përpara përgjegjësisë penale, shtetas të tjerë që mund të jenë implikuar në këtë rast. Materialet procedurale iu referuan Prokurorisë së Tiranës, për veprime të mëtejshme./Dosja.al

droga

RINAS- Dy persona me origjinë kineze janë vënë në pranga nga Policia Kufitare në Rinas pasi tentuan që të fusnin në Shqipëri 100 kg kanabis, të ndarë në katër valixhe. Bëhet me dije se lënda narkotike ishte nisur nga Tajlanda me tranzit në Emiratet e Bashkuara dhe më pas drejt Shqipërisë.

Pas sinjalizimit, autoritetet e huaja lajmëruan vendin tonë për dy shtetasit kinezë, të cilët u ndaluan dhe arrestuan në Rinas. Më pas rasti është përcjellë te Antidroga e Tiranës për hetime të mëtejshme. Gjithashtu kanabisi ishte me përqindje të lartë THC, duke kapur një vlerë shumë të madhe në treg./Dosja.al