Seancë plenare në Kuvend/ PD anulon bojkotin! Peleshi i heq fjalën Berishës: Mu drejto me etikë
Berisha-Ballës: Rama urdhëroi pengun e tij Mazniku të veprojë në mënyrë të njëanshme për refor...
Berisha-Ballës: Rama urdhëroi pengun e tij Mazniku të veprojë në mënyrë të njëanshme për refor...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
Incident para Kuvendit! Policia largon me forcë ish-luftëtarët e UÇK-së, Dritan Goxhaj dhe Meçan Zotaj(VIDEO) ...
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
Kalaja shkruan se si profesioniste e shëndetit mendor dhe pjesë e strukturave i vjen rëndë të lexojë në media artikuj apo deklarata që përhapin përgjithësime të rënda dhe të pabazuara ndaj figurës së psikologëve që ushtrojnë detyrën në këtë sistem.
TIRANA- Psikologia Suela Kalaja ka bërë një reagim në rrjetet sociale ku ka komentuar një nga çështjet më të përfolura të momentit, atë të takimeve speciale me pagesë në burgjet shqiptare teksa është ndalur konkretisht te mënyra se si është përfolur figura e psikologut në këtë histori. Kalaja shkruan se si profesioniste e shëndetit mendor dhe pjesë e strukturave i vjen rëndë të lexojë në media artikuj apo deklarata që përhapin përgjithësime të rënda dhe të pabazuara ndaj figurës së psikologëve që ushtrojnë detyrën në këtë sistem.
Ajo shton se të flasësh në mënyrë të papërgjegjshme për “psikologe që ushtrojnë prostitucion në burgje” do të thotë të fyesh pa dallim çdo koleg që, përditë, në kushte objektivisht të vështira, ushtron një profesion delikat dhe të lodhshëm, në shërbim të shëndetit mendor dhe rehabilitimit të personave të privuar nga liria.
Psikologia Kalaja shton se raste të izoluara apo devijime individuale (nëse ekzistojnë) nuk mund dhe nuk duhet të përdoren për të njollosur një kategori të tërë profesionistësh. Sipas saj, kjo është e padrejtë, e dëmshme dhe cenon rëndë figurën e një shërbimi që kërkon respekt dhe besim të vazhdueshëm nga shoqëria.
Gjithashtu ajo thotë se media, avokatët dhe çdo zë publik duhet të tregojnë përgjegjësi në komunikim, duke ndarë qartë rastin individual nga figura e profesionistit në tërësi pasi deklarata të tilla, të hedhura në publik pa fakte dhe pa përgjegjësi, nuk cënojnë vetëm profesionistët e shëndetit mendor, por edhe vetë besueshmërinë ndaj institucioneve.
Ky postim i psikologes Kalaja vjen pas një tjetër postimi të bërë dje nga avokati Saimir Vishaj i cili thoshte një nga fenomenet e pikasura në burgjet shqiptare ishte se disa psikologe të punësuara në burgje luajnë rolin e prostitutës përkundrejt pagesës.
Po në postimin e Kalasë nuk ka munguar një koment nga ana e Vishajt i cili thotë se të papërgjegjshme janë ato që kryejnë punë të pista në atë sistem duke i bërë thirrje psikologes që të mos preket kaq shumë nga disa individ,duke filluar nga IEVP Berat sipas tij.
Për këtë nuk ka munguar as replika e psikologes Kalaja e cila thotë se përgjegjësia individuale është një çështje që duhet të trajtohet me mekanizmat ligjorë e disiplinorë. Sipas saj, përgjithësimi publik që dëmton figurën e psikologut si profesion në sistem, është i padrejtë dhe i rrezikshëm për të gjithë si shoqëri.
POSTIMI:
Mjaft me baltosjen publike të figurës së psikologut kësaj here në sistemin penitenciar!!!
Si profesioniste e shëndetit mendor dhe pjesë e strukturave ,më vjen rëndë të lexoj në media artikuj apo deklarata që përhapin përgjithësime të rënda dhe të pabazuara ndaj figurës së psikologëve që ushtrojnë detyrën në këtë sistem.
Të flasësh në mënyrë të papërgjegjshme për “psikologe që ushtrojnë prostitucion në burgje” do të thotë të fyesh pa dallim çdo koleg që, përditë, në kushte objektivisht të vështira, ushtron një profesion delikat dhe të lodhshëm, në shërbim të shëndetit mendor dhe rehabilitimit të personave të privuar nga liria.
Raste të izoluara apo devijime individuale (nëse ekzistojnë) nuk mund dhe nuk duhet të përdoren për të njollosur një kategori të tërë profesionistësh. Kjo është e padrejtë, e dëmshme dhe cenon rëndë figurën e një shërbimi që kërkon respekt dhe besim të vazhdueshëm nga shoqëria.
Media, avokatët dhe çdo zë publik duhet të tregojnë përgjegjësi në komunikim, duke ndarë qartë rastin individual nga figura e profesionistit në tërësi. Deklarata të tilla, të hedhura në publik pa fakte dhe pa përgjegjësi , nuk cënojnë vetëm profesionistët e shëndetit mendor, por edhe vetë besueshmërinë ndaj institucioneve që i mbajnë në funksion.
Si pjesë e këtij sistemi, mund të them me bindje që shumica dërrmuese e kolegëve të mi janë profesionistë jo vetëm të ndershëm, por edhe të përkushtuar (shpesh heronj të heshtur) që punojnë me integritet, duke respektuar rregullat dhe standardet profesionale. Çdo devijim individual trajtohet institucionalisht përmes mekanizmave ligjorë dhe disiplinorë. Për këtë arsye, është më shumë se e domosdoshme që të ndalet njëherë e mirë kjo baltosje publike dhe etiketimi i padrejtë i figurës së psikologut në burgje.
REPLIKA NË KOMENTE:
Saimir Vishaj: Te papergjeqshme jane ato qe kryejne pune te pista ne ate sistem dhe ti mos u prek kaq shume nga disa individ,duke filluar nga IEVP Berat e gjetke.....
Suela Kalaja: Pikërisht për këtë reagova. Sepse përgjegjësia individuale është një çështje që duhet ta trajtohet me mekanizmat ligjorë e disiplinorë. Por përgjithësimi publik që dëmton figurën e psikologut si profesion në sistem, është i padrejtë dhe i rrezikshëm për të gjithë ne si shoqëri.SOS-i i vërtetë është për figurën e profesionistit që po përdhoset pa fakte. Kjo ishte thelbi i qëndrimit tim.
Foto ilustruese TIRANA- Ministria e Mbrojtjes ka shpërndarë një informacion mbi situatën e zjarreve teksa thotë se gjatë...
Magazina VLORA- Një magazinë ku falsifikoheshin etiketat e produkteve ushqimore të skaduara të cilat më pas hidheshin së...
Foto nga vendi i ngjarjes MALLAKSTRA- 30 trupa të ushtrisë i janë bashkuar operacionit për shuarjen e flakëve në Beli...
Renis Dobra DIBRA- Petrit Çakrri dhe Fatjon Bushgjoka, të akuzuar për rrëmbimin dhe mbytjen e 23-vjeçarit Renis Dobr...
Foto ilustruese KORÇA- Një lokal është përfshirë nga flakët gjatë natës në Korçë n&eum...
Foto ilustruese TIRANA- Një 27-vjeçar ka përplasur me automjet për vdekje një 54-vjeçar që po lëvizte me b...
Foto ilustruese TIRANA- Ditën e sotme në vendin tonë vijon depërtimi i masave ajrore të nxehta nga Afrika drejt rajonit t&eum...
Foto ilustruese FIER- Trupi i pajetë i 72-vjeçarit me inicialet M. Sh., është gjetur i dekompozuar në fshatin Sektor Seman ...
Foto nga podcast-i TIRANA- Në episodin e dytë të podcastit “Ma Shqip me Flamur Vezaj”, ish-kreu i Këshillit të Lart&eu...
Foto ilustruese KOSOVA- Igor Popoviç, përfaqësues i Zyrës për Kosovën në Qeverinë e Serbisë, është...
