Seancë plenare në Kuvend/ PD anulon bojkotin! Peleshi i heq fjalën Berishës: Mu drejto me etikë
Berisha-Ballës: Rama urdhëroi pengun e tij Mazniku të veprojë në mënyrë të njëanshme për refor...
Berisha-Ballës: Rama urdhëroi pengun e tij Mazniku të veprojë në mënyrë të njëanshme për refor...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
Incident para Kuvendit! Policia largon me forcë ish-luftëtarët e UÇK-së, Dritan Goxhaj dhe Meçan Zotaj(VIDEO) ...
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
Beleri, u premtonte para dhe euro, banorëve të zonës ku kishte hedhur kandidaturën për të qënë kryetar Bashkie në Himarë.
TIRANË- Kandidati i koalicionit politik “Bashkë Fitojmë”, Fredi Beleri është vënë në pranga pasi dyshohet për shit-blerje vote. Sipas dosjes hetimore, Beleri, u premtonte para dhe euro, banorëve të zonës ku kishte hedhur kandidaturën për të qënë kryetar Bashkie në Himarë.
'Oranews' raporton se Beleri negocionte personalisht marëveshje korruptive, duke u ulur me njerëzit në kafene dhe zyrën e tij elektorale dhe fiksuar çmimet për çdo votë. Në dosjen hetimore thuhet përmes informacioneve të siguruara në rrugë operative, anëtarë të Shtabit Elektoral të kandidatit për kryetar Bashkie në Himarë, Fredi Beleri, blinin vota kundrejt vlerave të ndryshme monetare në lek dhe euro.
Policia e Vlorës ka rënë në kontakt me shtetasin me inicialet A.R, i cili gjatë marjes në pyetje ka pranuar se Fredi Beleri, i kishte kërkuar personalisht blerjen e votave atij dhe grupit shoqëror dhe familjar që përfaqësonte.
Nisur nga kjo situatë, policia ka kërkuar bashkëpunimin e qytetarit A.R, i cili ka pranuar të vihet në shërbim të policisë dhe prokurorisë. Më pas, mes qytetarit A.R është lidhur një marëveshje bashkëpunimi, dhe më pas të gjitha veprimet e tij për kryerjen e përgjimeve ambjentale, janë realizuar përmes autorizimit të firmosur nga prokurorja e çështjes, Matilda Peza.
Sipas dosjes hetimore kandidati për kryetar bashkie në Himarë, Alfred Beleri, mbante kontakte të personalizuara me qytetarin A.R. Beleri dhe A.R, janë takuar së bashku dhe qytetari i ka thënë:
”…kam 13 njerëz në dispozicion për të votuar, por çfarë po ofron…pasi njerëzit kërkojnë diçka se janë në kushte të vështira ekonomike, s’kanë përkrahje”.
Nga tjetër Fredi Beleri, i është shprehur qytetarit A.R, se:
”… më sill listën e emrave t’i shikoj ku votojnë, dhe fillimisht të jap 100 euro…nëse dalim mirë po të jap dhe 300 euro shtesë më vonë…”.
Fredi Beleri dhe A.R, kanë rënë dakord që një votë të blihej kundrejt shumës prej 50 euro. Qytetari i ka vënë Belerit në dispozicion listën prej 13 emra të personave me votim në Himarë, që ishin të gatshëm të votonin për Fredi Belerin, nëse ky i fundit paguante.
Madje gjatë bisedës, Beleri i thotë qytetarit të infiltruar se për të marë porosinë (shumën financiare), do kontaktohej në telefon nga një miku i tij.
E gjitha biseda mes qytetarit A.R dhe kandidatit për kryetar bashkie në Himarë, Fredi Beleri, është përgjuar nga qytetari, i cili ishte i autorizuar nga prokuroria për të kryer këto veprime. Pas ndarjes mes A.R dhe Fredi Belerit, ky i fundit ka telefonuar bashkëpuntorin e tij, Pandeli Kokaveshin, duke i lënë porosi për një takim me një simpatizant.
Një ditë pas këtij takimi, A.R, telefonohet nga një numër, i cili rezulton të jetë Pandeli Kokaveshi, i cili thiret ndryshe si “Pano”.
Ky i fundit i thotë qytetarit: “…jam një miku i Fredit, më tha që t’ju jap një porosi që keni biseduar bashkë…”. A.R dhe Pandeli Kokaveshi, janë takuar së bashku në ambjentet e lokalit “Gelateria” në Himarë.
Sapo këta dy burra janë takuar me njëri-tjetrin, Kokaveshi, i ka marë telefonin A.R, dhe ja ka vendosur në ambientet e banakut të lokalit. Ky veprim është kryer prej tij, pasi i ndruhej një filmimi të mundshëm nga A.R, në momentin kur do i dorëzonte paratë.
Por Pandeli Kokaveshi, nuk ishte në dijeni se veprimet e tij përgjoheshin nga A.R dhe filmoheshin nga distanca nga forcat operacionale të Policisë së Shtetit.
Kokaveshi dhe A.R, bisedojë në një tavolinë të lokalit, ku Kokaveshi i thotë: “…e pashë listën me emra të plotë që na solle,por nga ato 13 persona, unë 5 i kam identifikuar dhe i kam paguar më parë…ndaj që porosia duhet të paguhet për 8 persona të tjerë të listës…”. Qytetari A.R, nuk ka shfaqur kundërshti duke shtuar se “…s’ka asnjë problem…”.
Pandeli Kokaveshi, i ka kërkuar qytetarit A.R, që të zhvendoseshin në ambjent e ëC-së së lokalit, në mënyrë që ti jepte prosinë prej 400 mijë lekë të vjetra, për 8 votat e mbetura nga lista me 13 emra.
Të dy burrat janë ngritur nga tavolina e lokalit dhe njëri pas tjetrit, kanë hyrë në ambientet e ëC-së, ku dhe është bërë dorëzimi i lekëve. Më pas qytetari A.R, ka marë telefonin në banakun e lokalit dhe është larguar. Sasia e 8 copëve kartëmonedhave 5000 lekëshe tashmë është sekuestruar dhe foto që shihet, tregon qartë paratë që janë përdorur për blerjen e votave në Himarë.
Sot, Prokuroria e Vlorës pritet të kërkojë masën e sigurisë ‘arrest me burg’ për kandidatin për bashkinë e Himarës, Fredi Beleri dhe bashkëpunëtorin e tij Pano Kokaveshi. Ndaj tyre prokuroria ka ngritur akuzën për veprën penale të “Korrupsionin aktiv në zgjedhje” kryer në bashkëpunim. Pritet që Beleri dhe Kokaveshi të dalin para gjykatës së Vlorës për t’u njohur me masën e sigurisë, këtë të diel. E pranishme në seancë do të jetë edhe ambasadorja greke në vendin tonë Konstantina Kamitsi. /Dosja.al
policia e Elbasanit ELBASAN- Policia e Elbasanit ka vënë në pranga Ermira Debrova, 46-vjeç, pasi ka mashtruar nëpërmjet rr...
Arvit Bushati SHKODËR- Policia ka kapur në flagrancë duke transportuar me furgon, 50 qese me ushqime, për t’i shpërndarë...
Agim Bakushi KËLCYRË- Një skandal ka ndodhur në zyrat e Bashkisë së Këlcyrës. Punonjëset e Drejtoris&eum...
Policia VLORË- Një 34-vjeçar është arrestuar në Vlorë për trafik të lëndëve narkotike. Më...
Davide Pecorelli ITALI- Seanca për ekstradimin në Shqipëri të Davide Pecorelli do të zhvillohet më 30 maj para gjyqtarëv...
Faqja e pare e Dosja.al TIRANË- "Dosja.al" ju sjell lajmet më të fundit nga portalet në vend. "Dosja.al" ka në faqe të par&eu...
Policia DIBËR-Prokuroria e Dibrës ka reaguar pas denoncimit të Ismail Ukës, kandidat i koalicionit “Bashkë Fitojmë&rdqu...
Shiu TIRANË- Moti do të jetë me kthjellime dhe vranësira mesatare shtresore të pasura nga reshje shiu me intensitet të ul&eum...
Foto ilustruese DIBËR- Të shtëna me armë zjarri në Kllobçishtë të Dibrës. Mesnatën e sotme raportohet s...
Foto ilustruese Sipas investigimit të emisionit ‘Piranjat’, uji i pijshëm i Tiranës përmban substanca toksike, të d&eu...
