Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
Sa i takon biletave që duhet të sigurosh për t’u bërë pjesë e shfaqjes, në faqen online të cirkut vihet re ndarja e publikut në dy zona, ajo jeshile ku çmimi i biletës është 1000 lekë të reja ose 11 euro, dhe zona e kuqe ku bileta kushton 2500 lekë të reja ose 26 euro, por në asnjërën nga zonat nuk ke ulëse të përcaktuar.
TIRANA- Magjia e Cirkut Marina Orfei mbërrin në Tiranë! Përgatituni të hyni në një botë ku gjithçka bëhet e mundur. Këto fjalë shkruhen në hyrje të faqes online të cirkut Italian, fjalë vërtet intriguese që do-s’do, të bindin të jesh edhe ti pjesë e shfaqjes, sidomos kur mëson se cirku Marina Orfei ka një traditë 50-vjeçare në Europë, dhe në shfaqjet e tyre në Tiranë gjatë datave 1-22 dhjetor 2024, do të ketë akrobaci mahnitëse, shfaqje magjike dhe tigra të fuqishëm në skenë. Mirëpo mesa duket jo të gjitha premtimet janë bërë për t’u mbajtur.
Sa i takon biletave që duhet të sigurosh për t’u bërë pjesë e shfaqjes, në faqen online të cirkut vihet re ndarja e publikut në dy zona, ajo jeshile ku çmimi i biletës është 1000 lekë të reja ose 11 euro, dhe zona e kuqe ku bileta kushton 2500 lekë të reja ose 26 euro, por në asnjërën nga zonat nuk ke ulëse të përcaktuar. Piranjat u drejtuam pranë biletarisë fizike dhe aty kuptuan se duhet të paguaje edhe 10% komision për çdo biletë që prenotoje; 2 bileta 2200 lekë të reja. Nëse bëjmë një krahasim me çmimet e biletave të cirkut Marina Orfei në Itali, shohim se atje çmimi nis nga 12 deri në 20 euro maksimumi, ndërsa tek ne, 26 euro.
Biletashitësi na informon gjithashtu se nuk do të ketë kafshë, me pretendimin se shteti Italian nuk lejoi udhëtimin e tyre me target për shkak të motit të keq dhe se ne nuk duhet të çuditëshim, pasi njoftimi ishte bërë që para 3 javësh. Në fakt kjo është gënjeshtër. Sepse emaili në adresë të qytetarëve që kanë blerë biletat online, është dërguar më datë 3 dhjetor 2024. Pra pas 3 ditësh shfaqje pa kafshë, kur prindër e fëmijë kishin blerë bileta për të parë nga afër egërsirat e xhunglës. Një email që duket më shumë i sforcuar për t’u dërguar, sigurisht pas ankesave të qytetarëve kur kanë kuptuar se ardhja e kafshëve duket se ishte thjesht një karrem për të tërhequr publikun. Njoftimi për mungesën e kafshëve vihet re edhe në faqen online të cirkut, por në asnjë rast nuk përmenden tragetet dhe moti i keq, por “procedurat e komplikuara”.
Dhe se çfarë komplikacionesh kishte lidhur me procedurat, asnjë sqarim! Megjithatë, duke qenë se biletat u blemë, të shtyrë edhe nga kureshtja se çfarë do të kishte magjike cirku italian me eksperiencë 50-vjeçare, Piranjat vendosën që ta shohim shfaqjen. Në hyrje të tendës aty ku ishte kontrolli i biletave, u interesuan edhe një herë për arsyen e mungesës së kafshëve dhe vajza e kontrollit tha “Për shkak të procedurave të Bashkimit Europian, sepse kafshët do vinin nga Italia dhe ne e morëm vesh në moment të fundit kur kafshët kishin kaluar doganën e parë të Barit, dhe iu tha se “nëse ju i kaloni kafshët në territorin shqiptar, kafshët nuk mund të kthehen më në Itali sepse duhen procedura që Shqipëria nuk i ka”.
Mesa duket në momentin e fundit diçka nuk ka shkuar mirë. Por a nuk do të ishte më e ndershme që njoftimi të ishte bërë ende pa nisur datat e shfaqjeve? Apo mos ndoshta ashtu duhej lënë, pasi kuptohet, prezenca e kafshëve në cirk tërheq më shumë publik se sa akrobatët apo kllounët. Arsyet se pse nuk erdhën kafshët në Shqipëri mund të jenë të ndryshme, por fakti mbetet. Çmimi i biletës pa kafshë nuk është ndryshuar kur logjikisht duhet të ishte më i ulët se në rastin kur ata do të ishin prezente në arenë. Sidoqoftë, cirku Marina Orfei në emailin e dërguar ku njoftohej mosardhja e kafshëve, sqaronte edhe mundësinë e kthimit të biletës dhe kompesimit të saj.
Po kush është ai prind që ulet me fëmijën e vogël dhe i shpjegon se bileta do kthehet dhe ata do rimbursohen meqenëse nuk ka kafshë, duke i mohuar kështu dhe një argëtim të premtuar që fëmija mezi e pret? Askush nuk e bën. Të gjithë futen brenda për të shijuar shfaqjen e shumëpritur, por pak vështirë për vende. Edhe pse gjatë blerjes së biletave sqarohej se këto të fundit nuk kanë ulëse të përcaktuara, aty ne pamë se shumë vende ishin të rezervuara.
Sipër shtrihej tenda e çpuar dhe shiu që binte pikë pikë mbi kokat tona. Performuesit ishin një trupë amatoreske. Gjithashtu vihej re mungesa e numrave të bukur që duhet të jenë pjesë e cirkut, vendin e tyre e kishte zënë banana dhe kllouni, animatorë që shpesh jemi mësuar t’i shohim në festa ditëlindjesh. Gjithashtu te banaku çmimet e pijeve freskuese apo produkteve të tjera ishin stratosferike. Kupon tatimor nuk merrje dot, printeri ishte i prishur. Shfaqja vijoi me një tub në mes të skenës, dhe performuesja që na risolli në vëmendje Demi Moore në Striptizë…
Cirku, është një bashkim disiplinash që kërkojnë punë dhe impenjim maksimal në kërkim të rezultateve. Ne bashkë me Fiona Rushitin, një akrobate profesioniste, për dy orë me radhë, u munduam të analizojmë performancën e një trupe amatore, e cila vjen dhe e shet mjaft shtrenjtë lëkurën në kryeqytetin tonë. Kjo aspak për dashakeqësi apo xhelozi profesionale.
Por kur ne kemi një shkollë akrobatësh të trashëguar prej dekadash, që për shkak të politikave skandaloze të autoriteteve, tashmë mund të konsiderohet e shkrirë, atëherë pyetja lind: A kanë arsye banorët e kryeqytetit dhe fëmijët e tyre, të ndjekin shfaqje të tilla mediokre, me çmime disa fish më shtrenjtë saç do të ofronte trupa e Cirkut të Tiranës, të cilët pasi i grabitën tokën, i vodhën edhe çadrën?/ Piranajt
Foto nga emisioni TIRANA- Qytetarja Fiti Memoçi, banore e njësisë numër 8 në Tiranë, tregon për emisionin “Stop&...
Foto nga emisioni KUKËS- Nëse përmendim Kukësin, shumë nga ne do ta lidhin historinë e këtij qyteti me një em&...
Foto nga emisioni FIER- Javën e shkuar ju folëm për një grup adoleshentësh dhe mënyrën sesi ata nëpë...
foto nga emisioni TIRANË- Në vitin 2022 Altin Basha u emërua me vendim të Këshillit të Ministrave drejtor i Teatrit Kombë...
Foto nga emisioni TIRANA- Vjollca Faja është drejtuar në redaksinë e emisionit “Stop” në Tv Klan pasi në vitin 20...
Myrteza Hilaj MBRETËRI E BASHKUAR- Një 51-vjeçar shqiptar trafikant i qenieve njerëzore, që përmes një avioni privat i...
foto ilustruese SKOCI- Një burrë është arrestuar pasi dyshohet se ka tentuar të trafikojë 14 emigrantë shqiptarë n&...
ilacet e kontrabanduara TIRANË- Pesë shqiptarë të Kosovës u arrestuan të hënën në aeroportin e Rinasit. Më...
foto ilustruese QAFË THANË- Një aksident ka ndodhur mbrëmjen e sotme në aksin Qafë-Thanë. Mësohet se dy mjete ...
Foto ilustruese TIRANA- Reshjet e shiut ditën e sotme kanë ndikuar në trafikun në rrugët e Tiranës. Prej disa orësh...
