Dita e 51-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdhi fundi!
Dita e 51-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 51-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
Incident para Kuvendit! Policia largon me forcë ish-luftëtarët e UÇK-së, Dritan Goxhaj dhe Meçan Zotaj(VIDEO) ...
• Ditën e sotme nis viti i ri shkollor parauniversitar. • Këtë vit shkollor pritet të nisin klasën e parë vetëm 29 mijë fëmijë. • Numri i nxënësve që nisin klasën e parë është rreth 4% më i ulët se një vit më parë. • Ekspertët e arsimit pohuan se ky numër do të ishte edhe më i ulët nëse Ministria e Arsimit nuk do të kishte ulur kriteret e moshës së pranimit në klasën e parë. • Në këtë vit do të përfshihet në kurrikulat shkollore lënda e Teknologjisë së Informacionit dhe Komunikimit në klasat e para, abetarja e re, si dhe hapja e shkollës së mesme për nxënësit e Institutit të Fëmijëve që nuk dëgjojnë. •Shkolla nis pa asnjë kufizim dhe mësuesit nuk janë të detyruar të vaksinohen. • Në Elbasan dhe Lushnje mësimi do të jetë me turne. Në Fier disa shkolla janë jashtë funksionit ndërsa në Shkodër e në Dibër ka më pak nxënës.
7 artikuj për këtë temë.
TIRANË- Ministrja e Arsimit, Evis Kushi deklaroi ditën e sotme se Qeveria ka përgatitur disa politika të reja për të rinjtë shqiptarë. Këtë ajo e bëri të ditur në Kongresin e Arsimit, aty ku tha se sfida është rritja e cilësisë së arsimit në standardet e BE. Ministrja tha se të rinjtë shqiptarë po largohen jashtë vendit për studime apo punësime, në shtetet ku popullsia po shkon drejt plakjes.
Kushi deklaroi se është bërë ndërkombëtarizimi i universiteteve edhe strukturave europiane ekselence me qëllim rritjen e cilësisë.
'Kongresi i Arsimit përkon dhe me fillimin e vitit të ri shkollor dhe dua ta nis me urim për nxënësit e mësuesit për një vit shkollor të mbarë e të suksesshëm. Arsimi përveç se një e drejtë themelore, është edhe faktori kryesor për zhvillimin ekonomik dhe shoqëror të çdo kombi. Nuk ka asnjë dyshim që për arsimin duhet solidaritet i madh kombëtar. Në kohë sfidash e transformimesh, arsimi duhet të jetë në krye të çdo axhende. Edhe qëllimi i Kongresit është të bëjë bashkë shumë aktorë, përfshirë parauniversitar, të lartë, kërkimin shkencor, pedagogë, mësues e studiues për të nxitur bashkëpunimin për sfidat e të ardhmes për një arsim cilësor drejt BE.
Një tendencë me të cilën po përballet i gjithë rajoni ballkanik, një pjesë e të rinjve largohen nga rajoni për studime apo punësim drejt vendeve perëndimore si është Gjermania por jo vetëm. Vende që duke qenë drejt plakjes së popullsisë, e duke pasur nevoja në rritje në tregun e punës kanë hapur dyert për të rinjtë tanë. Vecanërisht për mjekët infermierët, por edhe profesione të tjera të kohës. Për t’iu përgjigjur kësaj tendence ne kemi bërë ndërkombëtarizimin e universiteteve por edhe struktura europiane ekselence. Qëllimi ynë është të rrisim cilësinë. Një politikë tjetër është përcaktimi i programeve të studimit prioritet kombëtar.
A mjaftojnë këto politika? Të gjithë biem dakord që politikat dhe reformat, sa më të mëdha e të thella të jenë, aq më shumë kohë kërkojnë se rezultatet nuk janë të menjëhershme. Kemi përgatitur disa programe: për programe të përbashkëta të dyfishta me universitete europiane, si dhe qendra kërkimore, me qëllim për t’i dhënë vlerë diplomave tona. Politikë tjetër: bursat e studimit për progamet prioritare, me kushtin që studentët pas studimeve të qëndrojnë në vendin tonë. Besoj që në panelet e kongresit, kjo temë do të ketë diskutim të gjerë.'- u shpreh Kushi.
LUSHNJE- Sot të vegjëlit janë rikthyer në bankat e shkollës. Në Lushnjë këtë vit janë regjistruar në arsimin parauniversitar rreth 8900 nxënës nga të cilët 665 për herë të parë ulen në bankat e klasës së parë. Në bashkinë e Lushnjës janë hapur 46 shkolla së bashku me shkollat vartëse, ndërsa në qytet në tre shkolla do të bëhet mësim me dy turne.
Me dy turne do të bëhet mësimi në shkollat Skënder Libohova, Foto Puka dhe 4 dëshmoret.
Në Fier do të ulen në bankat e shkollës 57.334 nxënës të cilët do të akomodohen në 256 shkolla. Numri i nxënësve në arsimin fillor në ZVAP është 5261, numri i nxënësve në AMU është 4359 dhe numri i fëmijëve në kopshtet pranë shkollave është 939, dhe numri i nxënësve ne total është 12.750. Ndërsa për sa i përket numrit te punonjësve mësimorë është 1150 , numri i shkollave Qendër 52, numri i shkollave vartëse 13, numri i shkollave qendër me shkolla vartëse 9, numri i shkollave SHMB është 3.
Mirëpo ky vit shkollor është hasur në vështirësi. Shkollat që nuk do të hapen për vitin 2022- 2023 janë: Në Patos, shkolla “ Muhamet Shehu” për shkak se ndodhet në rikonstruksion, në Lushnje, shkolla vartëse AF Lekaj do të përqendrohet në shkollën Qendër, në Levan, gjimnazi “ Kutbi Vruzhaj” për shkak të rikonstruksionit, mësimi do te kryhet në godinën e gjimnazit “Janaq Kilica“ në Fier , njëlloj si gjatë vitit të kaluar, ndërsa në Mize të Divjakes për shkak se godina ndodhet jashtë funksionit, mësimi do të zhvillohet në shkollën 9-vjeçare “Koli Sako”.
TIRANË- Kryeministri Edi Rama ishte i pranishëm ditën e sotme në shkollën “Jeronim De Rada” nga ku viti arsimor ka nisur me risinë e kurrikulës TIK në klasat e para me laboratorët smart që janë ngritur edhe në 100 shkolla të tjera në të gjithë vendin. Rama u shpreh se “këto janë 100 laboratorët e parë që instalohen në bashkëpunim me AADF“. Gjatë fjalës së tij, Kryeministri Rama ka shtuar se “sistemi për mësimin e teknologjisë dixhitale do të shtrihet në të gjithë vendin”.
'Kjo është gjenerata tjetër. Janë 100 laboratorët e parë që ne i instalojmë në bashkëpunim me AADF. Ndërkohë kemi programin me Bankën Botërore dhe ndërkohë kemi edhe një plan që të mbështesim edhe ne nga pikëpamja buxhetore, duke bërë që i gjithë ky sistem të përhapet në të gjitha shkollat e vendit në një kohë të arsyeshme. Ajo që është themelore është që t’u japim mundësi më të rriturve që të hyjnë në një fazë të thelluar të kodimit dhe përmes asaj diturie të bëhen të aftë për një treg tjetër. Ne do t’i shtrijmë më tutje të gjitha programet e kodimit në bashkëpunim me sipërmarrjet në mënyrë që të krijojmë një shtresë komplet të re që ka filluar të formësohet, por ne do ta nxisim që brenda periudhe të kemi një numër të konsideruar të rinjsh, të cilët janë të punësuar në një treg komplet tjetër që është tregu i punës online.'- u shpreh Rama.
TIRANË- Dita e parë e vitit të ri shkollor ka sjellë trafik të rënduar në disa zona të kryeqytetit. Sot prindërit kanë vendosur që në ditën e parë të shkollës t’i shoqërojnë fëmijët e tyre me makinë, por kjo ka sjellë paralizimin e qarkullimit në disa zona të Tiranës.
Në hyrje të qytetit, në zonën Kthesa e Kamzës është dashur ndërhyrja e shumë mjeteve policore me qëllim zhbllokimin e trafikut.
TIRANË- Kryeministri Edi Rama ka uruar të vegjëlit për ditën e parë të shkollës. Së bashku me ministren e Arsimit, Evis Kushi dhe atë të Rinisë dhe Sporteve, Bora Muzhaqi ndodhej në shkollën “Jeronim de Rada” për t’i uruar nxënësve të klasës së parë suksese.
Kryeministri kishte edhe një këshillë për vogëlushët.
“Bëni qef dhe punë. Puna është qefi më i madh”, u tha kryeministri me nota humori.
ELBASAN- Viti i ri shkollor në Elbasan ka nisur me mungesë nxënësish. Një shkollë e mbyllur, 3 të bashkuara dhe 2 vartëse. Këtë vit është mbyllur një shkollë në Seltë të Elbasanit, pasi nuk kishte nxënës. Shkollat që janë bashkuar janë ato të: Cerunjës, Berzhitës dhe Petreshit.
Në klasën e parë këtë vit ulen 1100 nxënës, 60-të më pak krahasur me një vit më parë, ndërsa në vitet e para pritet të ulen 890. Kreu i ZVA Elbasan shton se mbyllja dhe bashkimit i shkollave nuk rrezikon mësuesit, pasi ata janë sistemuar tashmë.
Edhe këtë vit në Elbasan në disa shkolla do të zhvillohet mësim me dy turne. Dhjetë shkolla, përkatësisht 2 ne fshat 8 në qytet mësimi do të zhvillohet me turne.
Një nga shkollat problematike që vijon të qendrojë e mbyllur si pasojë e tërmetit të para tre viteve është ajo e Treganit.
VLORË- Sezoni i ri shkollor ka gjetur shkollat në Vlorë me më pak nxënës. Numri i nxënësve këtë vit është 12.300, shumë më pak se vitin e kaluar. Në 2021, shifra ishte 13.962, sipas zyrës arsimore Vlorë, duke bërë që këtë vit të ketë 1662.
Në këtë qark dominon arsimi publik, ku vetëm 15 % arsimit është privat me gjithsej 43 shkolla publike dhe 11 private. 800 janë klasat e para, ndërsa 617 klasat e dhjeta. Tre shkolla në Vlorë funksionojnë me dy turne, përkatësisht: Rilindja, Lef Sallata, Jani Minga.
Për shkollat që kane numër të ulët, po shihet mundësia e krijimit të shkollave të bashkuara, përkatësisht Memo Metaj në fshatin Kuc, Faslli Dano në Llakatund, shkolla e Orikumit, Shaban Demiraj në Vlorë. Në Selenicë janë 14 shkolla qendrore edhe 10 shkolla vartëse.
