5 Tetor 2022, 19:25
Nga k.m.

TIRANË- Këshilli i Ministrave ka vendosur për formimin e Komitetit për Planifikimin Kombëtar Spitalor, i cili do të shërbejë si strukturë këshilluese për Ministrinë e Shëndetësisë. Në vendimin e dhënë ditën e sotme, janë publikuar edhe emrat e 9 mjekëve që do të jenë pjesë e Komitetit të radhës që krijohet nga qeveria e kryeministrit Edi Rama. Pjesë e kësaj strukture për shërbimin spitalor shqiptar do të jenë, Arben Gjata, mjek kirurg, Anila Godo, mjeke pediatre, Kozeta Sevrani, eksperte e ekonomisë dhe menaxhimit, Arben Baboci, mjek kirurg kardiak, Durim Çela, mjek radiolog. Mihal Tase, mjek i brendshëm, Orion Glozheni, mjek obstetër-gjinekolog, Edmond Zaimi, mjek urgjentist dhe Alban Ylli, profesionist i shëndetit publik. Në këtë institucion të ngritur, anëtarët do të kenë një mandat tre vjeçar.
Komiteti për Planifikimin Kombëtar Spitalor mblidhet me kërkesë të ministrit përgjegjës për shëndetësinë dhe kryen këto funksione dhe ka disa detyra: a) Analizon situatën aktuale të shtrirjes së shërbimit spitalor në vend; b) Vlerëson nevojat dhe kapacitetet spitalore kombëtare, bazuar në kriteret territoriale, demografike, socio-ekonomike, barrën e sëmundshmërisë, si edhe në plotësim të kërkesave didaktike dhe shkencore të edukimit mjekësor; c) Paraqet për shqyrtim pranë ministrit Planin Kombëtar Spitalor; etj. Por nuk ka asnjë sqarim se lidhur me ç'parime janë zgjedhur 9 anëtarët e parë.
VENDIMI:
PËR PËRCAKTIMIN E PËRBËRJES DHE TË MËNYRËS SË FUNKSIONIMIT TË KOMITETIT PËR PLANIFIKIMIN KOMBËTAR SPITALOR
Në mbështetje të nenit 100 të Kushtetutës dhe të pikës 5, të nenit 6, të ligjit nr.55/2022, “Për shërbimin spitalor në Republikën e Shqipërisë”, me propozimin e ministrit të Shëndetësisë dhe Mbrojtjes Sociale, Këshilli i Ministrave.
V E N D O S I:
1. Përcaktimin e përbërjes dhe të mënyrës së funksionimit të Komitetit për Planifikimin Kombëtar Spitalor, si organ këshillimor pranë ministrit përgjegjës për shëndetësinë, me 9 anëtarë, si më poshtë vijon:
a) Prof. Arben Gjata, mjek kirurg;
b) Prof. Anila Godo, mjek pediatër;
c) Prof. Dr. Kozeta Sevrani, ekspert i ekonomisë dhe menaxhimit;
d) Prof. Arben Baboci, mjek kirurg kardiak;
e) Prof. Asc. Durim Çela, mjek radiolog;
f) Prof. Mihal Tase, mjek internist;
g) Prof. Dr. Orion Glozheni, mjek obstetër-gjinekolog;
h) Prof. Ass. Edmond Zaimi, mjek urgjentist;
i) Prof. Asc. Alban Ylli, profesionist i shëndetit publik.
2. Anëtarët e Komitetit për Planifikimin Kombëtar Spitalor zgjidhen për një periudhë 3-vjeçare, me të drejtë rizgjedhjeje vetëm një herë.
3. Komiteti për Planifikimin Kombëtar Spitalor, gjatë veprimtarisë së tij, asistohet nga sekretari i këtij komiteti, i cili është një specialist pranë drejtorisë përgjegjëse për politikat dhe menaxhimin e shërbimit spitalor në ministrinë përgjegjëse për shëndetësinë. 4. Kryetari dhe nënkryetari i komitetit zgjidhen nga anëtarët e këtij komiteti në mbledhjen e parë me shumicë votash.
5. Komiteti për Planifikimin Kombëtar Spitalor mblidhet me kërkesë të ministrit përgjegjës për shëndetësinë dhe kryen këto funksione:
a) Analizon situatën aktuale të shtrirjes së shërbimit spitalor në vend;
b) Vlerëson nevojat dhe kapacitetet spitalore kombëtare, bazuar në kriteret territoriale, demografike, socio-ekonomike, barrën e sëmundshmërisë, si edhe në plotësim të kërkesave didaktike dhe shkencore të edukimit mjekësor;
c) Paraqet për shqyrtim pranë ministrit Planin Kombëtar Spitalor;
ç) Jep mendime për çështjet e përcaktuara në nenin 6, të ligjit nr.55/2022, “Për shërbimin spitalor në Republikën e Shqipërisë”, si dhe për çështje të tjera që lidhen me politikat spitalore të kërkuara nga ministri përgjegjës për shëndetësinë.
6. Vendimet e komitetit merren me shumicën e të gjithë anëtarëve të pranishëm në mbledhje.
7. Vendimi nr.403, datë 19.6.2004, i Këshillit të Ministrave, “Për krijimin dhe mënyrën e funksionimit të Komitetit Shtetëror për Planifikimin Spitalor”, shfuqizohet. Ky vendim hyn në fuqi pas botimit në “Fletoren zyrtare”.
K R Y E M I N I S T R I EDI RAMA
Në mungesë dhe me porosi
ZËVENDËSKRYEMINISTRI BELINDA BALLUKU
vkm 5 tetor 2022
Aktualitet
5 Tetor 2022, 19:20
k.m.
Aksidenti në Vlorë
VLORË- Një aksident ka ndodhur në vendin e quajtur rrethrrotullimi i Nartës, ku 55-vjeçari, i ident...
Aktualitet
5 Tetor 2022, 18:33
e.k
Foto ilustruese
VLORË- Një aksident është regjistruar pak minuta më parë në Vlorë. Një 55-vje&cce...
Aktualitet
5 Tetor 2022, 18:32
e.k
Droga e sekuestruar
GREQI- Policia e Selanikut arrestoi 5 shtetas shqiptarë identiteti i të cilëve nuk është bërë i ditu...
Aktualitet
5 Tetor 2022, 17:47
f.m;k.m
Foto Ilustruese
TIRANË- Rikthehen hakerat iranianë! Grupi i hakerave “Homeland Justice” ka puublikuar një dokument në grupi...
Aktualitet
5 Tetor 2022, 17:44
e.k
Spitali Infektiv
TIRANË- Në 24 orët e fundit asnjë qytetar nuk ka humbur jetën nga koronavirusi. Sipas raportit të minis...
Aktualitet
5 Tetor 2022, 17:40
F.M
Erion Veliaj dhe godina
TIRANË- Kulla e “Tirana Multifunctional Center” që ka marrë emrin ‘Mali i Tiranës’ (Mau...
Aktualitet
5 Tetor 2022, 17:14
k.m.
Alket Shatro
TIRANË- Ish-drejtori i Policisë së Elbasanit, i cili aktualisht mban detyrën e shefit të komisariatit Nr. 6 n&...
Aktualitet
5 Tetor 2022, 17:06
e.k
Foto ilustruese
TIRANË- Vlerat e larta të presionit në vend do të vijojnë të ndikojnë në motin e qendrueshëm. ...
Aktualitet
5 Tetor 2022, 16:42
k.m.
Indrit dhe Gentian Beqiraj
TIRANË- Gazetari Elton Qyno u shpreh se polici Flamur Bejko ka kontraktuar 2 vëllezërit, Indrit dhe Gentian Beqi...
Aktualitet
5 Tetor 2022, 16:51
F.M
18-vjeçari i arrestuar
KORÇË- Një 18-vjeçar është vënë në pranga nga policia e Korçës p...