Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Në vitet para pandemisë, shqiptarët udhëtonin kryesisht në grupe të organizuara, me guida dhe itinerarë të ngjeshur. Por, tani, kërkesa ka ndryshuar.
TIRANË- Shqiptarët po e shohin udhëtimin si një mundësi gjithnjë e më të rëndësishme për t’u njohur me botën dhe për të shijuar eksperienca të reja.
Marsel Kalemi, administrator i Kalemi Travel, ka parë nga afër evolucionin e preferencave të udhëtarëve shqiptarë, veçanërisht pas periudhës së pandemisë, kur kërkesat për udhëtime jashtë shtetit janë shtuar ndjeshëm.
Në një intervistë në Podcast-in Monitor “Business Plus” , ai na tregon si kanë ndryshuar preferencat e shqiptarëve në destinacione dhe aktivitete, dhe si ka reaguar agjencia që ai drejton ndaj këtyre kërkesave të reja.
Kalemi tregon që pas pandemisë, udhëtarët shqiptarë kanë pasur një ndryshim të dukshëm në preferenca. “Ka pasur një rritje të konsiderueshme të kërkesave për udhëtime pas pandemisë, sepse njerëzit e kuptuan që izolimi nuk u pëlqeu,” shpjegon ai. Shqiptarët tani janë më të orientuar drejt destinacioneve të ndryshme dhe aktiviteteve që shkojnë përtej pushimeve të thjeshta.
Në vitet para pandemisë, shqiptarët udhëtonin kryesisht në grupe të organizuara, me guida dhe itinerarë të ngjeshur. Por, tani, kërkesa ka ndryshuar. Kalemi thekson se shqiptarët kanë fituar një nivel më të lartë të informacionit dhe të organizimit, duke kërkuar më shumë mundësi për udhëtime individuale.
“Tashmë, janë më të pavarur në udhëtimet e tyre, duke zgjedhur të udhëtojnë me paketë individuale që përfshin biletat e avionëve dhe hotelet, dhe kjo mundëson një fleksibilitet të madh,” thotë ai.
Gjithashtu, kërkesat janë më të larmishme. Përveç pushimeve të zakonshme, shqiptarët kërkojnë gjithnjë e më shumë aktivitete të tjera.
“Njerëzit po kërkojnë mundësi për të marrë pjesë në aktivitete kulturore, si festivale, koncerte dhe ngjarje sportive, duke përfshirë edhe koncerte të njohura si Andrea Bocelli në Budapest,” thotë Kalemi.
Kjo është një tendencë e re që nuk ishte kaq e përhapur më parë, e cila tregon se shqiptarët janë të gatshëm të shpenzojnë për përvoja më të pasura dhe më aktive.
Destinacionet më popullore dhe tendencat e reja
Italia ka mbetur një nga destinacionet kryesore për shqiptarët për shumë arsye: afërsia gjeografike, lidhjet kulturore, dhe mundësia për të vizituar shumë qytete dhe vende historike.
“Italia vazhdon të jetë një destinacion i preferuar, jo vetëm për shkak të afërsisë, por edhe për kulturën dhe mundësitë e shumta që ofron,” thotë Kalemi. Ndër qytetet më të vizituara janë Roma, Milano, dhe Napoli, të cilat vazhdojnë të tërheqin shqiptarët për shkak të historisë, kulturës dhe mundësive të tjera për turizëm.
Megjithatë, Kalemi vërejt që tani po shfaqen edhe interesa për destinacione që nuk ishin të njohura më parë për udhëtarët shqiptarë.
“Një nga këto destinacione të reja është Japonia, që ka filluar të bëhet gjithnjë e më popullore mes shqiptarëve dhe që pritet tua kalojë destinacioneve ekzotike që ishin shumë të kërkuara pas Covid-19”.
Një paketë udhëtimi për në Japoninë mesatarisht kushton rreth 2,000 euro për person, por kjo mund të variojë në varësi të periudhës së vitit dhe kushteve të paketës. Ky destinacion është tërhequr për shkak të kulturës unike, teknologjisë së avancuar, dhe mundësisë për të përjetuar një eksperiencë krejtësisht të ndryshme nga Europa.
Një tjetër destinacion që ka shfaqur rritje të kërkesës janë Maldivet.
“Gjatë pandemisë, Maldivet ishin një destinacion i hapur dhe shumë shqiptarë e shfrytëzuan mundësinë për të udhëtuar aty,” shton Kalemi.
Po ashtu, destinacione tropikale si Bali, Zanzibar, Phuket dhe Punta Cana kanë shënuar rritje të ndjeshme të kërkesave, dhe tani po tërheqin më shumë shqiptarë, të cilët kërkojnë plazhe ekzotike dhe një eksperiencë të pasur kulturore.
Tendencat e shpenzimeve, rritja e buxhetit për udhëtime, deri në 100,000 euro në vit
Një nga tendencat më të dukshme në turizëm është rritja e shpenzimeve për udhëtime. “Shqiptarët po shpenzojnë më shumë për udhëtime se kurrë më parë. Kemi një grup të caktuar që arrin të shpenzojë deri në 100,000 euro në vit për udhëtime,” tregon Kalemi.
Ai shpjegon se shumë udhëtarë janë më të gatshëm të shpenzojnë për eksperienca të reja dhe për të udhëtuar në destinacione më të largëta. Kjo ka ndikuar edhe në zgjedhjet e destinacioneve, pasi më shumë shqiptarë janë duke udhëtuar në Azinë Lindore dhe në destinacione ekzotike që ofrojnë një përvojë të veçantë.
Po ashtu, ai tregon se mesatarisht, për një udhëtim të dy personave, shqiptarët shpenzojnë rreth 1,350 euro në vitin 2024, një rritje e dukshme në krahasim me vitin 2018, ku kjo shifër ishte 630 euro. Ndryshimi i madh ka të bëjë me rritjen e mundësive për udhëtime me buxhet më të ulët, si rezultat i operatorëve që ofrojnë çmime më të mira dhe mundësi fleksibile për blerjen e biletave.
Në fund, Kalemi thekson se udhëtimi për shqiptarët nuk është më një thjesht një mundësi për pushim. “Tani duan të eksplorojnë, të shijojnë dhe të përjetojnë kultura të ndryshme. Ata janë të gatshëm të investojnë për përvoja që do t’i mbajnë mend gjatë,” përfundon ai./MONITOR
Foto ilustruese TIRANË- Kompania Integrated Energy BV SPV që ka në menaxhim inceneratorin e Tiranës, që është edhe n&eum...
foto ilustruese TIRANË- Revolucioni teknologjik kërkon që forca punëtore mbi moshën e shkollimit, duhet të trajnohet dhe...
foto ilustruese TIRANË- Për javën që sapo nisi vendi ynë do të ndikohet nga kushte atmosferike relativisht të q&eum...
TIRANË- Në Shqipëri numërohen rreth 6800 persona para dhe tetraplegjikë, të cilët kanë vështirësi në l&...
Aksidenti KOSOVË- Një aksident i rëndë ka ndodhur në aksin rrugor Mitrovicë-Pejë, konkretisht në fshatin Çub...
Foto Ilustruese TIRANË- Detaje të reja kanë dalë nga plagosja pasditen e sotme në Orikum. Mësohet se 29-vje&cc...
Rogers Cena LONDËR- Një 19-vjeçar shqiptar është shpallur i zhdukur në Angli. Policia londineze me anë të një...
Afganet TIRANË- Agjensia e lajmeve Reuters i ka kushtuar një artikull urdhërit të Presidentit Donald Trump për të pezulluar d...
Foto Ilustruese ORIKUM- Detaje të reja kanë dalë nga plagosja e sotme në Orikum. Mësohet se 29-vjeçari Sildi Vela...
Foto nga ngjarja ELBASAN- Një zjarr ka rënë brenda ambienteve të Drejtorisë së Policisë së Elbasanit pasd...
