Tritol mobilierisë në Fushë Krujë, ka dëme të mëdha, xhama e copa kudo! Shpëtojnë familjarët, qytetarët dalin në rrugë të tmerruar

Pamje nga mobileria

FUSHË KRUJË- Zbulohet pronari i mobilerisë që iu vu tritol mbrëmjen e sotme në Fushë Krujë. Mbrëmjen e sotme, një sasi e konsiderueshme tritoli i është vënë një mobilierie në pronësi të Bujar Caraci, banor i zonës, i cili ia kishte dhënë me qera një personi tjetër të identifikuar vetëm me inicialet B.Ç.

Pamje nga mobileria

FUSHË KRUJË- Një sasi e vogël lëndë plasëse ka shpërthyer mbrëmjen e sotme në një mobilieri në Arrameras të Fushë-Krujës. Sipas Policisë së Shtetit, nga ngjarja ka pasur vetëm dëme materiale, por fatmirësisht nuk ka pasur të lënduar në njerëz. Megjithatë Policia ka nisur punën për të kapur autorin.

NJOFTIMI I PLOTË:

Fushë Krujë/Informacion paraprak

Rreth orës 20:40, në aksin rrugor kryesor “Fushë Krujë-Tiranë”, në fshatin Arrameras, në ambientet e jashtme të një ndërtese (mobileri) të marrë me qira nga shtetasi D. C., banues në fshatin Larushk, Fushë Krujë, ka shpërthyer një sasi lënde plasëse, duke shkaktuar dëme të shumta materiale.

Menjëherë në vendngjarje kanë shkuar shërbimet e Policisë të cilat vijojnë kontrollet në zonë, për kapjen e autorit/ëve. Në vendngjarje ndodhen drejtuesit vendorë të Policisë dhe grupi hetimor dhe në drejtimin e Prokurorisë, vijon puna për zbardhjen e plotë të rrethanave të ngjarjes, identifikimin e kapjen e autorit/ëve.

Pamje nga shpërthimi

FUSHË KRUJË- Një shpërthim i fuqishëm tritoli është regjistruar në periferi të Fushë-Krujës në aksin Fushë Krujë-Tiranë. Dosja.al ka kapur pamjet e para nga vendi i ngjarjes, ku bie në sy se kudo kishte xhama nga shpërthimi në godinë. I gjithë biznesi është shkatërruar thuajse tërësisht, por fatmirësisht nuk ka të lënduar në njerëz.