Seancë plenare në Kuvend/ PD anulon bojkotin! Peleshi i heq fjalën Berishës: Mu drejto me etikë
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
Incident para Kuvendit! Policia largon me forcë ish-luftëtarët e UÇK-së, Dritan Goxhaj dhe Meçan Zotaj(VIDEO) ...
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
Kompozitori i mirënjohur tregon nga studioja e tij në Elbasan, qytetin ku jeton prej 8 vitesh, se “Mora fjalë” lindi në vitin 2000, si kërkesë e rapsodit Kosovar Qazim Beka.
TIRANË- Kënga “Mora fjalë” është kthyer së fundmi në një himn për tifozët, por edhe vetë lojtarët e Kombëtares kuqezi. Melodia që çon peshë mijëra zemra në stadium e përtej tij, i vishet vargjeve për heroin legjendar Adem Jashari. Shumëkush i shqipton me gjoksin plot, por jo aq dinë që krijuesi i tyre është Naim Gjoshi.
Kompozitori i mirënjohur tregon nga studioja e tij në Elbasan, qytetin ku jeton prej 8 vitesh, se “Mora fjalë” lindi në vitin 2000, si kërkesë e rapsodit Kosovar Qazim Beka.
“Mua më janë dashur dy javë të meditoj për heroin. Ishte në 3 vjetorin e rënies së tij”.
Një vit më vonë në një takim me rapsodin Beka në Kosovë, kompozitori Gjoshi ka dëgjuar rastësisht në ambientin ku ishte këngën e tij nga zëri i Shkurte Fejzës.
“I them unë, po kjo, nga doli këtu. Tha që ia kam dhënë vetë. I thashë, si ia dhe pa të drejtën e autorit, pa më pyetur mua. Ashtu erdhi, tha. Me Shkurten, kënga u ngrit në pjedestal. Shkurta e solli këngën deri këtu ku ka ardhur. Tani e dinë gjithë shqiptarët”, rrëfen kompozitori për kameran e A2 CNN.
Frymëzimin për krijimin e një kënge monument për legjendarin Adem Jashari e ka gjetur atje, tek kulla e Jasharjave në Prekaz.
“Atje kam parë edhe kullën, edhe portretin e Adem Jasharit. Adem Jashari ka një portret të një malësori kreshik. Mua më kujton eposin e kreshnikëve, Mujin dhe Halilin. Portet legjendari. Atë doja të përshkruaja në vargjet që kam bërë. Aty kam thirrur “Mora fjalë…” dhe eci kënga vetë. Për një orë e kam mbaruar”.
Por çfarë ndjen Naim Gjoshi teksa dëgjon krijesën e tij të këndohej njëzëri nga mijëra tifozëve?
“Unë kam ndjerë shumë emocion. Emocioni i parë ishte fitorja e Shqipërisë me Poloninë. Por në fund fare, kur nisi stadiumi dhe vetë futbollistët ta këndojnë, unë sigurisht që jam krenar. Unë isha aty, isha në stadium, pavarësisht se e shikoja nga shtëpia. Isha tifozi më i madh aty”, shprehet Naimi.
Gjoshi ka një bindje se përse kënga e tij ngjiti në publik. “Janë bërë shumë këngë për Adem Jasharin, por kjo ka dalë mbi të gjitha. Mendoj se suksesi i një krijuesi është kur krijon mbi motivet popullore të kombit të vet. Unë kam marrë shumë nga ato, kam marrë muzën e tyre.
Këngët, për mua, bëhen të pavdekshme kur bazën e kanë tek motivi popullor, folklorik origjinal. Pastaj krijuesi fut shpirtin e vet krijues aty. Unë e krijova thjeshtë mbi motive popullore dhe nuk i bëra refren. Kënga është strofike”, shpjegon ai.
Shpjegimin se përse “Mora fjalë” u përqafua masivisht gati dy dekada pas krijimit nuk e ka.
“Kjo po më çudit edhe mua. Unë kurrë nuk kam menduar që kjo këngë do të mbërrinte deri këtu. Këto vitet e fundit ka hyrë në stadiume. E këndojnë i madh e i vogël. Në Kosovë nuk ka njeri që nuk e di.
Nuk di si mori kjo këngë kaq përmasa të mëdha, pikërisht këto 4-5 vitet e fundit. Kënga është e bukur vetë, por Shkurta e këndoi në atë mënyrë që e solli shumë bukur te spektatori, tek qytetari”.
Mes vargjeve të tij, Gjoshi i thërret komandantit legjendar të UÇK-së të çohet nga varri. Të çohet se po e thërrasin zogjtë e malit, trëndafilat, këngët, trimat, nanë lokja dhe tanë Kosova.
Por krahas suksesit të pamatë të vargjeve e notave të tij, krijuesi i “Mora fjalë” e ka një brengë dhe nuk ngurron të çojë fjalë.
“Më ka bërë përshtypje. Kam qenë disa herë në Skënderaj. Aty është djali i Adem Jasharit dhe asnjë herë nuk më ka takuar. Më vjen keq për këtë, që djali i tij nuk më ka takuar asnjë herë.
Kam qenë në Drenicë, Skënderaj, nëntë vite radhazi në një festival rapsodie. Kam qenë në juri. Ai aty ka qenë, por s’më ka takuar. Këtë e kam shprehur edhe atje”.
Por çfarë pret me më shumë emocion kompozitorin Gjoshi në përballjen e radhës të kombëtares kuqezi, fitoren, apo këndimin e këngë së tij?
“Unë dua fitoren e Shqipërisë. Atëherë bëhet më bukur. Atëherë krijon emocion më të madh kënga, me fitoren e Shqipërisë. Inshalla do të fitojmë”, uron Gjoshi./A2cnn
'Ben Qimja' dhe SPAK TIRANË-GJKKO konfiskon pasuritë e xhaxhatit të Arben Isufajt, i njohur si Ben Qimeja. Sipas njoftimit zyrtar, GJKKO ka ...
SPAK TIRANË- Dy të akuzuarit për shit-blerje votash Kristo Çollaku dhe Gjergji Butka në zgjedhjet e 2021 në Devoll jan&eum...
Ervis Martinaj TIRANË- Kushëriri i Ervis Martinajt, Emiljano Nina i cili u arrestua dje për shkak të aksidentit të tij në Liq...
Policia DIBËR- Një 32-vjeçar është arrestuar në Dibër pasi ka thyer masën arrest në shtëpi. I riu i cil...
Foto ilustruese SHBA-Alban Lukaj një shqiptar në Amerikë, sipas raportimit zyrtar të Departamentit të Drejtësisë Amerika...
Foto ilustruese TIRANË- Kthimi i vendit në një destinacion turistik dhe hyrja e operatorëve ajrorë me kosto të ulët ka r...
Aksident DURRËS- Një aksident i rëndë ka ndodhur mëngjesin e sotëm në aksin Fushë Krujë-Thumanë. Një...
Foto ilustruese Shqipëria do të paraqitet nën ndikimin e intervaleve të gjata me kthjellime në pjesën më të madhe t...
Klodiana Lala TIRANË- Gazetarja Klodiana Lala ka deklaruar se ish-shefi i Komisariatit të Laçit, Dritan Metaj ka pasur lidhje dhe kontakte...
Aksidenti TIRANË- Shkaktari i aksidentit spektakolar të diga e Liqenit të Tiranës, Emiliano Nina është arrestuar mbr&eum...
