Seancë plenare në Kuvend/ PD anulon bojkotin! Peleshi i heq fjalën Berishës: Mu drejto me etikë
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
Incident para Kuvendit! Policia largon me forcë ish-luftëtarët e UÇK-së, Dritan Goxhaj dhe Meçan Zotaj(VIDEO) ...
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
Njëri prej tyre, një 20-vjeçar i veshur me xhinse dhe një bluzë të zezë, thotë se ka bindje të djathta dhe këto zgjedhje mbështeti Partinë Demokratike.
TIRANË- Rreth orës 12:40 të së martës, dy studentë dalin nga rrethimi i godinës së Fakultetit Juridik në Tiranë, pasi përfunduan një orë leksioni. Njëri prej tyre, një 20-vjeçar i veshur me xhinse dhe një bluzë të zezë, thotë se ka bindje të djathta dhe këto zgjedhje mbështeti Partinë Demokratike.
Edhe pse nuk vuri re asgjë të parregullt në qendrën e tij të votimit, studenti i Juridikut beson se fitorja dërrmuese e Partisë Socialiste erdhi si pasojë “e blerjes së votes”.
“Është diktaturë. E ka thënë vetë Edi Rama, që ‘kur të dua unë do e lë pushtetin’,” thotë ai. “Nuk ngrihet populli për ta rrëzuar, sepse populli është blerë me lekë,” shtoi studenti, ndërsa thekson se partitë e reja nuk u rritën, pasi dy partitë e mëdha tradicionale kanë më shumë influencë në Shqipëri.
Ide të ngjashme nuk janë të rralla mes dhjetra studentëve që BIRN takoi në Fakultetin e Drejtësisë, të Gjuhëve të Huaja, Fakultetin Ekonomik dhe Universitetin Politeknik të Tiranës, pasi Partia Socialiste fitoi një mazhorancë të thellë prej 83 deputetësh në zgjedhjet e 11 majit.
Në zgjedhjet parlamentare të 11 majit kishin të drejtë vote mbi 114 mijë votues për herë të parë, një pjesë e të cilëve studentë. Ndërsa i japin shpjegime të ndryshme rezultatit, shumica e studentëve ndajnë bindjen se partia në pushtet përdori administratën publike dhe mekanizma të tjerë të korrupsionit zgjedhor për të fituar zgjedhjet.
Të tjerë studentë vlerësojnë se qytetarët shqiptarë nuk patën mundësi zgjedhje tek kundërshtarët e partisë në pushtet, ndërsa ka edhe nga ata që kthejnë gishtin nga vetja me shprehjen e njohur se “çdo popull ka qeverinë që meriton”. Gjithsesi, studentët i ndanë mendimet e tyre me kërkesën që t’u ruhej anonimati.
Një studente e vitit të parë në Fakultetin e Drejtësisë mendon se pas tre mandatesh të Edi Ramës në pushtet, do të ishte mirë që të kishte pasur ndryshim.
“Kishte alternativa këtë herë se ishin partitë e reja. Megjithatë, mendoj se Partia Socialiste në pushtet, ka pasur administratën nën kontroll,” thotë ajo, ndërsa shton se ajo vetë nuk kishte pasur trysni.
Në Fakultetin Ekonomik, një pedagoge tha në kushtet e anonimatit se e sheh me dyshim rritjen e mazhorancës, edhe pas konsumimit të saj 12-vjeçar. Ajo vlerëson gjithashtu se votuesit tradicionalë në Shqipëri janë kryesisht militantë apo njerëz të lidhur me interesa të ngushta, ndërsa rinia ka pak akses në politikë për të përçuar ide të reja.
“Si intelektuale them që është pak e çuditshme, që një parti, kushdoqoftë ajo, që ka një kohë kaq të gjatë në pushtet dhe të ketë këtë rezultat. Kjo tregon se pushteti ka ndikim të madh, administrata….,” vlerëson pedagogia, e cila vetë nuk ka votuar në këto zgjedhje.
Ajo ka gjithashtu pak besim te partitë e reja.
“Për partitë e reja, pikërisht nuk e di çfarë partish të reja janë, apo janë filiza të partive të vjetra, që janë ndërtuar për të krijuar gjoja shumë pole. Kështu mendoj personalisht, se ndryshe nuk arrij ta justifikoj gjendjen në të cilën jemi ne, që është krejt ndryshe nga sa reklamohet,” shtoi ajo.
Të çuditshme e cilëson situatën edhe një studente e vitit të parë Master në Fakultetin e Gjuhëve të Huaja.
“Eshtë shumë e çuditshme që fitoi partia në pushtet. Mendoj që pati vjedhje të votave,” thotë ajo. “Do ishte shumë mirë po të ishte bërë një ndryshim, por siç e kemi parë, pjesa më e madhe e shqiptarëve ankohen dhe prapë se prapë votojnë të njëjtën parti dhe është për të ardhur keq,” shtoi ajo.
Në shkallët e Universitetit Politeknik në Tiranë qëndronin grupe studentësh mesditën e të martës. Një prej tyre, 19 vjeç nga Rrogozhina, vëren se korrupsion ka pasur gjithmonë, pavarësisht partisë që ka qenë në pushtet. Ai fajëson gjithashtu opozitën si një parti nga e cila populli nuk pret shumë si një faktor për rezultatin.
“Përderisa e ka mbajtur 12 vjet pushtetin, do ketë dhe korrupsion. Në qytetin tim, në Rrogozhinë zgjedhjet kanë qenë të qeta,” thotë studenti. “Mendoj se populli ka dashur një frymë të re, por partia kundërshtare kryesore drejtohet nga një person, nga i cili populli nuk pret shumë,” shtoi ai.
Një tjetër student i cilëson të ngjashme të dy partitë e mëdha, por vlerëson se Partia Socialiste po fiton për shkak të punës që ka bërë.
“Të gjitha partitë e vjetra i kanë skandalet deri në fyt dhe fakti që kjo parti po ecën, ka të bëjë me përkushtimin, me punën që ka bërë. Mendoj se ka dhe faktorë të tjerë. Ndërsa partitë e reja, konsideroj se nuk bënë fushatat e duhura dhe nuk kanë hapësirë,” tha ai.
Një shok i tij, ngre dyshime mbi votën e diasporës për të cilën thotë se mund të jetë manipuluar. Sipas tij, është e pakuptueshme që emigrantët të votojnë Partinë Socialiste ndërsa janë larguar për shkak të pakënaqësive nga qeveria. Megjithatë, edhe ai vetë ka dilema për alternativat.
“Edhe unë, nëse dua ta largoj këtë në pushtet nuk di kujt t’ia jap. Partitë e reja nuk ishin në nivelin e duhur,” shprehet ai.
Një studente e vitit të tretë në Fakultetin e Ekonomisë thotë se shqiptarët duhet të kthejnë gishtin nga vetja, duke nënkuptuar se ata janë bashkëfajtorë në një sistem të korruptuar.
“Mendoj se çdo që fillon nga ne, nuk fillon vetëm nga shteti. Mendoj se shqiptarët kanë qeverinë që meritojnë dhe asgjë më tepër,” përfundon ajo./ Reporter.al
Foto ilustruese FIER- Agjentët e Byrosë Kombëtare të Hetimit po zhvillojnë aksion edhe në Fier pas atij të raportuar pak...
Foto ilustruese DURRËS- Një 40-vjeçar është arrestuar ditën e sotme në qytetin e Durrësit për shakak se...
Foto ilustruese KOSOVA- Gjykata Themelore në Prishtinë e ka hedhur poshtë padinë e një grupi aktivist kundër rregullatorit t&...
Foto ilustruese TIRANA- Ambasada e Shteteve të Bashkuara në Tiranë ka shpërndarë një mesazh të fortë në r...
SPAK dhe BKH SHKODËR- Prokuroria e Posaçme dhe Byroja Kombëtare e Hetimit kanë ndërmarrë një aksion në Shkodë...
foto ilustruese TIRANË- Detaje të reja janë zbardhur në lidhje me rrëmbimin e një 29-vjeçareje në Tiranë. B...
foto ilustruese SARANDË- Një 35-vjeçar është arrestuar nga policia e Sarandës, pasi dyshohet se përndiqte një t&...
Foto ilustruese TIRANË- Kolegji i Posaçëm i Apelimit, KPA vendosi të martën më 13 maj të lërë në fuqi v...
Foto ilustruese TIRANË- Një 29-vjeçar është arrestuar ditën e sotme pasi dyshohet se ka marrë peng dhe ka kanosur...
foto ilustruese SHBA- Një shtetas i Kosovës është ekstraduar në Shtetet e Bashkuara, ku akuzohet për krime kibernetike në...
